კონფლიქტის ზონა
ე.წ. სამხრეთ ოსეთი ე.წ “საზღვრის უკანონო გადაკვეთისთვის” ჯარიმის გაზრდას გეგმავს
ოკუპირებული ცხინვალი ე.წ “საზღვრის უკანონო გადაკვეთისთვის” ჯარიმის გაზრდას აპირებს.
შესაბამის ცვლილებაზე თავდაცვის ე.წ. საპარლამენტო კომიტეტზე იმსჯელეს.
ე.წ. სახელმწიფო საზღვრის უკანონო გადაკვეთისთვის ჯარიმა ამჟამად 1000-დან 2000 რუსულ რუბლამდეა - მისი გაზრდის შემთხვევაში კი 20 ათას რუბლი გახდება, ხოლო მაღალი თანამდებობის პირებისთვის ჯარიმა ორმაგი ოდენობის იქნება.
ოკუპირებული რეჟიმის გადაწყვეტილებას გამოეხმაურა სახელმწიფო მინისტრმა შერიგებისა და სამოქალაქო თანასწორობის საკითხებში.
ქეთევან ციხელაშვილმა გადაწყვეტილებას ადამიანების წინააღმდეგ მიმართული უწოდა.
"პირველ რიგში ეს არის უკანონო. ამასთან ეს არის ადამიანების წინააღმდეგ მიმართული ზომა და მესამე, არა მხოლოდ ქართველების ან კონტროლირებად ტერიტორიაზე მცხოვრებლების, არამედ ძირითადად ეთნიკური ოსებისთვის, ვინც ოკუპირებულ ტერიტორიებზე მავთულხლართების ტყვეობაში იმყოფებიან,"-განაცხადა ციხელაშვილმა.