მსოფლიო

ევროკავშირის საბჭომ ყირიმისა და სევასტოპოლის უკანონო ანექსიის გამო რუსეთს სანქციები კიდევ ერთი წლით გაუხანგძლივა

ევროკავშირის საბჭომ ყირიმის ნახევარკუნძულისა და ქალაქ სევასტოპილის უკანონო ანექსიის გამო რუსეთის წინააღმდეგ სანქციები 2019 წლის 23 ივნისამდე გაახანგძლივა.

ევროკავშირის საბჭოს საიტზე გამოქვეყნებულ განცხადებაში წერია, რომ სანქციები ეხება ევროკავშირის მოქალაქეებსა და ევროპულ კომპანიებს. კერძოდ, შეზღუდვები ვრცელდება ევროკავშირში ყირიმიდან და სევასტოპოლიდან პროდუქციის შემოტანაზე, ასევე აღნიშნულ ტერიტორიებზე ინვესტიციების განხორცილებაზე , ტურისტულ მომსახურებასა და ყირიმში სხვადასხვა საქონლისა და ტექნოლოგიების ექსპორტზე.

განცხადებაში ევროკავშირის საბჭო კიდევ ერთხელ აღნიშნავს, რომ მხარს უჭერს უკრაინის სუვერენიტეტსა და ტერიტორიულ მთლიანობას. მისი თქმით, 4 წლის თავზე ის არ აღიარებს ყირიმისა და ქალაქ სევასტოპილის უკანონო ანექსიას და გმობს საერთაშორისო სამართლის დარღვევას.

აღნიშნული სანქციები ევროკავშირმა 2014 წლის 14 ივნისს შემოიღო რუსეთის მიერ ნახევარკუნძულის უკანონო ანექსიის საპასუხოდ.