უკან

უახლესი ამბები

დღის კალენდარი

ანონსები

არქივი

მსოფლიო

8 ივნისი, 2019 12:30
font-size

ესპანეთში საქართველოს საელჩომ დამოუკიდებლობის დღის აღსანიშნავი საზეიმო მიღება გამართა

6 ივნისს, ქ. მადრიდში, საქართველოს საელჩომ უმასპინძლა საქართველოს დამოუკიდებლობის დღისადმი მიძღვნილ მიღებას. ღონისძიებაზე დამსწრე საზოგადოებას სიტყვით მიმართა საქართველოს ელჩმა, ილია გიორგაძემ და საგარეო საქმეთა სამინისტროს აღმოსავლეთ ევროპისა და ცენტრალური აზიის სუბდირექტორატის დირექტორმა, ხორხე ურბიოლამ.

საქართველოს ელჩმა და ესპანეთის საგარეო უწყების წარმომადგენელმა თავიანთ გამოსვლებში ყურადღება გაამახვილეს ორ ქვეყანას შორის არსებულ მეგობრულ და პარტნიორულ ურთიერთობებზე. ხაზი გაესვა დემოკრატიული განვითარებისა და ევროინტეგრაციის გზაზე საქართველოს მიერ მიღწეულ პროგრესს, ორ ქვეყანას შორის არსებულ მჭიდრო კავშირებსა და მსგავსებებს.

საქართველოს ელჩმა მადლობა გადაუხადა ესპანეთის მხარეს საქართველოს სუვერენიტეტისა და ტერიტორიული მთლიანობისა და ევროპული მისწრაფებების მხარდაჭერისათვის, ასევე, მადლობა გადაუხადა მიღებაზე მყოფ მსოფლიო ტურიზმის ორგანიზაციის გენერალურ მდივანს, ზურაბ პოლილიკაშვილს საქართველოსა და ესპანეთს შორის არსებული მჭიდრო კავშირების განმტკიცების საქმეში შეტანილი წვლილისთვის.

ღონისძიების ფარგლებში საქართველოს შინაგან საქმეთა მინისტრის ბრძანებით, საქართველოსა და ესპანეთს შორის ნაყოფიერი პოლიციური თანამშრომლობისთვის, ელჩმა მადლობის სიგელები გადასცა ესპანეთის შინაგან საქმეთა სამინისტროს 6 მაღალჩინოსანს.

ღონისძიებაზე სტუმრების წინაშე წარსდგა ქართული ფოლკლორული მუსიკის სახელმწიფო ანსამბლი „ბასიანი“, ასევე, მოეწყო ქართული ეროვნული სამოსის გამოფენა. ღონისძიებაზე საელჩო სტუმრებს ქართული ღვინითა და ტრადიციული კერძებით გაუმასპინძლდა.

საქართველოს საელჩოს მიერ ორგანიზებულ მიღებას დაესწრო 300-მდე სტუმარი, მათ შორის ესპანეთის საკანონმდებლო და აღმასრულებელის ხელისუფლების, ქვეყანაში აკრედიტებული დიპლომატიური კორპუსის, ბიზნესწრეების, კულტურის სფეროსა და ქართული დიასპორის წარმომადგენლები, ასევე, ვენესუელის დროებითი მთავრობის წარმომადგენელი, ეკარი და ესპანეთში მყოფი მადუროს რეჟიმის ოპოზიციის სხვა წარმომადგენლები.

ინფორმაციას საქართველოს საგარეო საქმეთა სამინისტრო ავრცელებს.

აშშ მომავალშიც გამოაშკარავებს საქართველოს სუვერენიტეტის დარღვევის ფაქტებს - ეუთოში აშშ-ს ელჩი

6 სექტემბერი, 2019 , 15:40

ეუთოში მუდმივი საბჭოს სხდომაზე საქართველოს ოკუპირებულ რეგიონებში შექმნილ მდგომარეობაზე იმსჯელეს. საქართველოს მუდმივმა წარმომადგენელმა სხდომის მონაწილეებს ინფორმაცია მიაწოდა საოკუპაციო ხაზზე ბოლო დროს განვითარებული მოვლენ

საქართველოში აშშ-ის ელჩის თანამდებობაზე შესაძლოა, კელი დეგნანის კანდიდატურა დასახელდეს

4 სექტემბერი, 2019 , 11:10

აშშ-ის პრეზიდენტმა, დონალდ ტრამპმა საქართველოში აშშ-ის საგანგებო და სრულუფლებიანი ელჩის თანამდებობაზე შესაძლოა, კელი დეგნანის კანდიდატურა დაასახელოს. ვებგვერდ publicpool.kinja.com ინფორმაციით, ამის შე

ელენე აგლაძემ გაერო-ს უშიშროების საბჭოში საქართველოს ოკუპირებულ რეგიონებში არსებულ მდგომარეობაზე ისაუბრა

31 აგვისტო, 2019 , 10:30

გაერო-სთან საქართველოს მუდმივი წარმომადგენლის მოადგილემ, ელენე აგლაძემ გაერო-ს უშიშროების საბჭოში, პოლონეთის წარმომადგენლობის შემაჯამებელი ბრიფინგის ფარგლებში, საქართველოს ოკუპირებულ რეგიონებში არსებულ მდგომარეობაზე ისაუ

ფლორიდის შტატს ქარიშხალი „დორიანი“ უახლოვდება - აშშ-ში საქართველოს საელჩო დიასპორას აფრთხილებს

30 აგვისტო, 2019 , 10:35

ამერიკის შეერთებულ შტატებში საქართველოს საელჩო დიასპორის წარმომადგენლებს ქარიშხალ „დორიანთან“ დაკავშირებით აფრთხილებს. საელჩო მოქალაქეებს ურჩევს, დაემორჩილონ ადგილობრივი ხელისუფლების მითითებებს. „დიასპო

პუტინის დიდ შვიდიანში დაბრუნება დაუშვებელია და ამის ერთ-ერთი მიზეზი საქართველოს ტერიტორიების ოკუპაციაა -ამერიკელი სენატორები

29 აგვისტო, 2019 , 16:08

ამერიკელი სენატორები რუსეთის დიდ შვიდიანში დაბრუნების წინააღმდეგ გამოდიან. ამის შესახებ ნათქვამია საჯარო წერილში, რომლითაც კანონმდებლებმა დონალდ ტრამპს მიმართეს. მათი თქმით, დიდი შვიდიანის დანიშნულება არის „დემოკრა

ვარშავაში, წმინდა გრიგოლ ფერაძის სახელობის პრემია ქართველ მეცნიერს მიენიჭა

26 აგვისტო, 2019 , 13:00

ვარშავის უნივერსიტეტში, წმინდა გრიგოლ ფერაძის პრემიის მიმნიჭებელმა საბჭომ, ქართველ მეცნიერს, ფილოლოგიის მეცნიერებათა დოქტორს, პროფესორს თამილა მგალობლიშვილს ქართველოლოგიური კვლევების განვითარებაში შეტანილი განსაკუთრებული

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს