უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მსოფლიო
ესტონეთში 2008 წლის რუსეთ-საქართველოს ომის 10 წლისთავისადმი მიძღვნილი ფოტოგამოფენა გაიხსნა
ესტონეთის ომის მუზეუმში, 2008 წლის რუსეთ-საქართველოს ომის 10 წლისთავისადმი მიძღვნილი ფოტოგამოფენის „საქართველო 2008“ გახსნის ღონისძიება გაიმართა.
მოწვეულ სტუმრების მისასალმებელი სიტყვით მიმართა ესტონეთში საქართველოს საგანგებო და სრულუფლებიანმა ელჩმა თეა ახვლედიანმა, რომელმაც 10 წლის წინ საქართველოს მიმართ რუსეთის მიერ განხორციელებულ სამხედრო აგრესიასა და მის შედეგებზე, ასევე საქართველოს ორი განუყოფელი რეგიონის - აფხაზეთისა და ცხინვალის რეგიონის მიმდინარე ოკუპაციაზე ისაუბრა.
თეა ახვლედიანმა საქართველოში უსაფრთხოების კუთხით დღესდღეობით არსებული მდგომარეობა მიმოიხილა და აღნიშნა, რომ 2008 წლის აგვისტოს ომიდან 10 წლის შემდეგ, საქართველოსა და საერთაშორისო საზოგადოების სამშვიდობო ძალისხმევის მიუხედავად, კვლავ გრძელდება საქართველოს ტერიტორიის 20%-ის ოკუპაცია, ხორციელდება საქართველოს ოკუპირებული რეგიონების ფაქტობრივი ანექსიისკენ გადადგმული ნაბიჯები და უხეშად ირღვევა ადამიანის უფლებები.
ელჩმა განაცხადა, რომ 10 წლის განმავლობაში მიმდინარე ოკუპაციის და პროვოკაციების მიუხედავად, საქართველომ წარმოაჩინა რომ შესწევს ძალა მიაღწიოს მნიშვნელოვან წარმატებას ევროპული და ევროატლანტიკური ინტეგრაციისა და დემოკრატიული ტრანსფორმაციის კუთხით. თეა ახვლედიანმა ასევე ისაუბრა საქართველოს სამშვიდობო პოლიტიკასა და საერთაშორისო საზოგადოების მხარდაჭერის კონსოლიდაციის მნიშვნელობაზე. მან მადლიერებით აღნიშნა ესტონეთის მიერ განხორციელებული და მიმდინარე მტკიცე მხარდაჭერა, საერთაშორისოდ აღიარებულ საზღვრებში საქართველოს ტერიტორიული მთლიანობის მიმართ.
ღონისძიებაზე დამსწრე საზოგადოებას, ასევე სიტყვით მიმართა ესტონეთის თავდაცვის ძალების ყოფილმა მეთაურმა, ესტონეთის პარლამენტის წევრმა გენერალმა ანტს ლაანეოტსმა, რომელმაც ისაუბრა 10 წლის წინ რუსეთის მიერ განხორციელებულ აგრესიაზე და მიმოიხილა რუსეთის პოლიტიკა სამეზობლოს მიმართ. აღსანიშნავია, რომ გენერალი ლაანეოტსი, „2008 წლის რუსეთ-საქართველოს ომი - გამომწვევი მიზეზები და ქვეტექსტი“ ნაშრომის ავტორია.
გამოფენის გახსნას ესწრებოდნენ ესტონეთის მთავრობისა და პარლამენტის წევრები, სახელმწიფო უწყებებისა და არასამთავრობო ორგანიზაციების, თავდაცვის, კულტურისა და აკადემიური წრეების წარმომადგენლები, ისევე როგორც ესტონეთში აკრედიტებული დიპლომატიური კორპუსის წევრები.
გამოფენა ესტონეთის რესპუბლიკაში საქართველოს საელჩოსა და ესტონეთის ომის მუზეუმის ერთობლივი ორგანიზებით 8 აგვისტოს გაიხსნა და მომდევნო 2 თვის მანძილზე იქნება წარმოდგენილი.
აღსანიშნავია, რომ ფოტო-გამოფენა მომზადებულია ქართული არასამთავრობო ორგანიზაციების “გეოპოლიტიკური კვლევების საერთაშორისო ცენტრისა” და „მეგობრობის ხიდი ქართლოსის“ მიერ და მისი თავდაპირველი ვერსია გამოფენილია გორის ოკუპაციის მუზეუმში.