უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
ეკონომიკა
ევროპის საინვესტიციო ბანკი და სხვა საერთაშორისო საფინანსო ინსტიტუტები მხარს უჭერენ სასტარტო კაპიტალით უზრუნველყოფის რეფორმას - მამუკა ბახტაძე
ევროპის საინვესტიციო ბანკი და სხვა საერთაშორისო საფინანსო ინსტიტუტები მხარს უჭერენ სასტარტო კაპიტალით უზრუნველყოფის რეფორმას, - განაცხადა ფინანსთა მინისტრმა, მამუკა ბახტაძემ ევროპის საინვესტიციო ბანკის ვიცე-პრეზიდენტთან, ვაზილ ჰუდაკთან გამართული შეხვედრის შემდეგ.
„ევროპის საინვესტიციო ბანკს, აქვს ძალიან კარგი გამოცდილება სხვა ქვეყნებში კომერციულ ბანკებთან ერთად მცირე და საშუალო ბიზნესის წახალისების მექანიზმების დანერგვის მიმართულებით. მიმდინარე წლის მაისში, საქართველოში იგეგმება ევროპის საინვესტიციო ბანკის წარმომადგენელთა ვიზიტი და ჩვენ დეტალურად შევისწავლით ამ მიმართულებით არსებულ საერთაშორისო გამოცდილებას. როგორც აღვნიშნე, ჩვენ ამ რეფორმას მსხვილი, საერთაშორისო დონორი ორგანიზაციების მხარდაჭერით განვახორციელებთ. სასტარტო კაპიტალით უზრუნველყოფის რეფორმა, მცირე და საშუალო ბიზნესის ხელშეწყობისთვის დაგეგმილი ღონისძიებები, ხელს შეუწყობს მივაღწიოთ ჩვენი ეკონომიკური პოლიტიკის მთავარ მიზანს - დავძლიოთ სიღარიბე. ეს გზა კი გადის მცირე და საშუალო ბიზნესის ხელშეწყობასა და განვითარებაზე. ესაა სასიცოცხლოდ აუცილებელი რეფორმა. ჩვენ გვაქვს სრული მხარდაჭერა ყველა საერთაშორისო ფინანსური ინსტიტუტიდან ამ რეფორმის წარმატებით დასრულების საკითხში,“ - განაცხადა ფინანსთა მინისტრმა, მამუკა ბახტაძემ.
„საქართველო ჩვენთვის მნიშვნელოვანი პარტნიორი ქვეყანაა აღმოსავლეთ სამეზობლოში. ბანკი მნიშვნელოვან ფინანსურ რესურსებს მიმართავს როგორც საგზაო ინფრასტრუქტურის, ისე კერძო სექტორის, მათ შორის, ინოვაციური ბიზნესის განვითარების მიმართულებით. საქართველო სატრანზიტო ქვეყანაა, სწორედ ამიტომ, ჩვენ გავაგრძელებთ ქვეყნის მხარდაჭერას, რაც გულისხმობს მეტი ინვესტიციის მოზიდვას სატრანსპორტო და მუნიციპალური ინფრასტრუქტურის განვითარებაში. ჩვენთან საუბარში, ფინანსთა მინისტრმა ხაზგასმით აღნიშნა, რომ სურს განსაკუთრებული ყურადღება დაუთმოს მცირე და საშუალო ბიზნესის მხარდაჭერას. ჩვენ გვაქვს კარგი გამოცილება ევროკავშირის ქვეყნებში, თუ როგორც შეიძლება კომერციულ ბანკებთან ერთად, შეიქმნას ინსტრუმენტები დამწყები, საშუალო და მცირე ბიზნესის მხარდაჭერისთვის, - აღნიშნა ევროპის საინვესტიციო ბანკის ვიცე-პრეზიდენტმა.
ვაზილ ჰუდაკთან შეხვედრა ამერიკის შეერთებულ შტატებში ფინანსთა მინისტრის ვიზიტის ფარგლებში შედგა, რომელზედაც მხარეებმა დეტალურად ისაუბრეს ევროპის საინვესტიციო ბანკის მხარდაჭერით მიმდინარე წარმატებულ პროექტებსა და სამომავლო თანამშრომლობის საკითხებზე.