უკან

კომენტარი

26 თებერვალი, 2019 16:57
font-size

ეს კარავი იდგება, ვიდრე ჩემი ძმა არ იქნება განთავისუფლებული - თორნიკე მამალაძე

ჩემი ძმა არის უდანაშაულო და იმ დანაშაულს არასდროს აღიარებს, რაც არ ჩაუდენია, – ამის შესახებ დეკანოზ გიორგი მამალაძის ძმამ, თორნიკე მამალაძემ საპატრიარქოს განცხადებაზე კომენტირებისას აღნიშნა.

როგორც თორნიკე მამალაძემ აღნიშნა, მისი აქცია არ არის ეკლესიის წინააღმდეგ მიმართული, მის მიზანი ოჯახის წევრის დაცვაა.

„რაც შეეხება დისკრედიტაციას რაშიც დღეს დაგვადანაშაულეს, არაერთხელ მითქვამს, რომ აქ ჩემი დგომა არ არის ეკლესიის წინააღმდეგ, აქ ჩემი დგომა არის ჩემი ოჯახის წევრის დაცვა. მის სიცოცხლეს საფრთხე ემუქრება. ჩემთან პირად საუბრებში მამა ანდრიას არაერთხელ უთქვამს, რომ მას ჩემი წინააღმდეგი არაფერი აქვს. ის თანამიგრძნობს მე აქ დგომაში. სამწუხაროდ, დღეს ვხედავთ განცხადებას, რომ მე დისკრედიტაციაში მადანაშაულებენ. დარწმუნებული ვარ, რომ ეს საქართველოს კათოლიკოს-პატრიარქის განცხადება არ იქნება. ეს არის იმ ადამიანების განცხადება, ვინც ე.წ ციანიდის საქმის უკან დგანან და ვინც დღემდე ცდილობენ ჩემი ძმის საპყრობილეში გამოკეტვას“, – განაცხადა თორნიკე მამალაძემ.

რაც შეეხება საპატრიარქოს კიდევ ერთ განცხადებას, რომ მღვდელმსახურებისთვის მიწერილი წერილი, რომელზეც დეკანოზი საუბრობს გაასაჯაროოს, დეკანოზის ძმა აცხადებს, რომ წერილი მას არ აქვს და ვერ გაასაჯაროებს.

„როგორც მეუფე დიმიტრიმ თქვა, ამ წერილს გავიტან წმინდა სინოდზე და იქ განვიხილავო. თუკი მეუფე დიმიტრი მიიჩნევს, რომ ეს არ არის საჯაროდ განსახილველი თემა, ჩემთვის მიუღებელია, რატომ ცდილობს საპატრიარქო იმ თემებზე საუბარს, რაც ეპისკოპოსებს არ სურს. რაც შეეხება საგამოძიებო მასალების გასაჯაროებას. ჩვენ თავდაპირველად ვითხოვდით სასამართლო სხდომები ყოფილიყო გახსნილი. მივმართეთ საპატრიარქოს, რომ მათაც მოეთხოვათ ეს, სამწუხაროდ, ხმა არავინ ამოიღო, რადგანაც იცნობდნენ საქმის მასალებს. მოგეხსენებათ, როცა პატრიარქი გერმანიიდან ჩამობრძანდა პროკურორები და მთავრობის წევრები იყვნენ მისულები, საქმის გარკვეული ნაწილები მიიტანეს, სურვილი არ გასჩენიათ, რომ საჯარო ყოფილიყო, რადგანაც დარწმუნებულები იყვნენ, რომ ჩემი ძმის წინააღმდეგ რაიმე სამხილები არ იყო“, – განაცხადა მამალაძემ.

როგორც მამალაძე აცხადებს, მისი პროტესტი ეკლესიის წინააღმდეგ არ არის მიმართული.

„ეს კარავი იდგება, ვიდრე ჩემი ძმა არ იქნება განთავისუფლებული“, – განაცხადა მამალაძემ.

საქართველოს საპატრიარქომ დღეს განცხადება გაავრცელა. საქართველოს საპატრიარქო გამოძიებას მიმართავს, გაუგებრობების თავიდან აცილების მიზნით, დეკანოზ გიორგი მამალაძის საქმის მასალები გასაჯაროვდეს. „სამწუხაროდ, მამა გიორგიც და მისი ოჯახის წევრებიც მიუღებელი მეთოდების თანამონაწილენი აღმოჩნდნენ და ეკლესიასთან მიმართებაში არ მოერიდნენ თავდაცვის მექანიზმად შანტაჟის გამოყენებას, რითაც ხელი შეუწყვეს თავისივე თავის საწინააღმდეგო მდგომარეობის შექმნას. რეალურად კი, ყველამ კარგად იცის, რომ საქართველოს საპატრიარქო შუამდგომლობას აღძრავს მხოლოდ იმ შემთხვევაში, თუ მსჯავრდებული ითხოვს შენდობას და აღიარებს თავის წილ დანაშაულს“, – აღნიშნულია განცხადებაში.

წყარო: პირველი არხი

მოვუწოდებთ კომპანია „ფრონტერას“ გაასაჯაროოს საერთაშორისო არბიტრაჟის გადაწყვეტილება - ნათია თურნავა

4 ივნისი, 2020 , 15:35

თქვენ იცით, რომ საერთაშორისო დავა „ფრონტერასთან“ ქართული მხარის სასარგებლოდ დასრულდა და მოდით, ერთად მოვუწოდოთ კომპანია „ფრონტერას“ გაასაჯაროოს ის გადაწყვეტილება, რაც მიიღო სერთაშორისო არბიტრაჟმა,

არავინ არსად არ მიდის, ჩვენ ყველანი ვრჩებით იქ, სადაც ამჟამად გვხედავთ და ვართ - თეა წულუკიანი

4 ივნისი, 2020 , 14:15

ვიცე-პრემიერმა, იუსტიციის მინისტრმა, თეა წულუკიანმა გიორგი გახარიას გადადგომასთან დაკავშირებით გუშინ გავრცელებულ ინფორმაციას ფეიკნიუსი უწოდა და აღნიშნა, რომ ფეიკნიუსები მის შესახებაც ვრცელდებოდა. „ბოლო დღეების განმ

ბექა ლილუაშვილი 2020 წლის ბიუჯეტზე - სამწუხაროდ, ოპოზიციის გარკვეული წარმომადგენლები ცდილობენ, მცდარი ინფორმაცია მიაწოდონ საზოგადოებას

3 ივნისი, 2020 , 16:35

სამწუხაროდ, ოპოზიციის გარკვეული წარმომადგენლების მხრიდან კვლავ ადგილი აქვს მცდელობას, მცდარი ინფორმაცია მიაწოდოს საზოგადოებას, - ამის შესახებ საქართველოს პრემიერ-მინისტრის მრჩეველი, ბექა ლილუაშვილი, სოციალურ ქსელში წერს.

თითო საათი 165 აშშ დოლარი ჯდება - თუ ეს ვინმეს ენანება ჩვენი ჯარისკაცებისთვის, მაშინ ეს მათ ნამუსზე იყოს - ირაკლი ღარიბაშვილი

3 ივნისი, 2020 , 13:15

ტელეკომპანია „რუსთავი 2“-ის გადაცემაში „ღამის კურიერი“ საქართველოს თავდაცვის მინისტრმა ჯარისკაცების წასახალისებლად თავდაცვის უწყების მიერ ჯერ კიდევ დეკემბერში შეკვეთილ სასაჩუქრე საათებზეც ისაუბრა.

20 წლის განმავლობაში ქართული ჯარი არასოდეს გამოკვებილა ნედლი, გაუყინავი, ახალი ხორცით. მე ეს პრობლემა მოვაგვარე - თავდაცვის მინისტრი

3 ივნისი, 2020 , 12:10

"ძალიან უაზრო, ცილისმწამებლური კამპანია" - ასე უწოდა თავდაცვის მინისტრმა ირაკლი ღარიბაშვილმა იმ ბრალდებებს, რომლებიც ჯარისკაცების კვებასთან დაკავშირებით ვრცელდებოდა. ირაკლი ღარიბაშვილმა "ღამის კურიერის" ეთერში აღნიშნა, რ

ჩვენთან პოლიტიკურმა ძალებმა არ იციან, ფული აკეთონ თუ პოლიტიკა - დავით ჭიჭინაძე

2 ივნისი, 2020 , 16:50

ჩვენთან პოლიტიკურმა ძალებმა არ იციან, ფული აკეთონ თუ პოლიტიკა და აი, ეს არის მთავარი პრობლემა, - აცხადებს პოლიტიკური მოძრაობა „ტრიბუნას“ ლიდერი, დამოუკიდებელი დეპუტატი დავით ჭიჭინაძე. ამასთან, დეპუტატი ოპოზიც

პირდაპირი TV

daily calendar

ვიდეო გალერეა

ქრისტე აღსდგა!