უკან

უახლესი ამბები

დღის კალენდარი

ანონსები

არქივი

პოლიტიკა

18 სექტემბერი, 2018 11:40
font-size

ესაა ჩვეულებრივი კორუფციული სქემა, ჩვეულებრივი კორუფციული გარიგება - ნატო ჩხეიძე გავრცელებულ ჩანაწერებზე

ტელეკომპანია „იბერიას“ დამფუძნებლის, პარლამენტის ფრაქცია „საქართველოს პატრიოტების“ თავმჯდომარის მოადგილის, ნატო ჩხეიძის განცხადებით, გუშინ გამოქვეყნებული აუდიოჩანაწერი და ფოტომასალა, რომლებშიც საუბარია თამბაქოს ბიზნესის წილების გადანაწილებაზე, ასახავს იმას, რომ ადგილობრივი ბიზნესმენებისთვის უცხო არაა კორუფციულ სქემებში ჩართვა სახელმწიფოს მონაწილეობით.

„ძალიან ბევრი შეკითხვაა ახლა, მაგრამ იმათთვის, ვინც არიან ბიზნესში საქართველოში, ასეთი რამ უცხო არ იქნება. ეს საზოგადოებისთვისაა, ხოლო ბიზნესმენებისთვის, ვფიქრობ, არ იქნება უცხო, იმიტომ რომ ასეთი სქემები , ალბათ, არც პირველი არ იყო, არც ბოლო იქნებოდა, ალბათ, ეს სქემა მიღებული რომ ყოფილიყო.

აშკარაა, რომ ისეთი დამუშავებულია ეს ყველაფერი, რომ ეს არ არის უცებ ერთი კომპანიისთვის შექმნილი. ეს ალბათ, არის სწორედაც რომ აპრობირებული“, -თქვა ჩხეიძემ გადაცემაში „არჩევანი“.

„ომეგა ჯგუფისთვის“ შეთავაზებული სქემის მიხედვით, უნდა შექმნილიყო ახალი სადისტრიბუციო კომპანია, რომელიც წარმოებული სიგარეტის რეალიზებაზე იზრუნებდა. შემოსული თანხის 50% უნდა ჩარიცხულიყო ფონდში, რომელსაც პირობითად პარტიას უწოდებენ და ეს, სავარაუდოდ „ქართული ოცნებაა“, 25%-25% უნდა განაწილებულიყო „ოჯთ“-სა და „თბილისის თამბაქოს“ შორის. ნატო ჩხეიძის თქმით, რეალურად საუბარი იყო 18-18%-იან წილებზე.

„როდესაც ეს სქემა იყო განხილული და ზაზასგან მიუღებელი ასეთ სქემებსა და კორუფციულ მორევში მონაწილეობა, ის , რაც მე ვიცი და რაც ოჯახში ითქვა, რონ 25-25% იქნებოდა თამბაქოს კომპანიების წილი, მაგრამ სინამდვილეში ეს იქნებოდა 18 %“, -თქვა ჩხეიძემ.

მისივე თქმით, ამ 18%-ით „ომეგა ჯგუფი“ ტელეკომპანია „იბერიის“ შენახვას ვეღარ შეძლებდა.

ჩხეიძემ აღნიშნა, რომ ეს 7-7% ბიჭებს ჩაერიცხებოდათ, თუმცა მას არ დაუკონკრეტებია, „ბიჭებში“ ვინ იგულისხმებოდა. რუსთავი 2-ის ინფორმაციით, ერთ-ერთ „ბიჭში“ უჩა მამაცაშვილი იგულისმხება.

ნატო ჩხეიძის თქმით, იმის გამო, რომ „ომეგა ჯგუფის“ მფლობელმა ზაზა ოქუაშვილმა აღნიშნულ სქემაზე უარი თქვა, მისი წარმოება გაჩერებულია.

„იმის გამო, რომ ეს სქემა ზაზას მიერ არ იყო მიღებული, ზაზას ფაბრიკა, ასე ვთქვათ, დახურულია ახლა, ხოლო ის ფაბრიკა, რომელსაც ბატონი ჩხარტიშვილი [„თბილისის თამბაქოს“ აქციონერი ვანო ჩხარტიშვილი] ამუშავებს, ის ფუნქციონირებს, აქამდე მივიდა ამ სქემის შედეგები.

ესაა ჩვეულებრივი კორუფციული სქემა. ჩვეულებრივი კორუფციული გარიგება. ესაა, რომ უნდა შეხვიდე ქვეყანაში არსებულ კორუფციულ მორევში და ამას, ცხადია, ზაზა არ გააკეთებდა და არც გააკეთა, ამიტომაცაა, რომ დღეს „ოჯთ“ დახურულია, აღარ მუშაობს, თანამშრომლები აღარ არიან, ვეღარ არიან, ვერაფერს ვერ აწარმოებენ. ესაა ამ სქემის მიუღებლობის შედეგი“, -თქვა ჩხეიძემ.

მისივე თქმით, თუკი „ომეგა ჯგუფი“ ამ სქემას დათანხმებოდა, ის კვოტებს მიიღებდა.

„თუკი ამ სქემაში შეხვიდოდი, პრობლემა აღარ იქნებოდა. ფაბრიკები იმუშავებდნენ, დემპინგი აღარ იქნებოდა ქვეყანაში და გარკვეული კვოტებიც იქნებოდა იქ. იმ ჩანაწერში ერთი ნიუანსია, რომ კვოტებს აწესებდა ბატონი ქუმსიშვილი [ყოფილი ფინანსთა მინისტრი]. ეს იმიტომ რომ, ზუსტად უნდა იცოდე, იმიტომ რომ ფინანსური დირექტორიც თვითონ უნდა ყოფილიყვნენ იმ ფონდიდან, უნდა ჰქონოდათ აწონ-დაწონილი ყველაფერი.

ყოველ შემთხვევაში ეს სქემა არის ერთი რამ , რომ სახელმწიფოში მოქმედი ჩინოვნიკები როგორ ერევიან ბიზნესში და არა მხოლოდ ერევიან, არამედ მათი ქარნახით, როგორც მაგათ უყვართ სიტყვა, „ლაგდება“ ეს ბიზნესი, შემოსავალი, გასავალი, უცხოელებთან მოლაპარაკება. დემპინგის გაჩერება ძალიან მარტივი საქმეა“, -აღნიშნა ჩხეიძემ.

კითხვაზე, როგორ მივიდა საქმე „იბერიამდე“, ჩხეიძემ უპასუხა, რომ „იბერიაში“ შექმნილი პრობლემები „ომეგა ჯგუფისთვის“ შემოთავზებულ სქემაზე უარის თქმამ განაპირობა.

„ეს ძალიან მარტივია, იმიტომ რომ ეს სქემა არ გამოვიდა და „იბერია“ ამ სქემის მიხედვით ვერ გაანეიტრალეს. ამ სქემით „იბერია“ ძალიან მარტივად განეიტრალდებოდა, რაღაც სახით აღარ იქნებოდა და ცხადია, მათაც აღარ მოუხდებოდათ თავიანთი დამოკიდებულების გამოხატვა. მაგრამ სწორედ იმიტომ, რომ ზაზა ამ სქემას არ გაჰყვა და არ გააკეთა, ამას მოჰყვა შემდგომ სხვა სახით ფინანსების მიღება, ეს იყო ის კონტრიბუცია და ეს იყო „იბერია“, რომ „იბერია“ აღარ ყოფილიყო და მათა რაღაც სახის ფინანასური სარგებელი ჰქონოდათ“, -დასძინა ჩხეიძემ.

გუშინ გამოაქვეყნდა აუდიოჩანაწერები და ფოტომასალა, რომელბშიც ასახულია შეხვედრა, სადაც „ომეგა ჯგუფის“ წილებისა და თამბაქოს ბიზნესის გადანაწილებაზეა საუბარი.

შეხვედრას ბიძინა ივანიშვილთან დაახლოვებული ბიზნესმენი ვანო ჩხარტიშვილი, “თბილისის თამბაქოს” აქციონერი ირაკლი ჩუბინიშვილი და “ომეგა ჯგუფის” დამფუძნებელი ზაზა ოქუაშვილი ესწრებოდნენ.

ნულოვანი თამაში საქართველოში დასრულებულია და მხოლოდ ერთადერთი გზა დაგვრჩა: შეთანხმების, თანხმობის და წინსვლის - პრეზიდენტი

9 აპრილი, 2021 , 15:11

საქართველოს პრეზიდენტი, სალომე ზურაბიშვილი ევროკავშირის მედიაციით საქართველოში გამართულ მოლაპარაკებების ორ რაუნდს გამოეხმაურა და თქვა, რომ დათმობაზე ორივე მხარე უნდა წასულიყო, თუმცა კომპრომისის გამბედაობა არც ხელისუფლება

ჩვენ ვდგამთ ნაბიჯებს, რათა შეთანხმება მოხდეს - არჩილ თალაკვაძე

9 აპრილი, 2021 , 14:15

ჩვენ როგორც ხელისუფლება მაქსიმალურად კონსტრუქციულად ვმუშაობთ და ვდგამთ ნაბიჯებს იმისთვის, რომ შეთანხმება მოხდეს - სწორედ ამის შედეგია განცხადებები, რასაც ბოლო ორი დღის განმავლობაში ოპოზიციის ჯანსაღი ნაწილისგან ვისმენთ, -

სიფრთხილე რომ გამოგვეჩინა, არ მივიღებდით არც პოზნერის ვიზიტით გამოწვეულ ვნებათაღელვას და არც გავრილოვს მივუშვებდით პარლამენტის თავმჯდომარის სავარძელში - სალომე ზურაბიშვილი

9 აპრილი, 2021 , 14:15

მეტი სიფრთხილით მივუდგეთ ყველა შესაძლო მანიპულირებას, რომლის ინიციატივაც შეიძლება, ქვეყნის გარედანაც მოდიოდეს. სიფრთხილე რომ გამოგვეჩინა, არ მივიღებდით არც პოზნერის ვიზიტით გამოწვეულ ვნებათაღელვას და არც გავრილოვს მივუშვ

მომავალ კვირას დაიდება ახალი შინაარსის დოკუმენტი - გიორგი ვაშაძე

8 აპრილი, 2021 , 20:15

შემიძლია გითხრათ, რომ მომავალ კვირას 5-ვე საკითხთან დაკავშირებით დაიდება ახალი შინაარსის დოკუმენტი - განცხადებას ამის შესახებ "სტრატეგია აღმაშენებლის" ლიდერი გიორგი ვაშაძე აკთებს და ამბობს, რომ "შეთანხმება აუცილებლად იქნ

ირაკლი ღარიბაშვილი - ყველაფერი უნდა გავაკეთოთ, რათა არ დავუშვათ მესამე ტალღა და თავი ავარიდოთ მკაცრ შეზღუდვებს

8 აპრილი, 2021 , 17:00

პირველ რიგში მინდა, შევეხო ეპიდემიოლოგიურ მდგომარეობას, რომელიც, სამწუხაროდ, მძიმდება მთელ მსოფლიოში და მათ შორის ჩვენს ქვეყანაშიც; შემთხვევების მატება, რაც ბოლო დღეებში აშკარაა თითოეული ჩვენგანისგან მეტ ყურადღებას და მე

სალომე ზურაბიშვილი დეპუტატებს წლიურ ანგარიშს ხვალ წარუდგენს

8 აპრილი, 2021 , 16:30

საქართველოს პრეზიდენტ სალომე ზურაბიშვილს ხვალ პარლამენტში მოუსმენენ. სალომე ზურაბიშვილი დეპუტატებს გასული წლის ანგარიშს წარუდგენს. იქიდან გამომდინარე, რომ ხვალ პლენარული სხდომების კვირა არ არის, საჭირო იქნება რიგგარეშე ს