უკან

უახლესი ამბები

დღის კალენდარი

ანონსები

არქივი

საზოგადოება

13 ოქტომბერი, 2020 17:27
font-size

„ესეც ცედანი. ესეც ქემფერი, ესეც წაბლოვანი...“_ ნატო ჩხეიძე წინასაარჩევნო კამპანიას შიდა ქართლში განაგრძობს

ხაშურში, ქარელსა და გორის სოფლებში გაერთიანებული ოპოზიცი - „ძალა ერთობაშია“- ს მაჟორიტარი დეპუტატობის კანდიდატი ნატო ჩხეიძე ადგილობრივ მოსახლეობასთან შეხვედრას განაგრძობს.

შეხვედრისას ის ადგილობრივების ძირითად პრობლემებს ისმენს და მოსახლეობას გარდამტეხი ცვლილებების მომტან კონკრეტული გეგმას სთავაზობს და გამარჯვების შემთხვევაში, პრობლემების მოგვარებასა და სოციალური მდგომარეობის გაუმჯობესებას პირდება.

ნატო ჩხეიძე სოციალურ ქსელში წერს:

„დღე ოცდამეხუთე: ცოცხნარა, ნარვანი, ქემფერი, ცედანი, წაბლოვანა

“ჯოტო აღარ მინდა, ალიოშა მინდაოო” - მეუბნება კაფანდარა მოხუცი ქალი.

გამიმართლა.

ალიოშა ჩვენია, ჩვენს შტაბშია, ჩვენთან ერთად დადის სოფელ- სოფელ.

ასეა საქმე, დიდად არც პროგრამა უნდათ შენი და არც გეგმა და არც ვალდებულება, -

გზა უნდათ, რომ ტლაპოში არ იარონ,

წყალი უნდათ, რომ პირი გაისველონ, სანიაღვრე არხი უნდათ, რომ წვიმამ ეზო- კარი არ წაიღოს და ალიოშა უნდათ, ჩემი შტაბის ალიოშა.
ჯოტო აღარ უნდათ.

ჯოტო ან ალიოშა, - ეს არის მოსახლეობის მარშალის გეგმაც და ადმირალის პატაკიც:)

“ ბირჟაზე “ შეკრებილან , ჯოხებს დაბჯენიან, ძირს იყურებიან , მიწისკენ ან სადღაც იქით, შორს, თავისიანი რომ ეგულებათ და ხან ფიქრობენ და ხანაც ერთმანეთს თითო- ოროლა სიტყვას გადაუგდებენ, ხანაც ენას მოიწყლიანებენ და ამ მთისას თუ იმ ბარისას ერთმანეთს აფარებენ...
დამინახავენ,

გულს მიშლიან.

“ მგელი არ მოკლათ, ჯარიმაა 500 ლარიო, ძაღლი არ მოკლათ, ჯარიმაა 800 ლარიო,

ხე არ მოჭრა, ჯარიმაა 1000 ლარიო, გაგვიწყვიტა მგელმა ქათმები, დაგვკბინეს გაავებულმა ძაღლებმა, ვკანკალებთ სიცივისგან...

ჯანდაბას, გავუძლებთ, ოღონდაცა ეს მგელკაცები მოგვაშორენით...

ნამდვილ მგელს რაღას ვერჩით, ორი ქათამი ყოფნით, იმათაც კუჭი დაუპატარავდათ თუ რა არის და ამ მგელკაცების მუცელი ვეღარ გაძღაო... ისინი მოგვაშორეთ, ისინი, გელკაცებიო...”

ესეც ცედანი. ესეც ქემფერი, ესეც წაბლოვანი...

ისედაც პატარა სოფელები კიდევ უფრო დაპატარავებულან, წასულია მოსახლე, თითზე ჩამოსათვლელი კომლიღაა დარჩენილი.

“ სურათი გადამიღე, გამოაკარით, ქვეყანამ გაიგოს აი, ამის გვერდით რომ ვარო”- ამბობს ქსენია ბებო და თვალს მიკრავს: “ რომ აგირჩევ და მოვალ შენს ოფისში, აგერა, ამ სურათს მოვიტანო”.

იღიმიან, დარდიანად იღიმიან ჩემი ქართლელები.

კაი განუხჩული გოგო რომ დავინახე ღობეზე მიკრული, ხმას ამას უნდა მუვცე - მეთქი , ვთქვი და აქ არ გამმეცხადე?..” - ესეც მერი ბებოა, ესეც იღიმის, ესეც ჯოხს ებჯინება, ესეც შორეთს გაჰყურებს.

სოფელი და ბებიები და პაპები, აქა- იქ ჭარმაგები და აქა- იქ ბალღები. მიწას ჩასცქეტიან და შორეთს გასცქერიან.

არც ისე შორია არჩევნებამდე...“ - წერს ნატო ჩხეიძე.

ირაკლი ღარიბაშვილი ნარკოტესტის ჩაბარებაზე- გაუგებარია გახარიას რეაქცია, თუმცა სოლიდარობა, რომელიც მას გამოუცხადეს მელიამ და სხვა კანდიდატებმა, რა თქმა უნდა, კითხვებს წარმოშობს

16 სექტემბერი, 2021 , 16:24

გაუგებარია გახარიას რეაქცია, თუმცა სოლიდარობა, რომელიც მას გამოუცხადეს მელიამ და სხვა კანდიდატებმა, რა თქმა უნდა, კითხვებს წარმოშობს- ამის შესახებ საქართველოს პრემიერ-მინისტრმა ირაკლი ღარიბაშვილმა „თბილავიამშენის&l

ახალგაზრდა იურისტთა ასოციაცია ფარულ მოსმენებთან დაკავშირებით განცხადებას ავრცელებს

16 სექტემბერი, 2021 , 16:04

საქართველოს ახალგაზრდა იურისტთა ასოციაცია ფარულ მოსმენებთან დაკავშირებით განცხადებას ავრცელებს. საია გმობს პირთა პირად ცხოვრებაში ჩარევის უხეშ დარღვევებს და მოუწოდებს საქართველოს პროკურატურას დროულად, მიუკერძოებლად და ეფ

საქართველოს ბანკის მხარდაჭერით რიგით მესამე წიგნის ფლიმარკეტი გაიმართება

16 სექტემბერი, 2021 , 15:30

საქართველოს ბანკის მხარდაჭერით 18-19 სექტემბერს,  დედაენის ბაღში, „თბილისი - წიგნის მსოფლიო დედაქალაქის“ მესამე წიგნის ფლიმარკეტი გაიმართება. ამჯერად, ფლიმარკეტის თემა, ახალი სასწავლო წლის დაწყებაა. კერძ

საქართველოში მიწისძვრა მოხდა

16 სექტემბერი, 2021 , 15:20

საქართველოში მიწისძვრა მოხდა. ბიძგები 14:19 საათზე დაფიქსირდა. სეისმური მონიტორინგის ეროვნული ცენტრის პირველადი ინფორმაციით, ეპიცენტრი ნინოწმინდიდან აღმოსავლეთით, 25 კილომეტრში, სოფელ სამებასთან იყო. პირველადი მონაცემები

ცესკომ და სწავლების ცენტრმა საქართველოს შინაგან საქმეთა სამინისტროს აკადემიასთან სამუშაო შეხვედრა გამართა

16 სექტემბერი, 2021 , 15:16

16 სექტემბერს, საქართველოს ცენტრალური საარჩევნო კომისიის (ცესკო), საარჩევნო სისტემების განვითარების, რეფორმებისა და სწავლების ცენტრის (სწავლების ცენტრი) და საქართველოს შინაგან საქმეთა სამინისტროს აკადემიის (შსს აკადემია)

ცესკო საკონსულტაციო ჯგუფთან დაკავშირებით განცხადებას ავრცელებს

16 სექტემბერი, 2021 , 14:26

ცენტრალურ საარჩევნო კომისიაში (ცესკო) დღეს საკონსულტაციო ჯგუფთან დაკავშირებით ბრიფინგი გაიმართა. როგორც ცესკოს პრესსპიკერმა ნათია იოსელიანმა განაცხადა, წლევანდელი ადგილობრივი თვითმმართველობის არჩევნები გამორჩეული იქნება

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი