უკან

უახლესი ამბები

დღის კალენდარი

ანონსები

არქივი

მსოფლიო

16 აპრილი, 2018 16:00
font-size

ევროკავშირი რუსეთთან ურთიერთობების ხუთ მთავარ პრინციპს გადახედავს - ფედერიკა მოგერინი

ევროკავშირის საგარეო პოლიტიკისა და უსაფრთხოების საკითხებში უმაღლესი კომისრის, ფედერიკა მოგერინის განცხადებით, გაერთიანება რუსეთთან ურთიერთობების ხუთ მთავარ პრინციპს გადახედავს.

„ჩვენ ასევე მოლაპარაკებებს გავმართავთ რუსეთზე, კერძოდ კი გადავხედავთ რუსეთთან ჩვენი ურთიერთობების ხუთ მთავარ პრინციპს. ამასთან დაკავშირებით უფრო მეტს დღის ბოლოს გეტყვით“,-თქვა დიპლომატმა ლუქსემბურგში ევროკავშირის საგარეო საქმეთა მინისტრების შეხვედრის დაწყებამდე.

აღნიშნული პრინციპები ევროკავშირმა 2016 წლის მარტში შეათანხმა. ესენია: მინსკის შეთანხმებების სრული განხორციელება; უფრო მჭიდრო კავშირები რუსეთის პოსტსაბჭოთა მეზობლებთან; რუსეთის საფრთხეების წინააღმდეგ ევროკავშირის წინააღმდეგობის გაძლიერება; რუსეთთან შერჩევითი ურთიერთობა ზოგიერთ საკითხზე, როგორიცაა, მაგალითად, ტერორიზმის წინააღმდეგ ბრძოლა; ადამიანებს შორის კონტაქტების მხარდაჭერა.

მოგერინიმ განაცხადა, რომ მნიშვნელოვანია, განახლდეს გაერო-ს ხელმძღვანელობით პოლიტიკური მოლაპარაკებები სირიის კრიზისის დარეგულირებაზე.

მან აღნიშნა, რომ ევროკავშირი შემაჯამებელ განცხადებას მიიღებს სირიაზე, სადაც იქნება ასახული გაერთიანების წევრთა ერთობლივი პოზიცია, განსაკუთრებით კი ქიმიური იარაღის გამოყენებაზე. მოგერინიმ დაამატა, რომ მომავალ კვირას ბრიუსელში დაგეგმილია კონფერენცია სირიის საკითხზე.

„დღეს მთავარი განსახილველი საკითხი სირია იქნება. ევროკავშირის საბჭო მიიღებს შემაჯამებელ განცხადებას. ჩვენ დავადასტურებთ ერთობლივ პოზიციას, რომელიც წინა დღეებში 28 წევრის სახელით გამოვაქვეყნე, განსაკუთრებით კი ქიმიური იარაღის გამოყენებაზე და ამასთან დაკავშირებით ჩვენს რეაქციაზე. ჩვენ ვიმუშავებთ ბრიუსელში მომავალ კვირას დაგეგმილი კონფერენციის მოსამზადებლად. ეს იქნება შესაძლებლობა, განვაახლოთ გაერო-ს ხელმძღვანელობით პოლიტიკური პროცესი. მქონდა შესაძლებლობა, გუშინ განმეხილა ეს საკითხი გაერო-ს სპეციალურ წარმომადგენელ დე მისტურასთან და არაბული ქვეყნების წარმომადგენლებთან საუდის არაბეთში, სადაც მე არაბთა ლიგის სამიტის გახსნაზე მიმიწვიეს.

მნიშვნელოვნად მიმაჩნია, რომ გაერო-ს ხელმძღვანელობით პოლიტიკური პროცესის განახლებას ბიძგი მიეცეს. მომავალ კვირაში ჩვენ ვუმასპინძლებთ 70-ზე მეტ დელეგაციას, რომლებიც გაერო-სა და ევროკავშირის თავმჯდომარეობით კონფერენციას დაესწრებიან. კონფერენცია ჰუმანიტარული საკითხების გარდა მიმართული იქნება სირიის შინაარსიანი პოლიტიკური მოლაპარაკებების განახლების გზების ძიებაზე. ჩვენ მუდამ ვაწყდებით წინააღმდეგობას სირიის რეჟიმის მხრიდან ჟენევაში შინაარსიანი მოლაპარაკებების პროცესში ჩართვასთან დაკავშირებით. ჩვენ მკაფიოდ მოვუწოდეთ რუსეთსა და ირანს, განახორციელონ ზეწოლა დამასკოზე, ჟენევაში გაერო-ს ხელმძღვანელობით სერიოზული დისკუსიის დასაწყებად. როგორც იცით, ჩვენ ყოველთვის ღიად ვაცხადებდით, რომ მზად ვართ, დავიწყოთ სირიის რეკონსტრუქციის დაფინანსების დაგეგმვა, რასაც სჭირდება უზარმაზარი რესურსები. თუმცა, ეს მოხდება მხოლოდ და მხოლოდ მას შემდეგ, რაც დაიწყება მოლაპარაკებების მყარი პროცესი ჟენევაში. სირიაში მძიმე ეკონომიკური და ჰუმანიტარული მდგომარეობაა. ხალხი იტანჯება და იღუპება. ვფიქრობ, საერთაშორისო საზოგადოებამ უნდა აიღოს თავის თავზე პასუხისმგებლობა, რომ ეს შეაჩეროს“, – განაცხადა მოგერინიმ.

ევროკავშირის უმაღლესმა კომისარმა ასევე განაცხადა, რომ შეხვედრაზე მინისტრები ირანის საკითხსაც განიხილავენ. მოგერინიმ კიდევ ერთხელ დაადასტურა ევროკავშირიs მხრიდან ირანთან მიღწეული ბირთვული შეთანხმებისადმი სრული მხარდაჭერა.

მინისტერიალზე ასევე იმსჯელებენ დასავლეთ ბალკანეთის ინტეგრაციის თემაზე.

დათვლილია ბიულეტენების 98.02% - ვლადიმერ პუტინი 87.34%-ით ლიდერობს - რუსეთის ცესკო

18 მარტი, 2024 , 09:10

რუსეთის ფედერაციის საპრეზიდენტო არჩევნებში ხმების 87.34%-ით მოქმედი პრეზიდენტი, ვლადიმერ პუტინი ლიდერობს, დათვლილია ბიულეტენების 98.02%, - ამის შესახებ რუსეთის ცენტრალურმა საარჩევნო კომისიამ განაცხადა. რაც შეეხება დ

რუსეთში საპრეზიდენტო არჩევნები იმართება

15 მარტი, 2024 , 08:37

რუსეთში საპრეზიდენტო არჩევნები იმართება. საარჩევნო უბნები ადგილობრივი დროით 08:00 საათზე გაიხსნა. ხმის მიცემა სამი დღის განმავლობაში გაგრძელდება. ამომრჩევლებს ხმის მიცემა შეუძლიათ, როგორც ადგილზე, ასევე ელექტრონულად

ამერიკის შეერთებულმა შტატებმა დავით კეზერაშვილს ვიზა არ მისცა

13 მარტი, 2024 , 13:59

ამერიკის შეერთებულმა შტატებმა საქართველოს თავდაცვის ყოფილ მინისტრს, დავით კეზერაშვილს ვიზა არ მისცა. უარის მიზეზის დასადგენად კეზერაშვილმა სასამართლო დავა დაიწყო და საჩივარი კოლუმბიის ოლქის რაიონულ სასამართლოში შეიტანა.

მადლობა ღმერთს, საქართველო ნორმალურ ურთიერთობებს ამყარებს რუსეთთან და ჩვენთან - ალექსანდრ ლუკაშენკო

26 თებერვალი, 2024 , 13:22

ბელარუსის პრეზიდენტი, ალექსანდრე ლუკაშენკო კმაყოფილებას გამოთქვამს იმასთან დაკავშირებით, რომ საქართველოს რუსეთთან და ბელარუსთან "ნორმალური ურთიერთობები“ აქვს.  „მადლობა ღმერთს, (საქართველო) ნორმალურ

ევროკომისიის პრეზიდენტი ურსულა ფონ დერ ლაიენი კიევში ჩავიდა

24 თებერვალი, 2024 , 12:55

ევროკომისიის პრეზიდენტი ურსულა ფონ დერ ლაიენი უკრაინაში მიმდინარე ომის ორი წლისთავთან დაკავშირებით კიევში ჩავიდა. აღნიშნულის შესახებ ის სოციალურ ქსელში წერს. „კიევში უკრაინასთან რუსეთის ომის მეორე წლისთავთან დაკავშ

ჩვენ გვყავს გიჟი, ნაბიჭვარი პუტინი და ყოველთვის უნდა ვიღელვოთ ბირთვული კონფლიქტის გამო - ჯო ბაიდენი

22 თებერვალი, 2024 , 12:29

აშშ-ის პრეზიდენტმა ჯო ბაიდენმა ვლადიმერ პუტინს "გიჟი, ნაბიჭვარი" უწოდა. როგორც  The Hill იტყობინება , შესაბამისი განცხადება ამერიკის პრეზიდენტმა სან-ფრანცისკოში საარჩევნო კამპანიის დროს გააკეთა.  

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი