უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
არქივი
პოლიტიკა
ევროკავშირთან ურთიერთობა და ინტეგრაციის ხარისხი არასოდეს ყოფილა ასეთ მაღალ დონეზე - მამუკა ბახტაძე
ევროკავშირთან ურთიერთობა და ინტეგრაციის ხარისხი არასოდეს ყოფილა ასეთ მაღალ დონეზე; ეს არის მნიშვნელოვანი წარმატება, რასაც გაფრთხილება სჭირდება, - ამის შესახებ საქართველოს პრემიერ-მინისტრმა მამუკა ბახტაძემ დღეს გამართულ ბრიფინგზე განაცხადა, რომელზეც ბრიუსელში ვიზიტი წარმატებულად შეაფასა.
მთავრობის მეთაურის თქმით, საქართველო-ევროკავშირის ასოცირების საბჭოს მეხუთე სხდომაზე საქართველომ ევროპელი პარტნიორებისგან ძლიერი გზავნილები კიდევ ერთხელ მოისმინა.
„აქვე მინდა შევეხო 21 ნოემბრის ევროკავშირთან სექტორული თანამშრომლობის შესახებ შეხვედრასაც, სადაც კონკრეტული მიმართულებები გამოვყავით და აქტიურად ვმუშაობთ. შესაბამისად, ბრიუსელის შეხვედრა ამ თვალსაზრისითაციყო ძალიან მნიშვნელოვანი, ვინაიდან, ჩვენ მოვახდინეთ იმ პროექტების პრიორიტეტიზაცია, რომლებიც შემდეგი წლების განმავლობაში ჩვენი ერთობლივი მუშაობის გეგმის ნაწილი იქნება “, - განაცხადა მამუკა ბახტაძემ.
პრემიერ-მინისტრის თქმით, ევროკავშირის უმაღლეს წარმომადგენელ ფედერიკა მოგერინისთან და ევროკომისარ იოჰანეს ჰანთან უმაღლეს დონეზე შეხვედრებისას განხილული იყო საქართველოსთვის პრიორიტეტული საკითხები და დაგეგმილი რეფორმები, მათ შორის ყველაზე მნიშვნელოვანი - ევროკავშირში ინტეგრაციის საგზაო რუკა.
„საგზაო რუკა ერთ-ერთი მნიშვნელოვანი საშუალებაა, რათა რაც შეიძლება დაჩქარდეს საქართველოს ევროკავშირში ინტეგრაცია. ეს იყო პირველი პრეზენტაცია, რომელიც წარვუდგინეთ ჩვენს ევროპელ მეგობრებს. ჩვენთვის სასიცოცხლოდ მნიშვნელოვანია, საქართველოს ჰქონდეს შიდა მოხმარების მსგავსი დოკუმენტი, რომელიც იქნება კონკრეტულად გაწერილი და შედეგებზე ორიენტირებული, რათა ქართულ საზოგადოებას ადვილად შეეძლოს გაზომვა, როგორ პროგრესირებს საქართველო ევროპისკენ მიმავალ გზაზე“, - განაცხადა მამუკა ბახტაძემ.