უკან

დღის კალენდარი

ანონსები

არქივი

კონფლიქტის ზონა

13 ივნისი, 2018 11:10
font-size

ევროპარლამენტში საქართველო რუსეთის კონფლიქტის საკითხზე დებატები გაიმართა

12 ივნისს ევროპარლამენტში გაიმართა განხილვა თემაზე: საქართველოს ოკუპირებული ტერიტორიები რუსეთის აგრესიიდან 10 წლის შემდეგ.

სხდომაზე საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი ფედერიკა მოგერინი და ოცდაათზე მეტი ევროპარლამენტარი გამოვიდა ევროპარლამენტის რვა პოლიტიკური ჯგუფიდან. ევროპარლამენტის წამყვანი პოლიტიკური ჯგუფების წარმომადგენელი გამომსვლელების დიდმა უმრავლესობამ დაგმო რუსეთის მიერ საქართველოს რეგიონების ოკუპაცია და სრული მხარდაჭერა გამოხატა საქართველოს ტერიტორიული მთლიანობის მიმართ. დეპუტატებმა ასევე მოუწოდეს რუსეთის ფედერაციას 2008 წლის ცეცხლის შეწყვეტის შეთანხმების შესრულებისაკენ, საქართველოს ტერიტორიიდან სამხედრო ძალების გაყვანისა და ოკუპირებულ ტერიტორიებზე მცხოვრები მოსახლეობის უფლებების ეთნიკურ ნიადაგზე დარღვევების შეწყვეტისაკენ.

ევროპარლამენტის ვიცე-პრეზიდენტმა ჰეიდი ჰაუტალამ ხაზი გაუსვა, რომ 2008 წლის 8 აგვისტო (08.08.08) საერთაშორისო წესრიგისათვის გარდამტეხი დღე იყო, როდესაც ნათელი გახდა, რომ რუსეთი მზადაა ძალის გამოყენებით დაარღვიოს მეზობელი ქვეყნების ტერტორიული მთლიანობა.

ევროპარლამენტის საგარეო საქმეთა კომიტეტის თავმჯდომარე დევიდ მაკალისტერმა განაცხადა, რომ შემაშფოთებელია რუსეთის ნაბიჯები, რომელთაც ის საქართველოს რეგიონების ანექსიისკენ დგამს და რომლითაც 2008 წლის ცეცხლის შეწყვეტის შეთანხმებას არღვევს. მისი თქმით, მოსკოვმა სრულად უნდა შეასრულოს შეთანხმებით ნაკისრი ვალდებულებები, მისცეს ევროკავშირის სადამკვირვებლო მისიას ოკუპირებულ ტერიტორიებზე შესვლის საშუალება, შეაჩეროს ბორდერიზაციის პროცესი და შეწყვიტოს ეთნიკურ ნიადაგზე ადამიანის უფლებების დარღვევა. გამოსვლის ბოლოს დევიდ მაკალისტერმა ხაზი გაუსვა, რომ რუსეთ-საქართველოს კონფლიქტი დავიწყებული კონფლიქტი არაა.

ევრონესტის თანათავჯდომარე რებეკა ჰარმსმა ხაზი გაუსვა, რომ იმ ვითარებაში როდესაც საქართველო უარს ამბობს კონფლიქტის ძალით მოგვარებაზე, ნებისმიერი კომპრომისი რუსეთთან მიმართებით დამღუპველი იქნება საქართველოსთვის.

საქართველო-ევროკავშირის ასოცირების საპარლამენტო კომიტეტის თანათავმჯდომარე საჯად კარიმმა აღნიშნა, რომ ის რაც საქართველოში ხდება არის აშკარა ოკუპაცია და ევროკავშირის ინსტიტუტებს მოუწოდა, რომ მათთაც, ევროპარლამენტის მსგავსად, ოფიციალურ დოკუმენტებში სწორედ ამ ტერმინით ისარგებლონ.

გარდა ამისა, ევროპარლამენტარებმა ვიქტორ ბოშტინარუმ (სოციალისტების პოლიტიკური ჯგუფი), ანა ფოტიგამ (კონსერვატორებისა და რეფირმისტების პოლიტიკური ჯგუფი) და კრისტიან პრედამ (სახალხო პარტია) აღნიშნეს, რომ 2008 წლის აგრესია რუსეთის პასუხი იყო საქართველოს სურვილზე, შეუერთდეს ევროატლანტიკური უსაფრთხოების სისტემას. ვიქტორ ბოშტინარუს თანახმად, ამის მიუხედავად დღეს საქართველო კიდევ უფრო განვითარებული ქვეყანაა, ვიდრე ათი წლის წინ იყო. ანა ფოტიგამ და პეტრას აუსტრევიჩიუსმა (ევროპელი ლიბერალების ალიანსი) ასევე გამოხატეს მხარდაჭერა საქართველოს პარლამენტის ინიციატივის მიმართ ე.წ. ოთხოზორია-ტატუნაშვილის სიის შექმნისა და ოკუპირებულ ტერიტორიებზე საქართველოს მოქალაქეების მიმართ დანაშაულის ჩადენაში ბრალდებული და მსჯავრდებული პირების მიმართ შესაბამისი სანქციების დაწესების შესახებ.

ევროპარლამენტარმა კლერ მუდიმ კოლეგების მსგავსად ასევე ისაუბრა რუსეთის საოკუპაციო ძალების მიერ მავთულხლართებისა და ხელოვნური ბარიერების აგებაზე, დაგმო ამ რეგიონებში რუსული სამხედრო ძალების თავმოყრა და აღნიშნა, რომ გამშვები პუნქტების დახურვით რუსეთი ოკუპირებული ტერიტორიების იზოლაციას უწყობს ხელს.

ევროპარლამენტარმა ელმარ ბროკმა (სახალხო პარტია) ოკუპირებული რეგიონების სოფლებსა და ეზოებში გამავალი მავთულხლართები და ხელოვნური ბარიერები გაიხსენა და აღნიშნა, რომ ოკუპირებული საქართველო ორად გაყოფილ გერმანიას ახსენებს. მისი თქმით, იქმნება შთაბეჭდილება, რომ რუსეთი რეგიონში ამ და მსგავს ქმედებებს მეზობელი ქვეყნების განვითარების შესაფერხებლად სჩადის.

მავთულხლართებსა და ადამიანების მოტაცების ფაქტებზე ისაუბრა ევროპარლამენტარმა ლაიმა ანდრიკიენემაც (სახალხო პარტია), რომლის თანახმად, არავის უნდა დაავიწყდეს ის ფაქტი, რომ საქართველო იყო რუსეთის მხრიდან აგრესიის მსხვერპლი და არა - პირიქით. ევროპარლამენტარმა გუნარ ჰოკმარკმა (სახალხო პარტია) კი აღნიშნა, რომ სახეზეა დამოუკიდებელი სახელმწიფოს სამხედრო ოკუპაცია და თუ დასავლეთი ვერ შეძლებს დაიცვას საქართველო, ის ვერც სხვა რომელიმე ქვეყნის დაცვას შეძლებს ასეთი აგრესიისგან.

ევროპარლამენტის რეზოლუციას “საქართველოს ოკუპირებული ტერიტორიების შესახებ რუსული აგრესიიდან ათი წლის შემდეგ“ კენჭი ეყრება 14 ივნისს.

აფხაზეთისა და ცხინვალის რეგიონში მოსახლეობა არის სრულ იზოლაციაში - ქეთევან ციხელაშვილი

22 იანვარი, 2019 , 16:30

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი საოკუპაციო რეჟიმის გადაწყვეტილებას ეხმაურება. “აბსოლუტურად მიუღებელია ე.წ. გამშვები პუნქტების ჩაკეტვა. უკვე მე-12 დღეა აფხაზე

Airbnb წაშლის სახლებს საქართველოს ოკუპირებული რეგიონებიდან

20 იანვარი, 2019 , 13:07

აპარტამენტების (ბინების) გაქირავების სერვისი Airbnb საკუთარი საიტიდან წაშლის განცხადებებს აფხაზეთიდან და ე.წ სამხრეთ ოსეთიდან. ამის შესახებ აღნიშნულია Airbnb-ის ოფიციალურ  ვებსაიტზე. "როგორც გლობალური პლატფორმა

მოვუწოდებთ რუსეთის ფედერაციას და საოკუპაციო რეჟიმებს დაუყოვნებლივ გახსნან ე.წ. გამშვები პუნქტები საოკუპაციო ხაზის გასწვრივ - დავით ზალკალიანი

19 იანვარი, 2019 , 13:36

„მოვუწოდებთ რუსეთის ფედერაციას და საოკუპაციო რეჟიმებს დაუყოვნებლივ გახსნან ე.წ. გამშვები პუნქტები საოკუპაციო ხაზის გასწვრივ, რადგანაც პირველ რიგში, ეს არის ჰუმანიტარული საკითხი და ეს სერიოზულ საფრთხეს უქმნის ისეთ ფ

ოკუპირებულ ტერიტორიებზე მცხოვრები პირებისთვის საქართველოს მოქალაქეობის დადგენის პროცედურა მნიშვნელოვნად მარტივდება

18 იანვარი, 2019 , 16:02

ოკუპირებულ ტერიტორიებზე მცხოვრები პირებისთვის საქართველოს მოქალაქეობის დადგენის პროცედურა მნიშვნელოვნად მარტივდება, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომამდე გამართულ ბრიფინგზე განა

გაგრაში რუსი ბიზნესმენი ააფეთქეს

16 იანვარი, 2019 , 16:43

ოკუპირებულ აფხაზეთში აფეთქების შედგეგად რუსი ბიზნესმენი დაშავდა. ამის შესახებ დეფაქტო რესპუბლიკის შინაგან საქმეთა ე.წ. სამინისტრო იტყობინება.   ინციდენტი 15 იანვარს გაგრაში, ლძაას დასახლებაში მოხდა. ბიზნეს

H1N1-ის საფრთხის გამო აფხაზეთის საოკუპაციო რეჟიმი ოკუპირებულ ტერიტორიაზე შესვლას ზღუდავს

11 იანვარი, 2019 , 11:20

H1N1 გრიპის ვირუსის გავრცელების საშიშროებასთან დაკავშირებით აფხაზეთის საოკუპაციო რეჟიმი ოკუპირებულ ტერიტორიაზე შესვლას შეზღუდავს. საოკუპაციო რეჟიმის წარმომადგენელთა ინფორმაციით, ე.წ. სახელმწიფო უშიშროების სამსახურისა და

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`