უკან

დღის კალენდარი

ანონსები

არქივი

საზოგადოება

26 ივლისი, 2018 16:25
font-size

ეს ის შემთხვევაა, როდესაც ეკოლოგიური პრობლემები გაცილებით უფრო მნიშვნელოვანია, ვიდრე ეკონომიკური - ფინანსთა მინისტრი სვანების პროტესტზე

ფინანსთა მინისტრი ივანე მაჭავარიანი გამოეხმაურა სვანეთში, კერძოდ, სოფელ ხაიშში მოსახლეობის პროტესტს ჭუბერსა და ხაიშში პოლიციის შესვლის წინააღმდეგ.

მაჭავარიანის განმარტებით, სვანეთში მიმდინარე მოვლენები უკავშირდება ტყის დაცვის სტრატეგიას.

მისივე თქმით, მთავრობა აპირებს ხელი შეუწყოს გადაუმუშავებელი ხის მასალის იმპორტს და ამით ექსპორტი შეამციროს.

„იმპორტის ხელშეწყობა შეიძლება გაგიკვირდეთ, მაგრამ ეს ის შემთხვევაა, როდესაც ეკოლოგიური პრობლემები გაცილებით უფრო მნიშვნელოვანია, ვიდრე - ეკონომიკური. ჩვენ მიგვაჩნია, რომ ტყეს სჭირდება დაცვა. დღევანდელი დღეც ამის დასტურია. ის რაც ხორციელდება დღეს სვანეთში, არის ამ სტრატეგიის ფარგლებში. გასული 2 კვირის განმავლობაში 15 პირია დაკავებული ხე-ტყის უკანონო ჭრისა და ყალბი დოკუმენტაციის დამზადების ბრალდებით. ფინანსთა სამინისტროს საგამოძიებო სამსახური ამ მიმართულებით აქტიურ მუშაობას გააგრძელებს“, - განაცხადა მაჭავარიანმა.

კითხვაზე, მოსალოდნელია თუ არა ამ საქმეზე მაღალი თანამდებობის პირების დაკავება, მაჭავარიანმა უპასუხა, რომ საერთოდ არაფერს არ გამორიცხავს, თუმცა გამოძიების შესახებ მეტ ინფორმაციას ფინანსთა სამინისტროს საგამოძიებო სამსახური გაავრცელებს.

ხაიშში ადგილობრივები ფინანსთა სამინისტროს საგამოძიებო სამსახურის წარმომადგენლების შესვლას აპროტესტებენ, რაც ხე-ტყის უკანონო მოპოვებას უკავშირდება. ფინანსთა სამინისტროს საგამოძიებო სამსახურის განცხადების თანახმად, სპეცნაზმის შეყვანა გახდა საჭირო საგამოძიებო სამსახურის თანამშრომლების უსაფრთხოებისა და საქმიანობის სრულყოფილად შესრულების მიზნით. უწყების ინფორმაციით, საქართველოს ფინანსთა სამინისტროს საგამოძიებო სამსახურის თანამშრომლები მთელი ქვეყნის მასშტაბით ინტენსიურად ახორციელებენ ღონისძიებებს ხე-ტყის უკანონო მომპოვებელთა, გაყალბებული დოკუმენტების გამოყენებით ხის მასალის რეალიზატორთა და კანონდარღვევით მოქმედი ხის სახერხი საამქროების გამოვლენა-მხილების მიზნით.

თავის მხრივ, ადგილობრივი მოსახლეობა აცხადებს, რომ ხე-ტყის წარმოება ერთადერთი საარსებო წყაროა. ისინი მოუწოდებენ ხელისუფლებას, ალტერნატიული განვითარების საშუალება მიეცეთ.

„ვისოლმა“ თვითმომსახურების პირველი ავტოგასამართი სადგური გახსნა

20 სექტემბერი, 2019 , 13:10

„ვისოლი“ საქართველოს ნავთობბაზარზე თვითმომსახურების ქცევას ნერგავს. კომპანიამ მარშალ გელოვანის გამზირზე, პოლიციის სამმართველოსთან პირველი თვითმომსახურების სადგური გახსნა. ცნობილი კარიკატურისტისა და წარმატებულ

პარლამენტთან `სირცხვილიას` წევრებმა აქცია-გამოფენა გამართეს

20 სექტემბერი, 2019 , 12:35

პარლამენტის შენობის უკანა შესასვლელთან მოძრაობა "სირცხვილიას" წევრებმა და "ევროპული საქართველოს" დეპუტატმა ელენე ხოშტარიამ აქცია გამართეს. აქციის მონაწილეებს წარმოდგენილი ჰქონდათ ფოტოები, რომელზეც საოკუპაციო ზოლთან არსებ

მიმდინარეობს მუშაობა კონცეფციაზე, რომ ბავშვებისთვის მიკრო ციხეები შეიქმნას

20 სექტემბერი, 2019 , 12:00

იუსტიციის სამინისტრო მე-11 არასრულწლოვანთა სარეაბილიტაციო დაწესებულების დახურვას აპირებს. ამის შესახებ იუსტიციის მინისტრმა, თეა წულუკიანმა განაცხადა, რომელმაც პენიტენციური სისტემის მუშაობის ერთწლიანი ანგარიშის პრეზენტაცი

`ერთად ერთის წინააღმდეგ` - დღეს რუსთაველზე ფართომასშტაბიანი აქცია იგეგმება

20 სექტემბერი, 2019 , 11:37

„გავრილოვის ღამიდან“ სამი თვის თავზე რუსთაველზე, პარლამენტის წინ ფართომასშტაბიანი აქცია იგეგმება. როგორც აქციის ორგანიზატორთა მიმართვაშია ნათქვამი: „20 სექტემბერს, გავრილოვის ღამიდან ზუსტად სამი თვის თა

თბილისის ნაწილს ელექტრომომარაგება დროებით შეეზღუდება

20 სექტემბერი, 2019 , 10:20

გეგმურ-პროფილაქტიკური სამუშაოების ჩატარების გამო, თბილისის ნაწილს ელექტრომომარაგება დროებით შეეზღუდება. კომპანია „თელასის“ ინფორმაციით, სამგორის რაიონში, გეგმურ-პროფილაქტიკური სამუშაოების გამო 10 საათიდან 15

პარლამენტში შესვლა დღეს შეზღუდული იქნება

20 სექტემბერი, 2019 , 10:20

რუსთაველის გამზირზე დაანონსებული აქციის გამო, საქართველოს პარლამენტის შენობაში დღეს დაშვების შეზღუდული რეჟიმი იმოქმედებს, – ამის შესახებ საქართველოს პარლამენტის ინფორმაციაშია ნათქვამი. „20 სექტემბერს, რუსთავე

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს