უკან

უახლესი ამბები

დღის კალენდარი

ანონსები

არქივი

ეკონომიკა

8 მაისი, 2017 18:30
font-size

ევროკავშირისა და ევროპის საინვესტიციო ბანკის მხარდაჭერა სოფლის მეურნეობის განვითარებისთვის მნიშვნელოვანია - ლევან დავითაშვილი

სოფლის მეურნეობის მინისტრმა ლევან დავითაშვილმა ევროპის საინვესტიციო ბანკის (EIB) მიერ ორგანიზებულ კონფერენციაში - „ევროკავშირი საქართველოში ბიზნესის წარმოებისთვის“ მიიღო მონაწილეობა.

როგორც სოფლის მეურნეობის მინისტრმა სიტყვით გამოსვლისას განაცხადა, საქართველოს მთავრობისთვის აგრარული დარგის განვითარება ერთ-ერთი მნიშვნელოვანი პრიორიტეტია. ლევან დავითაშვილმა ხაზგასმით აღნიშნა ევროკავშირისა და ევროპის საინვესტიციო ბანკის მხარდაჭერის მნიშვნელობა და მადლობა გადაუხადა მათ საქართველოში განხორციელებული მნიშვნელოვანი პროექტებისთვის.

"საქართველოს მთავრობა დიდ ყურადღებას უთმობს სოფლის მეურნეობის განვითარებას. მთავრობის ერთ-ერთი უმნიშვნელოვანესი პრიორიტეტი ფერმერების და მცირე და საშუალო ზომის საწარმოების მხარდაჭერაა, რათა მათ ხელი მიუწვდებოდეთ დაფინანსებაზე. ღრმა და ყოვლისმომცველი თავისუფალი სავაჭრო სივრცის შესახებ შეთანხმების ხელმოწერის შემდეგ, ევროკავშირში ექსპორტი იზრდება. ამ სარგებლის სრულად ასათვისებლად, პირველ რიგში, საჭიროა საქართველომ დააკმაყოფილოს ევროკავშირის ნორმები და რეგულაციები, ხოლო მეორე მხრივ, ქვეყანამ უნდა აწარმოოს ხარისხიანი პროდუქცია, რათა საერთაშორისო ბაზარზე კონკურენტუნარიანი იყოს. ევროპის საინვესტიციო ბანკთან წარმატებული მოლაპარაკების შემდეგ, საქართველოს მთავრობამ გააფორმა 100 მილიონი ევროს მოცულობის საფინანსო შეთანხმება. ევროპის საინვესტიციო ბანკის საკრედიტო ინსტრუმენტი მიმართული იქნება საქართველოში მებაღეობის განვითარებისადმი, რაც მოიცავს თხილისა და ღვინის ღირებულებათა ჯაჭვებს. ამ გრძელვადიანი საფინანსო სქემების მეშვეობით, როგორც ფერმერებს, ასევე მცირე და საშუალო ზომის საწარმოებს საშუალება ექნებათ მოიყვანონ ხარისხიანი მარცვლეული და აწარმოონ ხარისხიანი პროდუქცია, რათა მოიპოვონ სრული წვდომა საერთაშორისო ბაზარზე. გამოყოფილი სახსრებით და საბანკო სექტორთან მჭიდრო თანამშრომლობით, შევძლებთ უზარმაზარი დადებითი გავლენა მოვახდინოთ აგრო-სასურსათო დარგის განვითარებაზე", - განაცხადა ლევან დავითაშვილმა.

საქართველოს სოფლის მეურნეობის სამინისტროს ინფორმაციით, კონფერენციის ფარგლებში, საქართველოს ბიზნესსექტორს წარმომადგენლებს ევროპის საინვესტიციო ბანკის ახალი პროგრამები - „ღრმა და ყოვლისმომცველი თავისუფალი სავაჭრო სივრცის შესახებ შეთანხმების აღმოსავლეთ ინიციატივა“ და ევროკავშირის კვლევისა და ინოვაციის პროგრამის "ჰორიზონტი 2020"-ის ინსტრუმენტის "ინოვფინი – ევროკავშირის დაფინანსება ნოვატორებისთვის" გააცნეს.

საქართველოში კერძო სექტორის განვითარების საკვანძო ამოცანის შესასრულებლად, აღნიშნულ ორ ახალ პროგრამას ევროპის საინვესტიციო ბანკის ჯგუფი (ევროპის საინვესტიციო ბანკი და ევროპის საინვესტიციო ფონდი) ევროკომისიასთან ერთად ახორციელებს. ეს ორი პროგრამა მომზადებულია ევროკავშირი-საქართველოს ასოცირების შესახებ შეთანხმების ფარგლებში.

EIB-ის მიერ ორგანიზებული კონფერენცია საქართველოს ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტოს მხარდაჭერით გაიმართა. ღონისძიებას ბიზნესის, ბანკების, მიკროსაფინანსო ორგანიზაციების, ფინანსური მრჩევლებისა და ამ სფეროს ასოციაციების დაახლოებით 200 წარმომადგენელი ესწრებოდა. კონფერენციაზე სიტყვით წარსდგნენ ევროკავშირის, საქართველოს მთავრობისა და ევროპის საინვესტიციო ბანკის მაღალი რანგის წარმომადგენლები.

კომერციული ბანკების მთლიანი აქტივები 0.39%-ით შემცირდა - ეროვნული ბანკი

25 სექტემბერი, 2020 , 16:30

2020 წლის პირველი სექტემბრის მდგომარეობით, საქართველოს საბანკო სექტორი 15 კომერციული ბანკითაა წარმოდგენილი; მათ შორის 14 - საწესდებო კაპიტალში უცხოური კაპიტალის მონაწილეობით. ეროვნული ბანკის მონაცემებით, აგვისტოში, წინა

ეკონომიკის სამინისტრო უწყვეტ რეჟიმში მუშაობს სხვადასხვა დარგების წარმომადგენლებთან ეკონომიკური სტიმულირებისა და ხელშეწყობის პაკეტების მიმართულებით - ირაკლი ნადარეიშვილი

24 სექტემბერი, 2020 , 17:40

ეკონომიკისა და მდგრადი განვითარების მინისტრის მოადგილე ირაკლი ნადარეიშვილი ბავშვთა გასართობი ცენტრების წარმომადგენლებს შეხვდა, რომლის დროსაც განხილული იყო აღნიშნული ბიზნეს-მიმართულების წინაშე დღეს არსებული გამოწვევები. ა

საქართველოს ბანკი ადგილობრივი წარმოების მხარდაჭერას განაგრძობს

24 სექტემბერი, 2020 , 16:30

საქართველოს ბანკი კვლავ განაგრძობს ადგილობრივი წარმოების მხარდაჭერას. ბანკის ფინანსური ჩართულობით ხის ნაკეთობების ბრენდი „თილისმა“ წარმოებას აფართოვებს. კომპანიამ საქმიანობა 2018 წელს დაიწყო და დღეს ბრენდის ნ

კომერციული ბანკების მოგება აგვისტოში გაიზარდა - ვალუტის ყიდვა-გაყიდვით კი 71.8 მლნ ლარის ზარალი მიიღეს

22 სექტემბერი, 2020 , 15:00

კომერციულმა ბანკებმა 2020 წლის აგვისტო 96,363 მლნ ლარის წმინდა მოგებით დაასრულეს. ეს კი წინა თვესთან შედარებით, 32,870 მლნ ლარით მეტია, ივლისში ბანკების წმინდა მოგება 63,493 მლნ ლარს შეადგენდა. ეროვნული ბანკის ვებ-გვერდზ

2020 წლის მეორე კვარტალში საქართველოს მთლიანი შიდა პროდუქტი 12.3 პროცენტით შემცირდა

18 სექტემბერი, 2020 , 11:50

სტატისტიკის ეროვნული სამსახურის ინფორმაციით, 2020 წლის მეორე კვარტალში მთლიანი შიდა პროდუქტის მოცულობა მიმდინარე ფასებში 11 210.0 მილიონ ლარს გაუტოლდა. წინა წლის შესაბამის პერიოდთან შედარებით რეალური მთლიანი შიდა პროდუქტ

საქართველოს ბანკმა ვაჭრობის დაფინანსებისთვის Citi- სგან 50 მილიონი აშშ დოლარის მოცულობის ფინანსური რესურსი მოიზიდა

18 სექტემბერი, 2020 , 10:55

საქართველოს ბანკმა ვაჭრობის დასაფინანსებლად Citi-სგან 50 მილიონი აშშ დოლარის მოცულობის ფინანსური რესურსი მოიზიდა. აღნიშნული ტრანზაქცია საქართველოს ბანკსა და Citi-ს შორის 2011 წელს გაფორმებული შეთანხმების Continuing Agree

პირდაპირი TV

daily calendar

ვიდეო გალერეა

პოლიტიკური პარასკევი ნატო ჩხეიძე