უკან

უახლესი ამბები

დღის კალენდარი

ანონსები

არქივი

ეკონომიკა

7 ივნისი, 2017 17:10
font-size

ევროკავშირი-საქართველოს ასოცირების შეთანხმების ფარგლებში კონფერენცია გაიმართა

დღეს სასტუმრო „რედისონ ბლუ ივერიაში“ ევროკავშირი-საქართველოს ასოცირების შეთანხმების ფარგლებში სახელმწიფო მართვის ეფექტიანობის გაძლიერების მიზნით კონფერენცია გაიმართა, რომელშიც საქართველოს იუსტიციის მინისტრი თეა წულუკიანი, საქართველოს ეკონომიკისა და მდგრადი განვითარების მინისტრის მოადგილე გენადი არველაძე, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე, საქართველოს პარლამენტის ევროპასთან ინტეგრაციის კომიტეტის თავმჯდომარე თამარ ხულორდავა, საქართველოს პარლამენტის იურიდიული კომიტეტის თავმჯდომარე ეკა ბესელია, ასევე საკანონმდებლო და აღმასრულებელი ხელისუფლების სხვა წარმომადგენლები მონაწილეობდნენ.

ეკონომიკის სამინისტროს ინფორმაციით, ღონისძიება სახელწოდებით „სამართლებრივი დაახლოების პარადიგმა ევროკავშირი-საქართველოს ასოცირების შეთანხმების ფარგლებში“ ევროკავშირის პროექტის, იუსტიციის სამინისტროსა და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ერთობლივი ორგანიზებით ჩატარდა. კონფერენციის პირველ პანელზე მოხსენებით საქართველოს ეკონომიკისა და მდგრადი განვითარების მინისტრის მოადგილე გენადი არველაძე გამოვიდა.

„დღევანდელი ღონისძიება დაეთმო საქართველოსა და ევროკავშირს შორის გაფორმებულ ასოცირების შეთანხმების საკანონმდებლო დაახლოების პროცესს, მასში სხვადასხვა დაინტერესებული მხარეების ჩართულობასა და თანამშრომლობას. პროცესი მაქსიმალურად ეფექტიანი და გამჭვირვალე უნდა იყოს, რადგანაც ის გარკვეულ დახარჯებთან და დროსთანაა დაკავშირებული. ძალიან მნიშვნელოვანია, რომ ღრმა და ყოვლისმომცველი თავისუფალი ვაჭრობის შესახებ შეთანხმებით აღებული ვალდებულებები და საკანონმდებლო დაახლოება იყოს უმტკივნეულო კერძო სექტორისთვის და ზოგადად მოსახლეობისთვის. ჩვენ ასევე ყურადღება გამახვილეთ სახელმწიფო უწყებების ინსტიტუციურ განვითარებაზე. შესაბამისად, შევთანხმდით კოორდინირებულ მუშაობაზე როგორც პარლამენტთან, ასევე სხვა სამთავრობო უწყებებთან“-განაცხადა გენადი არველაძემ.

კონფერენციაზე განიხილეს ისეთი საკითხები, როგორიცაა ასოცირების შეთანხმების ვალდებულებების ფარგლებში სამართლებრივი დაახლოების პროცესის მიმდინარეობა, სამართლებრივი დაახლოება და მთავრობის ინსტიტუციური და ადმინისტრაციული უნარები, ასევე იუსტიციის სამინისტროს მიერ შემუშავებული სამართლებრივი დაახლოების სახელმძღვანელო და მეთოდური რეკომენდაციები, სამართლებრივი დაახლოების ტექნიკები, მეთოდოლოგიური დოკუმენტაციის მნიშვნელობა და ამ მიმართულებით სხვა ქვეყნების გამოცდილება.

კონფერენციის მონაწილეებს მისასალმებელი სიტყვით მიმართა ევროკავშირის ელჩმა საქართველოში იანოშ ჰერმანმა. მისი თქმით, საქართველოს ამოცანა აქვს, დაასრულოს სამართლებრივი დაახლოება, რაც მოიცავს საქართველოს კანონმდებლობის ევროკავშირის კანონმდებლობასთან დაახლოებას 2020 წლისთვის. „ეს ეხება იმ სფეროებს, რომელიც ასოცირების ხელშეკრულებაშია გაწერილი. საქართველომ ამ მხრივ უკვე ბევრი გააკეთა, ჩვენ ამას ვაფასებთ, მაგრამ საჭიროა ინტენსიური მუშაობა დარჩენილი პერიოდისთვის. 2020 წელი არცთუ ისე შორსაა, ევროკავშირი განაგრძობს ამ პროცესის მხარდაჭერას. ჩემი აზრით, სამართლებრივი დაახლოება ასოცირების ხელშეკრულების მთავარი ასპექტია. ამავდროულად, უნდა აღვნიშნო, რომ მთავარია არა უბრალოდ ახალი კანონების მიღება, არამედ მათი განხორციელება. დემოკრატია, კანონის უზენაესობა, ადამიანის უფლებები ის ფუნდამენტური პრინციპებია, რომელიც საქართველოსა და ევროკავშირის ურთიერთობების საძირკველში დევს“ - განაცხადა იანოშ ჰერმანმა.

ეროვნული ბანკი ფინანსთა სამინისტროს სახაზინო ობლიგაციების აუქციონის შედეგებს აქვეყნებს

28 იანვარი, 2020 , 17:45

2020 წლის 28 იანვარს, ფინანსთა სამინისტროს სახაზინო ობლიგაციების აუქციონზე 80 000 000 ლარის ნომინალური ღირებულების 5-წლიანი ვადიანობის ფასიანი ქაღალდები გაიყიდა. აუქციონში მონაწილეობა მიიღო ოთხმა კომერციულმა ბანკმა. მოთხ

1 აშშ დოლარის ოფიციალური ღირებულება 2.8929 ლარი გახდა

28 იანვარი, 2020 , 17:40

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8929 ლარი შეადგინა. კურსი, რომელიც დღეს მოქმედებდა, 2.8944 ლარი იყო. შესაბამისად, დოლარის ცვლილებამ ეროვნულ

ეროვნული ბანკი კომერციული ბანკების აქტივების მდგომარეობას აქვეყნებს

27 იანვარი, 2020 , 23:11

2020 წლის პირველი იანვრის მდგომარეობით, საქართველოს საბანკო სექტორი 15 კომერციული ბანკითაა წარმოდგენილი; მათ შორის 14 - საწესდებო კაპიტალში უცხოური კაპიტალის მონაწილეობით. დეკემბერში, წინა თვესთან შედარებით, საქართველოს

ლარის კურსი დღეს

25 იანვარი, 2020 , 11:35

საქართველოს ეროვნული ბანკის მონაცემების თანახმად, 25 იანვრისთვის ერთი ამერიკული დოლარი 2.8870 ლარი ეღირება, ევრო – 3.1879 ლარი, ხოლო დიდი ბრიტანეთის გირვანქა სტერლინგი – 3.7823 ლარი. 24 იანვარის ოფიციალური კუ

ერთი ამერიკული დოლარი 2.8867 ლარი ეღირება

23 იანვარი, 2020 , 17:45

საქართველოს ეროვნული ბანკის მიერ გამოქვეყნებული მონაცემების თანახმად, 24 იანვრისთვის ერთი ამერიკული დოლარი 2.8867 ლარი ეღირება, ევრო – 3.2005 ლარი, ხოლო დიდი ბრიტანეთის გირვანქა სტერლინგი – 3.7899 ლარი. 23 ია

შოკოლადის მწარმოებელი ცნობილი შვეიცარიული კომპანია საქართველოში თხილის პლანტაციებს გააშენებს

23 იანვარი, 2020 , 17:40

შოკოლადის მწარმოებელი ცნობილი შვეიცარიული კომპანია Camille Bloch-ი საქართველოში თხილის პლანტაციებს გააშენებს, ქართულ თხილს კი პროდუქტ “რაგუსას” წარმოებაში გამოიყენებს, - საინვესტიციო პროექტის განხორციელების დ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`