უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
რეგიონები
ე.წ. „ოცნების ქალაქის“ მცხოვრებლებისთვის კორპუსების მშენებლობა განიხილება - აჭარის ჯანდაცვის მინისტრის მოადგილე
აჭარის ჯანდაცვის მინისტრის მოადგილემ რამაზ ჯინჭარაძემ არ გამორიცხა, რომ ხელვაჩაურში, სამხედრო ბაზაზე არსებული ე.წ. „ოცნების ქალაქის“ მოსახლეობისთვის სახლები აშენდეს.
ამის შესახებ ჯინჭარაძემ მოსახლეობას „ოცნების ქალაქში“ გამართულ აქციაზე განუცხადა.
„მთლიანად გუნდი, აჭარის მთავრობის თავმჯდომარე, ყველანი ჩართული ვართ ამ პრობლემის გადასაჭრელად, განვიხილავთ ყველა ვარიანტს, ვმუშაობთ არასამთავრობო ორგანიზაციებთან ერთად. უახლოეს პერიოდში გაცნობებთ, თუ რა ვერსიაზე შევჯერდებით, რათა ერთხელ და სამუდამოდ გადაწყდეს „ოცნების ქალაქის“ პრობლემა. მათ შორის განიხილება კორპუსების მშენებლობაც, მაგრამ ეს ბიზნესმენებთან მოლაპარაკების შედეგად უნდა გადაწყდეს და რაც მთავარია, არცერთი ოჯახის მიმართ არ უნდა დაირღვეს სამართლიანობის პრინციპი“, -უთხრა ჯინჭარაძემ აქციის მონაწილეებს.
რამაზ ჯინჭარაძის თქმით, მთავრობას ამჟამად რეგისტრირებული ჰყავს თვითნებურად შესახლებული 1500-ზე მეტი ოჯახი, თუმცა არაოფიციალური მონაცემებით მათი რიცხვი 2500-ს აჭარბებს.
დღეს ე.წ. „ოცნების ქალაქის“ მცხოვრებლებმა გამაფრთხილებელი აქცია გამართეს. სამხედრო ბაზაზე თვითნებურად შესახლებულებმა მთავრობისგან ამ ტერიტორიაზე მრავალსართულიანი კორპუსების მშენებლობა და მათთვის ბინების გადაცემა მოითხოვეს.