უკან

უახლესი ამბები

დღის კალენდარი

ანონსები

არქივი

პოლიტიკა

21 ივლისი, 2018 10:55
font-size

ევროკავშირი სრულად უჭერს მხარს საქართველოს მთავრობის რეფორმებს, რომლებიც მცირე და საშუალო ბიზნესის ხელშეწყობას ისახავს მიზნად - იოჰანეს ჰანი

საქართველოს ევროპული ინტეგრაცია, ევროკავშირთან ასოცირების დღის წესრიგი, „აღმოსავლეთ პარტნიორობის“ ფორმატი და ვიზალიბერალიზაცია იყო პრემიერ-მინისტრ მამუკა ბახტაძისა და ევროპული სამეზობლო პოლიტიკისა და გაფართოების საკითხებში ევროკომისარ იოჰანეს ჰანის შეხვედრის მთავარი განსახილველი საკითხები.

საქართველოს მთავრობის ადმინისტრაციის პრესამსახურის ინფორმაციით, ბრიუსელში სამუშაო ვიზიტის ფარგლებში გამართული შეხვედრისას, მთავრობის მეთაურმა კიდევ ერთხელ მკაფიოდ გაუსვა ხაზი, რომ საქართველოს ევროპული კურსი შეუქცევადია, ხოლო ევროინტეგრაცია ქართველი ხალხის ურყევი ნება და არჩევანია.

ყურადღება გამახვილდა „აღმოსავლეთ პარტნიორობის“ ფორმატზე, როგორც ევროკავშირთან პოლიტიკური ასოცირებისა და ეტაპობრივი ეკონომიკური ინტეგრაციის მნიშვნელოვან შესაძლებლობაზე. მხარეთა შეფასებით, საქართველო ლიდერია „აღმოსავლეთ პარტნიორობის" ქვეყნებს შორის დემოკრატიული რეფორმების განხორციელების თვალსაზრისით.

პრემიერ-მინისტრმა და ევროკომისარმა ისაუბრეს ასოცირების ხელშეკრულებასა და ღრმა და ყოვლისმომცველი თავისუფალი სავაჭრო სივრცის შესახებ შეთანხმებაზე. აღინიშნა, რომ ევროკავშირთან საქართველოს სავაჭრო ურთიერთობები მზარდი და პოზიტიურია.

მამუკა ბახტაძემ იოჰანეს ჰანს დეტალურად გააცნო საქართველოს სამთავრობო რეფორმების გეგმა, რომელიც სრულ თანხვედრაშია ევროკავშირთან ასოცირების დღის წესრიგთან. ითქვა, რომ ევროკავშირი სრულად უჭერს მხარს დაგეგმილ რეფორმებს, რომლებიც მცირე და საშუალო ბიზნესის ხელშეწყობას ისახავს მიზნად.
ახალი პროგრამები და ინიციატივები, რომელთა ნაწილიც უახლოეს მომავალში განხორციელდება ევროკომისიის მხრიდან დადებითად შეფასდა. ხაზი გაესვა, რომ ქვეყანამ მნიშვნელოვანი პროგრესი აჩვენა მრავალი მიმართულებითდა ევროკავშირი განაგრძობს სტრატეგიული პარტნიორის მხარდაჭერას.

გამოითქვა იმედი, რომ გადადგმული ნაბიჯები, ასევე, შემუშავებული საგზაო რუკა, რომელიც ევროკავშირთან კიდევ უფრო მეტ დაახლოებას ისახავს მიზნად, ხელს შეუწყობს საქართველოს დაბრუნებას დიდ ევროპულ ოჯახში.

პრემიერ-მინისტრმა ევროკომისარ ჰანს მადლობა გადაუხადა საქართველო-ევროკავშირს შორის არსებული ურთიერთობების გაღრმავებასა და „აღმოსავლეთ პარტნიორობის“ ფორმის განვითარებაში შეტანილი პირადი წვლილისთვის.

აგრეთვე, საუბარი შეეხო საქართველოში რეგიონული მნიშვნელობის ევროპული სკოლის დაარსებას, რაც იოჰანეს ჰანის პირადი ინიციატივა იყო და რომლის გახსნაც უახლოეს მომავალში იგეგმება. განსაკუთრებული აქცენტი გაკეთდა განათლების სისტემაში დაგეგმილ ძირეულ რეფორმებზე, რომელთა განხორციელებაც, პრემიერის შეფასებით, ხელს შეუწყობს საქართველოს მდგრად ეკონომიკურ განვითარებასა და ინკლუზიურ ზრდას.

ევროკომისიაში გამართული შეხვედრისას ყურადღება დაეთმო საქართველოს ოკუპირებულ ტერიტორიებზე არსებულ ვითარებას და პოზიტიურად შეფასდა, როგორც საქართველოს მთავრობის პოლიტიკა - კონფლიქტის მშვიდობიანი გზით დარეგულირების მიმართულებით, ისე ახალი სამშვიდობო ინიციატივა - „ნაბიჯი უკეთესი მომავლისკენ“. იოჰანეს ჰანმა კიდევ ერთხელ მკაფიოდ დაადასტურა საერთაშორისოდ აღიარებულ საზღვრებში საქართველოს ტერიტორიული მთლიანობისა და სუვერენიტეტის მტკიცე მხარდაჭერა.

ევროკომისიაში გამართულ შეხვედრას საგარეო საქმეთა მინისტრი დავით ზალკალიანი და ბელგიის სამეფოსა და ლუქსემბურგის დიდ საჰერცოგოში საქართველოს სრულუფლებიანი ელჩი, ევროკავშირთან საქართველოს მისიის ხელმძღვანელი ნატალი საბანაძე ესწრებოდნენ.

საქართველოს პრემიერ-მინისტრ მამუკა ბახტაძის სამუშაო ვიზიტი ევროპის პოლიტიკურ ცენტრში - ბრიუსელში დასრულებულია.

ხატია ტატიშვილი

მე ველოდები, საქართველო რა განაჩენს გამოუტანს არა მარტო მირზა სუბელიანს, არამედ მთელ ხელისუფლებას - ზაზა სარალიძე

15 ოქტომბერი, 2018 , 17:44

თბილისში, ხორავას ქუჩაზე მოკლული დავით სარალიძის მამის, ზაზა სარალიძის განცხადებით, მისი შვილის მკვლელობის საქმე თავიდან ბოლომდე შეკერილია და ამაში მონაწილეობას პროკურატურის ყოფილი მაღალჩინოსანი, მირზა სუბელიანიც იღებდა.

ვთავაზობ სუბელიანს, თუ ის მზად არის, შეხვედრა ღიად, კამერების თანდასწრებით მოხდეს - ირმა ინაშვილი

15 ოქტომბერი, 2018 , 17:30

მზად ვარ, მირზა სუბელიანს კამერების თანდასწრებით შევხვდე, რათა არავის, არც ერთ ორგანოზე “ჟუჩოკების“ დამაგრება არ დასჭირდეს, - განაცხადა პარლამენტის ბიუროს სხდომაზე, ვიცე-სპიკერმა ირმა ინაშვილმა. ,,საქართველოს

ერთი სპექტაკლი დაიწყეთ და ჩაგივარდათ, მეორე სპექტაკლიც ჩაგივარდებათ - ირაკლი კობახიძიძე ნიკა მელიას

15 ოქტომბერი, 2018 , 17:30

პარლამენტის თავმჯდომარემ ირაკლი კობახიძემ გუშინ გამოქვეყნებული აუდიოჩანაწერები „ნაციონალური მოძრაობის“ მიერ დადგმული სპექტაკლი უწოდა. როგორც ირაკლი კობახიძემ ბიუროს სხდომაზე „ნაციონალური მოძრაობის&ldquo

ნოტარიუსის როლი არ ექნება საქართველოს პარლამენტს ამის გარანტიას გაძლევთ მთელი პასუხისმგებლობით - მამუკა მდინარაძე

15 ოქტომბერი, 2018 , 17:30

საპარლამენტო უმრავლესობა თანახმაა, ოპოზიციის მოთხოვნის საფუძველზე შს მინისტრი და მთავარი პროკურორი პარლამენტში მივიდნენ, თუმცა მას შემდეგ, რაც გამოძიება გარკვეულ დეტალებს გამოკვეთს. როგორც დეპუტატმა მამუკა მდინარაძემ პარ

თქვენ ხართ ტყვეობაში აყვანილი სუბელიანისა და ფარცხალაძის მიერ - ნიკა მელია უმრავლესობის წევრებს

15 ოქტომბერი, 2018 , 17:00

გუშინ „რუსთავი 2“-ის მიერ გამოქვეყნებულ აუდიოჩანაწერებს პარლამენტის ბიუროს სხდომაზე განიხილავენ. „ნაციონალური მოძრაობის“ წევრის, ნიკა მელიას შეფასებით, „ქართული ოცნების“ წევრები დაუცვე

ხელისუფლების უმაღლესი თანამდებობის პირები მონაწილეობენ იმ ტიპის კრიმინალურ გარიგებებში, რაც დამახასიათებული იყო შევარდნაძისა და სააკაშვილის რეჟიმებისათვის - კახა კუკავა

15 ოქტომბერი, 2018 , 16:25

პრეზიდენტობის კანდიდატი, კახა კუკავა გუშინ გამოქვეყნებულ აუდიოჩანაწერებს ეხმაურება. „გუშინ გამოქვეყნებულმა ჩანაწერებმა ერთხელ და სამუდამოდ გაფანტა ვერსია იმის შესახებ, იყო თუ არა ადრე გამოქვეყნებული ჩანაწერები ავთე

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`