უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
არქივი
პოლიტიკა
ევროკავშირიდან საქართველოს მიმართ ძლიერი პოლიტიკური მხარდაჭერა არსებობს - თამარ ჩუგოშვილი საქართველოში ევროკავშირის სადამკვირვებლო მისიის ხელმძღვანელს შეხვდა
პარლამენტის პირველი ვიცე-სპიკერი, თამარ ჩუგოშვილი საქართველოში ევროკავშირის სადამკვირვებლო მისიის (EUMM) ხელმძღვანელს, ერიკ ჰოგს შეხვდა.
ერიკ ჰოგმა მოკლედ მიმოიხილა ადმინისტრაციულ სასაზღვრო ხაზებზე მიმდინარე მოვლენები.
ყურადღება დაეთმო კონტროლირებად გადაკვეთის პუნქტებზე უკანასკნელ პერიოდში შემოღებულ შეზღუდვებს და მათ გავლენას ახლომდებარე ტერიტორიაზე მცხოვრები მოსახლეობის გადაადგილების თავისუფლებასა და საცხოვრებელ პირობებზე.
„შეხვედრაზე თამარ ჩუგოშვილმა რეგლამენტის რეფორმის შედეგად შემუშავებულ ცვლილებებსა და სიახლეებზე ისაუბრა. პარლამენტის თავმჯდომარის პირველმა მოადგილემ სტუმრებს მიაწოდა ინფორმაცია, თუ როგორ აღმოიფხვრა საკანონმდებლო ხარვეზები და გაძლიერდა პარლამენტის კანონშემოქმედებითი და საზედამხედველო ფუნქციები. ასევე, საუბარი შეეხო პარლამენტის როლს საპარლამენტო მმართველობის სისტემაში და საქართველოს კონსტიტუციაში შეტანილ ცვლილებებს და მიღწეულ მნიშვნელოვან შედეგებს.
ევროკავშირის სადამკვირვებლო მისიის ხელმძღვანელი დაინტერესდა პარლამენტში მიმდინარე კვლევითი ცენტრის რეფორმით და გენდერული თანასწორობის საბჭოს საქმიანობით. ჰოგმა დასძინა, რომ ამ მიმართულებებით საინტერესო იქნებოდა თანამშრომლობა და სამომავლოდ ინფორმაციის გაცვლა. შეხვედრაზე საუბარი ასევე შეეხო ნდობის ჯგუფის საქმიანობას, ეროვნული უშიშროების საბჭოსთან დაკავშირებულ საკითხებს და დეზინფორმაციასთან ბრძოლას.
მხარეები შეთანხმდნენ მისიასა და საქართველოს პარლამენტს შორის ფუნქციური თანამშრომლობისკენ მიმართულ პრაქტიკულ ნაბიჯებზე.
საქართველოში ევროკავშირის სადამკვირვებლო მისიის ხელმძღვანელმა აღნიშნა, რომ ევროკავშირიდან საქართველოს მიმართ ძლიერი პოლიტიკური მხარდაჭერა არსებობს“, - ნათქვამია პარლამენტის მიერ გავრცელებულ ინფორმაციაში.