კომენტარი

ეს ყველაფერი საკმარისია პოლიტიკური სურათის შესაქმნელად, თუ ვის აწყობდა არეულობა - სოზარ სუბარი

ლტოლვილთა და განსახლების მინისტრი, სოზარ სუბარი ბათუმის არეულობის ორგანიზებაში ნაციონალური მოძრაობის კვალს ხედავს.

როგორც სუბარმა მთავრობის სხდომის დასრულების შემდეგ ჟურნალისტებს განუცხადა, ,,ეს ყველაფერი ჯდება მათ ხელწერაში.’’

„როცა ლაპარაკია ბრალდებებზე, ნაციონალური მოძრაობის მიმართ არც ერთი ასეთი კონკრეტული ბრალდება არ ყოფილა. თუ ვლაპარაკობთ ზოგად სურათზე, შეგვიძლია გავიხსენოთ მიხეილ სააკაშვილის განცხადებები, რომელიც არჩევნების წინ პირდაპირ მოუწოდებდა ძალადობისკენ, არეულობისკენ, გვახსოვს სატელეფონო ჩანაწერებიც, საჯარო გამოსვლებიც. ეს ყველაფერი ჯდება მათ ხელწერაში. ისიც კარგად უნდა გავიხსენოთ, იქ რომელი ლიდერები მონაწილეობდნენ, ვინ გეგმავდა მხარდამჭერ აქციებს თბილისში, ზუგდუდში, ქუთაისში თუ სხვაგან. ეს ყველაფერი საკმარისია პოლიტიკური სურათის შესაქმნელად, საკმარისია პოლიტიკური სახის გამოსავლენად, ვის აწყობდა ეს არეულობა, თუმცა სისხლის სამართლებრივ ბრალდებებამდე ამ ეტაპზე არ მიდის საქმე. ამას გამოაჩენს გამოძიება,“ - განაცხადა სოზარ სუბარმა.

ნინო ექვთიმიშვილი