უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
ე.წ. ფარული მოსმენების კანონში შეტანილი ცვლილებები ჩვენი ზეწოლის შედეგად მიიღეს - რომან გოცირიძე
საპარლამენტო უმცირესობის წევრის, რომან გოცირიძის განცხადებით, ე.წ. ფარული მოსმენების შესახებ კანონში შეტანილი ცვლილებები უმნიშვნელოა და კანონის ზოგად არსს არ ცვლის.
„ის წვრილმანი ცვლილებები, რომელიც განხორციელდა, იყო ჩვენი ზეწოლის შედეგი, სამწუხაროდ, არ გაითვალისწინეს მობილური საკომუნიკაციო კომპანიების შენიშვნები, რომელიც ძალიან აზიანებს ბიზნესს. მიუხედავად ამისა, ჩვენ განვიხილავთ ამას მცირეოდენ დათმობად. ანუ, როგორც ქართულ ანდაზაშია, ყვავს რომ კაკალი გააგდებინო, ესეც რაღაცას ნიშნავს. ყვავი დარჩა ყვავად, მაგრამ ეს კაკალი მიგვირთმევია უმრავლესობისთვის. ეს აბსოლუტურად არ ცვლის ამ კანონის სულისკვეთებასა და მის მახინჯ ფორმას“, - განაცხადა გოცირიძემ
ახალი რედაქციით, სუს-ის უფროსი აღარ დანიშნავს ფარული მოსმენების განმახორციელებელი სააგენტოს უფროსის მოადგილეებს და აღარ დაამტკიცებს ამ უწყების დებულებას. პრემიერი უკვე კომისიის წარდგინებით დანიშნავს სააგენტოს ხელმძღვანელს.
როგორც საპარლამენტო ფრაქცია „ქართული ოცნების“ თავმჯდომარემ, მამუკა მდინარაძემ განაცხადა, შეტანილი ცვლილებები „გაცილებით გაზრდის სააგენტოს დამოუკიდებლობის ხარისხს“. ჟურნალისტებთან საუბრისას მან აღნიშნა, რომ განსახილველი დარჩა, თუ ვინ წარუდგენს კომისიას კანდიდატებს.
შეგახსენებთ, რომ პარლამენტში მეორე მოსმენით განიხილავენ საკონსტიტუციო ცვლილებათა პაკეტს ე.წ. ფარული მოსმენების შესახებ.
ანა მებურიშვილი