უკან
კომენტარი
20 ოქტომბერი, 2017 11:15
ეს შესაძლებელია იყოს ,,ქართული ოცნების“ შიდა პარტიული დაპირისპირება - აჰმედ იმამკულიევი
„ევროპული საქართველოს“ მარნეულის მერობის კანდიდატის, აჰმედ იმამკულიევის შეფასებით, სოფელ ყიზილაჯლოში "ქართული ოცნების" შტაბთან მომხდარი სროლა შიდაპარტიულ დაპირისპირებას უკავშირდება - იმამკულიევი ამბობს, რომ მომხდარის დეტალები მისთვის უცნობია, თუმცა მისი ინფორმაციით, ადგილობრივები ერთ-ერთ ვერსიად შიდა დაპირისპირებას ასახელებენ.
„ეს არის „ქართლი ოცნების“ სახე, დღეს საქართველოში მმართველი გუნდი არის „ქართლი ოცნება“ და ხდება ასეთი ფაქტები. წინასწარ არანაირი ინფორმაცია არ გვაქვს სამწუხაროდ. ვუყურეთ გიორგი მღებრიშვილის გამოსვლას, არანაირი გამოძიება. მოსახლეობას ინფორმაცია არ აქვს, რის გამო მოხდა, რატომ მოხდა. ჩვენ ვიცით ჭორის დონეზე, რომ ეს შესაძლებელია იყოს შიდა პარტიული დაპირისპირება,“ - განაცხადა აჰმედ იმამკულიევმა.
ნინო ექვთიმიშვილი