კომენტარი

ე.წ. სამხრეთ ოსეთი და აფხაზეთ საქართველოს განუყოფელი ნაწილები არიან და ყოველთვის ასე დარჩება - იან კელი

საქართველოში ამერიკის ელჩი იან კელი რუსეთის პრეზიდენტისა და ოკუპირებული ცხინვალის რეგიონის ე.წ. ლიდერის სოჭში გამართულ შეხვედრას გამოეხმაურა.

იან კელის განცხადებით, ე.წ. სამხრეთ ოსეთი აფხაზეთის მსგავსად საქართველოს განუყოფელი ნაწილია და შესაბამისად, ეს შეხვედრაც კანონიერ ძალას არ ატარებს.

„ჩვენ არ ვცნობთ ამ ორი რეგიონის ლიდერების სტატუსს და არასოდეს შევიცვლით პოზიციას ამასთან დაკავშირებით. არ ვაღიარებთ ე.წ. სამხრეთ ოსეთის ან აფხაზეთის რაიმე სტატუსს. ისინი საქართველოს განუყოფელი ნაწილები არიან და ყოველთვის ასე დარჩება, ასე რომ ეს შეხვედრა კანონიერ ხასიათს არ ატარებს. ჩვენ მხარს ვუჭერთ საქართველოს მცდელობებს, რომ მოახდინოს ამ რეგიონების რეინტეგრაცია. ასევე მხარდაჭერას ვუცხადებთ რუსეთთან პრაგმატულ დიალოგს ჟენევისა და კარასინი-აბაშიძის ფორმატში. ვფქრობ ამ საკითხს გრძელვადიანი პერსპექტივით უნდა შევხედოთ,“-განაცხადა იან კელიმ.

ნინო ექვთიმიშვილი