უკან

უახლესი ამბები

დღის კალენდარი

ანონსები

არქივი

პოლიტიკა

17 აპრილი, 2018 16:30
font-size

ეს საქართველოდან შეკვეთილი მკვლელობა იყო - არჩილ ტატუნაშვილის დედა

ოკუპირებული ცხინვალის რეგიონში მოკლული არჩილ ტატუნაშვილის დედის, რუსუდან ტატუნაშვილის განცხადებით, მისი შვილის მკვლელობა ქართული მხარის შეკვეთილია. ამის შესახებ რუსუდან ტატუნაშვილმა იბერიის ტელევიზიის ეთერში თქვა.

„ეს იყო აქედან შეკვეთილი მკვლელობა, საქართველოდან. ოსებს არანაირი ინტერესი არ ჰქონდათ ჩემი შვილისადმი. რაც აჩიკომ არჩევნებში მიიღო მონაწილეობა, მას შემდეგ გადაადგილებაც შეუზღუდდეს გამშვებ პუნქტზე, რამდენიმე ხანი გაჩერებულიც იყო“, -თქვა რუსუდან ტატუნაშვილმა.

ტატუნაშვილის დედამ დააზუსტა, რომ არჩილ ტატუნაშვილი ბოლო საპარლამენტო არჩევნებზე „ევროპული საქართველოს“ კოორდინატორი იყო.

„ხმა მისცა უბრალოდ არჩევნებში, ღებულობდა მონაწილეობას, „ევროპული საქართველოს“ კოორდინატორი იყო“, - განმარტა ტატუნაშვილის დედამ.

კითხვაზე, რატომ უნდა მოეკლათ, ტატუნაშვილის დედამ უპასუხა, რომ „ალბათ ვიღაც-ვიღაცებს ხელს უშლიდა და იმიტომ“.

რუსუდან ტატუნაშვილმა გაიხსენა, რომ ოკუპირებული ცხინვალის რეგიონში მორიგი გადასვლის დროს არჩილ ტატუნაშვილი გააფრთხილეს დაჭერის შესახებ.

„როცა იყო იქ ასული სოფელში, არის ერთი პიროვნება, რომელიც იძებნება ამჟამად, იქ ცხოვრობს და აქეთ ვერ გამოდის, იმან გააფრთხილა, უთხრა, რომ, შენ სულერთია დაგიჭერენ, იქ თუ არა, აქ მაინც დაგიჭერენ“, - განაცხადა ტატუნაშვილის დედამ.

რუსუდან ტატუნაშვილის თქმით, იმ პიროვნებას კახა კესაური ჰქვია.

„პირადი ინტერესი არაფერი არ ჰქონდა, უბრალოდ სუფრასთან ისხდნენ, ნასვამი იყო და უთხრა ჩემს შვილს, რომ შენ სულერთია დაგიჭერენ. გაშიფრული ხარ“, - დაამატა რუსუდან ტატუნაშვილმა.

რას გულისხმობდა კესაური გაშიფრულში, ტატუნაშვილის დედამ ვერ განმარტა.

მან დაამატა, რომ ჯერ ვერ დაასახელებს სავარაუდო დამკვეთს.

„ჯერ ვერ დავასახელებ, ჯერ პროკურატურაშია საქმე, ძიებაშია, მაგრამ იმედი მაქვს მე, რომ ექსპერტიზის დასკვნა დროულად დაიდება და ჩემი შვილის ცხედრით არ ისპეკულირებენ“, -განაცხადა რუსუდან ტატუნაშვილმა.

არჩილ ტატუნაშვილი 22 თებერვალს, დილით ახალგორიდან გაიტაცეს,მომდევნო დღეს გავრცელდა ინფორმაცია მისი დარუპვის შესახებ. ტატუნაშვილის ცხედარი ქარტულ მხარეს თითქმის ერთი თვის შემდეგ, 20 მარტს გადასცეს.

ირაკლი კობახიძე საფრანგეთის ეროვნული ასამბლეის პრეზიდენტს შეხვდა

16 იანვარი, 2019 , 19:00

საქართველოს პარლამენტის თავმჯდომარე ირაკლი კობახიძე საფრანგეთის ეროვნული ასამბლეის პრეზიდენტს, რიჩარდ ფერანს შეხვდა. პარლამენტის პრესამსახურის ცნობით, შეხვედრაზე საქართველო-საფრანგეთის ურთიერთობები განიხილეს და თანამშრომ

სალომე ზურაბიშვილმა გიორგი გახარიასთან პირველი სამუშაო შეხვედრა გამართა

16 იანვარი, 2019 , 17:27

საქართველოს პრეზიდენტმა, სალომე ზურაბიშვილმა ვიცე-პრემიერთან, შინაგან საქმეთა მინისტრთან გიორგი გახარიასთან პირველი სამუშაო შეხვედრა გამართა. შეხვედრაზე პრეზიდენტმა და მინისტრმა სხვადასხვა საკითხებთან დაკავშირებით მოსაზრ

როგორც მოსამართლე, მე პასუხის ღირსად არ ვთვლი ბესელიას და მისნაირ პოლიტიკოსებს - სერგო მეთოფიშვილი

16 იანვარი, 2019 , 15:41

იუსტიციის უმაღლესი საბჭოს წევრი და კოლეგიის თავმჯდომარე სერგო მეთოფიშვილი უზენაესი სასამართლოს მოსამართლეობის კანდიდატების სიასთან დაკავშრებით მიმდინარე მოვლენებს, სოციალური ქსელის მეშვეობით ეხმაურება.  „როგორ

საქართველოს პრეზიდენტი ევროკავშირის სადამკვირვებლო მისიის ხელმძღვანელს შეხვდა

16 იანვარი, 2019 , 14:33

საქართველოს პრეზიდენტი სალომე ზურაბიშვილი, ევროკავშირის სადამკვირვებლო მისიის ხელმძღვანელს ერიკ ჰოეგს შეხვდა. შეხვედრისას საუბარი შეეხო სადამკვირვებლო მისიის საქმიანობას და სამომავლო გეგმებს. პრეზიდენტის თქმით, მნიშვნელო

შინაგან საქმეთა მინისტრი გიორგი გახარია ყატარში ოფიციალური ვიზიტით იმყოფებოდა

16 იანვარი, 2019 , 12:52

საქართველოს შინაგან საქმეთა მინისტრი გიორგი გახარია და სამინისტროს დელეგაცია ყატარში ოფიციალური ვიზიტით იმყოფებოდა. სამინისტროს დელეგაციას ყატარის პრემიერ-მინისტრმა და შინაგან საქმეთა მინისტრმა - შეიხ აბდულა ბინ ნასერ ბი

საქართველოსა და სომხეთის პრემიერ-მინისტრებს შორის არაფორმალური შეხვედრა გაიმართა

16 იანვარი, 2019 , 10:18

ბოლნისში გუშინ საქართველოსა და სომხეთის რესპუბლიკის პრემიერ-მინისტრების არაფორმალური შეხვედრა გაიმართა. მამუკა ბახტაძემ ნიკოლ ფაშინიანს სომხეთის რესპუბლიკის პრემიერ-მინისტრად დანიშვნა პირადად მიულოცა. მთავრობის მეთაურებმ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`