უკან

დღის კალენდარი

ანონსები

არქივი

კონფლიქტის ზონა

6 სექტემბერი, 2019 13:10
font-size

ეუთო-ს მუდმივ საბჭოზე საქართველოს ოკუპირებულ რეგიონებში არსებულ ვითარებაზე იმსჯელეს

5 სექტემბერს ეუთო-ს მუდმივი საბჭოს სხდომაზე საქართველოს ოკუპირებულ ტერიტორიებზე შექმნილ ვითარებაზე იმსჯელეს.

საქართველოს მუდმივმა წარმომადგენელმა ეუთოში, დავით დონდუამ სხდომის მონაწილეებს ინფორმაცია მიაწოდა ოკუპირებულ ტერიტორიებსა და საოკუპაციო ხაზზე ბოლო განვითარებებზე. მათ შორის ისაუბრა სოფელ გუგუტიანთკარსა და სოფელ ჩორჩანასთან განვითარებულ მოვლენებზე.

მისი განცხადებით უკანასკნელი თვეების მანძილზე რუსეთის ფედერაცია განაგრძობდა ხელოვნური დაბრკოლებებისა და ბარიერების აღმართვას, ზღუდავდა გადაადგილების თავისუფლებას, კვლავაც იტაცებდა და უკანონოდ აპატიმრებდა საქართველოს მოქალაქეებს. მათ შორის საოკუპაციო ძალების მიერ ხელოვნური ბარიერების აღმართვის შედეგად, სოფელ გუგუტიანთკარში მცხოვრები ოჯახები იძულებულნი გახდნენ დაეტოვებინათ საკუთარი სახლები.

სოფელ ჩორჩანას სიახლოვეს განვითარებულ მოვლენებზე საუბრისას ქართულმა მხარემ ხაზი გაუსვა საერთაშორისო თანამეგობრობის ძალისხმევას, მათ შორის, ეუთო-ს მოქმედი თავმჯდომარის სპეციალური წარმომადგენლის, რუდოლფ მიხალკას პირადი ჩართულობას, ვითარების დასტაბილურების მიზნით.

საქართველოს ელჩმა ისაუბრა ოკუპირებულ აფხაზეთისა და ცხინვალის რეგიონებში ქართველი მოსახლეობის ეთნიკური ნიშნით დევნაზე. მან ყურადღება გაამახვილა არჩილ ტატუნაშვილის, გიგა ოთხოზორისა და დავით ბაშარულის მკვლელობის ფაქტებზე. ასევე, საოკუპაციო ძალის მიერ ირაკლი კვარაცხელიას უკანონო დაკავებასა და მის რუსულ სამხედრო ბაზაზე გარდაცვალებაზე.

ელჩის განცხადებით 2008 წელს რუსეთის საქართველოში შემოჭრისა და საქართველოს ტერიტორიების უკანონო ოკუპაციიდან 11 წლის შემდეგაც, რუსული მხარე კვლავაც უხეშად არღვევს საერთაშორისო სამართლის ნორმებსა და ნაკისრ ვალდებულებებს, მათ შორის, ევროკავშირის შუამავლობით დადებულ 2008 წლის 12 აგვისტოს შეთანხმებას ცეცხლის შეწყვეტის თაობაზე.

სხდომაზე საქართველოს მხარდამჭერი განცხადებები გააკეთეს ევროკავშირის, აშშ-ს, კანადის, უკრაინისა და ეუთო-ში საქართველოს მეგობართა არაფორმალური ჯგუფის წარმომადგენლებმა. საგულისხმოა, რომ ევროკავშირის 28 ქვეყნის სახელით გაკეთებულ განცხადებას ასევე მიუერთდნენ ჩრდილოეთ მაკედონია, უკრაინა, ლიხტენშტეინი, მოლდოვა, მონტენეგრო და ისლანდია.

დელეგაციებმა გამოხატეს საერთაშორისოდ აღიარებული საზღვრებში საქართველოს სუვერენიტეტისა და ტერიტორიული მთლიანობისადმი სრული მხარდაჭერა და მოუწოდეს რუსეთის ფედერაციას, უკან წაიღოს საქართველოს აფხაზეთისა და ცხინვალის რეგიონების ე.წ. დამოუკიდებლობის აღიარება.

ლიეტუვას დელეგაციამ, მეგობართა ჯგუფის (ეუთო-ში საქართველოს მეგობართა ჯგუფის წევრები არიან: აშშ, კანადა, ბულგარეთი, ჩეხეთი, ნორვეგია, უკრაინა, ლატვია, დიდი ბრიტანეთი, ფინეთი, ლიეტუვა, ესტონეთი, პოლონეთი, შვედეთი, ირლანდია, რუმინეთი) სახელით გაკეთებულ განცხადებაში აღნიშნა, რომ რუსეთის მიერ საქართველოში განხორციელებული სამხედრო აგრესიიდან 11 წლის შემდეგ, საერთაშორისო თანამეგობრობა რჩება უკიდურესად შეშფოთებული საქართველოს ტერიტორიების მიმდინარე ოკუპაციით. მან ხაზი გაუსვა კონფლიქტის მშვიდობიანი გზით მოგვარების აუცილებლობას, გაერო-ს ქარტიის, ჰელსინკის დასკვნითი აქტისა და საერთაშორისი სამართლის ფუნდამენტური ნორმებისა და პრინციპების პატივისცემის საფუძველზე.

ეუთო-ს წევრმა სახელმწიფოებმა მოუწოდეს რუსეთის ფედერაციას, სრულად შეასრულოს ევროკავშირის შუამავლობით დადებული 2008 წლის 12 აგვისტოს ცეცხლის შეწყვეტის შეთანხმება, მათ შორის, გაიყვანოს საკუთარი სამხედრო ძალები საქართველოს ოკუპირებული ტერიტორიებიდან.

დელეგაციებმა ასევე გამოთქვეს შეშფოთება საქართველოს აფხაზეთისა და ცხინვალის რეგიონებში ადამიანის უფლებების დარღვევებთან დაკავშირებით და აღნიშნეს ქართული მხარის მიერ ოთხოზორია-ტატუნაშვილის სიის მიღება. მათი განცხადებით, ხელოვნური დაბრკოლებებისა და ბარიერების აღმართვა, ასევე, ე.წ. გადასასვლელი პუნქტების დახურვა კიდევ უფრო ამძიმებს ადგილზე არსებულ რთულ ჰუმანიტარულ ვითარებას.

დელეგაციებმა დაგმეს ცხინვალისა და აფხაზეთის რეგიონებში ჩატარებული ე.წ. არჩევნები და განაცხადეს, რომ არ აღიარებენ მათ ლეგიტიმურობასა და შედეგებს.
მეგობართა ჯგუფის წევრებმა გამოხატეს მხარდაჭერა საქართველოს მთავრობის სამშვიდობო ინციატივის - ნაბიჯი უკეთესი მომავლისკენ - მიმართ და მიესალმნენ საქართველოს მთავრობის პოლიტიკას, რომელიც მიმართულია რუსეთთან არსებული დაძაბულობის დე-ესკალაციისკენ ქვეყნის სუვერენიტეტისა და ტერიტორიული მთლიანობის სრული პატივისცემით.

ინფორმაციას საქართველოს საგარეო საქმეთა სამინისტრო ავრცელებს.

არცერთ გოჯ მიწას არ დავუთმობთ ოკუპანტ ქვეყანას - მათ ქმედებაზე გვექნება შესაბამისი რეაგირება - მამუკა ხაზარაძე

7 აგვისტო, 2020 , 17:25

პოლიტიკური გაერთიანება „ლელო საქართველოსთვის“ თავმჯდომარემ, მამუკა ხაზარაძემ ე.წ საზღვრის პირას მდებარე 70 სოფლის ეკონომიკურ განვითარებაზე ისაუბრა. მისი თქმით, „ლელო“ სერიოზულ ცვლილებებს შეიტანს ი

რუსეთმა უნდა შეწყვიტოს დესტაბილიზაციური ქმედებები და 2008 წლის `ცეცხლის შეწყვეტის შეთანხმება` შეასრულოს - გიორგი გახარია

7 აგვისტო, 2020 , 14:30

2008 წლის აგვისტოს ომის 12 წლის თავზე, ჩვენ პატივს მივაგებთ იმ სამხედროებსა და სამოქალაქო პირებს, ვინც საკუთარი სიცოცხლე შესწირეს ჩვენი სამშობლოს დასაცავად, - ამის შესახებ საქართველოს პრემიერ-მინისტრი გიორგი გახარია სოცი

სოფელ ტახტისძირისა და გვირგვინას შორის არსებულ საოკუპაციო ხაზზე უკანონო ბორდერიზაციის პროცესი მიმდინარეობს - სუსი

6 აგვისტო, 2020 , 14:35

ქარელის რაიონ სოფელ ტახტისძირის და ოკუპირებულ ზნაურის რაიონის სოფელ გვირგვინას შორის არსებულ საოკუპაციო ხაზზე უკანონო ე.წ. ბორდერიზაციის პროცესი მიმდინარეობს, – ამის შესახებ ინფორმაციას საქართველოს სახელმწიფო უსაფრ

გაერო-ს უშიშროების საბჭოს წევრმა სახელმწიფოებმა კიდევ ერთხელ მოუწოდეს რუსულ მხარეს, სრულად შეასრულოს 2008 წლის 12 აგვისტოსა და 8 სექტემბრის შეთანხმებებით ნაკისრი ვალდებულებები - საგარეო უწყება

6 აგვისტო, 2020 , 10:45

5 აგვისტოს გაერო-ს უშიშროების საბჭოს დახურულ სხდომაზე განიხილეს საკითხი – „მდგომარეობა საქართველოში“. საქართველოს საგარეო საქმეთა სამინისტრო ავრცელებს ინფორმაციას, რომლის თანახმადაც, სხდომის დასრულების

წითელ ჯვარს ოკუპანტების მიერ გატაცებული ზაზა გახელაძის მონახულების საშუალება არ ეძლევა

30 ივლისი, 2020 , 12:45

ოკუპანტების მიერ გატაცებული ზაზა გახელაძის მონახულების საშუალება წითელ ჯვარს ამ დრომდე არ აქვს. გავრცელებული ინფორმაციით, საქართველოს მოქალაქე ოკუპირებული ცხინვალის საავადმყოფოდან, კვალვ დროებითი დაკავების იზოლატორში გად

ერგნეთში ინციდენტების პრევენციისა და მათზე რეაგირების მექანიზმის ფორმატში შეხვედრა გაიმართება

30 ივლისი, 2020 , 10:35

ერგნეთში, ინციდენტების პრევენციისა და მათზე რეაგირების მექანიზმის ფორმატით გათვალისწინებული შეხვედრა გაიმართება. ამის შესახებ ინფორმაცია ევროკავრშირის სადამკვირვებლო მისიის ადმინისტრაციამ გაავრცელა. ინფორმაციის თანახმად,

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე