უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ევროკავშირთან ასოცირების ახალი დღის წესრიგის საკითხებზე საგარეო საქმეთა სამინისტროში შეხვედრა გაიმართება
საგარეო საქმეთა სამინისტროს განცხადებით, საგარეო უწყება, ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატთან ერთად აგრძელებს ევროკავშირთან ასოცირების ახალი დღის წესრიგის საჯარო განხილვებს სამოქალაქო სექტორის წარმომადგენლებთან.
აღნიშნული საჯარო განხილვების ფარგლებში, მიმდინარე წლის 17 ოქტომბერს, საგარეო საქმეთა სამინისტროში გაიმართება შეხვედრა სამოქალაქო საზოგადოების წარმომადგენლებთან ევროკავშირთან ასოცირების ახალი დღის წესრიგის პოლიტიკურ, მართლმსაჯულებისა და უსაფრთხოების საკითხებზე.
ღონისძიებაზე დასასწრებად მოწვეული არიან "აღმოსავლეთ პარტნიორობის" სამოქალაქო საზოგადოების ფორუმის საქართველოს ეროვნული პლატფორმის, საქართველო-ევროკავშირის ასოცირების შესახებ შეთანხმებით გათვალისწინებული სამოქალაქო საზოგადოების პლატფორმის ქართული მხარისა და ევროინტეგრაციის საკითხებზე მომუშავე სამოქალაქო საზოგადოების სხვა წარმომადგენლები.
დამატებითი ინფორმაციისთვის, დაინტერესებულ პირებს შეუძლიათ მიმართოთ ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატს.