პოლიტიკა
ეს პროცესი დაემსგავსა სრულ ფარსს - „ევროპული საქართველო“ უწყებათაშორის კომისიას ტოვებს
„ევროპული საქართველო“ უწყებათაშორის კომისიას ტოვებს.
კომისიის წევრისა და საპარლამენტო უმცირესობის წარმომადგენლის, ოთარ კახიძის განმარტებით, კომისია საარჩევნო დარღვევებზე არ რეაგირებს, მისი მუშაობა ფარსს დაემსგავსა, რის გამოც „ევროპული საქართველო“ ამ ფორმატში მუშაობის აზრს ვეღარ ხედავს.
„ეს პროცესი დაემსგავსა სრულ ფარსს. აქამდეც არ გამოირჩეოდა დიდი გახსნილობით, დემოკრატიულობითა და დროული რეაგირებით დაფიქსირებულ დარღვევებზე, მაგრამ ბოლო დროს ჩვენ აზრსაც კი ვეღარ ვხედავთ, გავაგრძელოთ მონაწილეობა აღნიშნული კომისიის საქმიანობაში იქამდე, ვიდრე რეაგირება არ იქნება. სანამ ეს კომისია არის უბრალოდ ფორმალობა და მას თავმჯდომარეობს პოლიტიკური სიძულვილით გაჟღენთილი ქალბატონი თეა წულუკიანი, „ევროპული საქართველო“ ამ კომისიაში დარჩენის აზრს ვერ ხედავს“, – განაცხადა დეპუტატმა.