უკან

უახლესი ამბები

დღის კალენდარი

ანონსები

არქივი

პოლიტიკა

6 აგვისტო, 2018 12:40
font-size

ევროპულ და ევროატლანტიკურ სტრუქტურებში საქართველოს გაწევრიანება ქვეყნისა და ხალხის სუვერენული არჩევანია - სოფო ქაცარავა

საგარეო ურთიერთობათა საპარლამენტო კომიტეტის თავმჯდომარე სოფო ქაცარავა გამოეხმაურა რუსეთის პრემიერ-მინისტრის, დიმიტრი მედვედევის განცხადებას საქართველოს ნატო-ში შესვლასთან დაკავშირებით.

ქაცარავას თქმით, საქართველოს გაწევრიანება ევროპულ და ევროატლანტიკურ სტრუქტურებში ქვეყნისა და ხალხის სუვერენული არჩევანია.

„რუსეთის ფედერაციის მხრიდან მსგავსი რიტორიკა და განცხადებები არაერთხელ მოგვისმენია. ევროპულ და ევროატლანტიკურ სტრუქტურებში საქართველოს გაწევრიანება ქვეყნისა და ხალხის სუვერენული არჩევანია, რაც განმტკიცებულია საქართველოს კონსტიტუციითა და პარლამენტის რეზოლუციით. ეს არ არის მხოლოდ საქართველოს პოლიტიკური ამოცანა, არამედ პირდაპირ ეხმიანება ქვეყნის განვითარებას, დემოკრატიული რეფორმებს, თავდაცვისუნარიანობის გაზრდასა და ა.შ. ეს არის ჩვენი, როგორც შიდა პოლიტიკური ამოცანა, ასევე საგარეო პოლიტიკური კურსი. ეს ყველაფერი ერთმანეთთან არის დაკავშირებული“, – აღნიშნა ქაცარავამ.

დეპუტატის თქმით, საქართველოს ხელისუფლების წარმომადგენლები ამ წუთებში საოკუპაციო ხაზთან იმყოფებიან, სადაც ადგილზე განხორციელებულ ინფრასტრუქტურულ პროექტებს ეცნობიან.

„ამჟამად, საოკუპაციო ხაზთან ვიმყოფებით და ინფრასტრუქტურულ პროექტებს ვეცნობით. რეგიონების განვითარება ძალიან მნიშვნელოვანია, რადგან დიდი გამოწვევების მიმართ ჩვენი პასუხი სწრაფი განვითარება და სამშვიდობო პოლიტიკაა“, – დასძინა ქაცარავამ.

რუსეთის პრემიერ-მინისტრის, დიმიტრი მედვედევის განცხადებით, საქართველოს ნატო-ში გაწევრიანებას შესაძლოა, კატასტროფული შედეგები მოჰყვეს.

„საქართველოს შესვლამ ნატო-ში შესაძლოა, საშინელი კონფლიქტის პროვოცირება მოახდინოს, გაუგებარია, რისთვისაა ეს საჭირო“, - განაცხადა მედვედევმა რადიო „Коммерсант ФМ“-თან ინტერვიუში.

„ერთიანი საქართველო“ ხელისუფლებას ანტიკრიზისულ გეგმას სთავაზობს

28 მარტი, 2020 , 15:00

„ერთიანი საქართველოს“ ლიდერი ნინო ბურჯანაძე ხელისუფლებას ანტიკრიზისულ გეგმას სთავაზობს. „ჩვენ, „ერთიან საქართველოს“, გვინდა წარმოგიდგინოთ, შედარებით მოკრძალებული და რეალისტური გეგმა სწორედ ჩ

დღეს ისე როგორც არასდროს საჭიროა ევროპული სოლიდარობის დემონსტრირება - საქართველოს საგარეო საქმეთა სამინისტრო

25 მარტი, 2020 , 22:42

საქართველოს საგარეო საქმეთა სამინისტრო ევროკავშირის დაარსებისთვის საფუძველის ჩაყრის 63 წლისთავთან დაკავშირებით განცხადებას ავრცელებს. "ზუსტად 63 წლის წინ, 1957 წლის 25 მარტს, ევროპის ქვეყნებმა რომის ხელშეკრულების ხელმოწე

არჩილ თალაკვაძესა და ადამ კინზინგერს შორის სატელეფონო საუბარი გაიმართა

25 მარტი, 2020 , 11:25

საქართველოს პარლამენტის პრესსამსახური არჩილ თალაკვაძესა და ამერიკელ კონგერსმენ ადამ კინზინგერს შორის სატელეფონო საუბრის შესახებ ინფორმაციას ავრცელებს. როგორც საქართველოს პარლამენტის პრესსამსახურის ინფორმაციაშია ნათქვამი,

საქართველოში საგანგებო მდგომარეობის ამოქმედების შესახებ გაერო-სა და ევროპის საბჭოს ეცნობათ

23 მარტი, 2020 , 12:35

საქართველოში საგანგებო მდგომარეობის ამოქმედების შესახებ გაერთიანებული ერების ორგანიზაციასა და ევროპის საბჭოს ეცნობათ. ინფორმაციას საქართველოს საგარეო საქმეთა სამინისტრო ავრცელებს. უწყების ცნობით, დადგენილი საერთაშორისო პ

ნატო ჩხეიძე: პრემიერის გამოუცხადებლობა მივიჩნიე უპასუხისმგებლო დამოკიდებულებად

22 მარტი, 2020 , 14:35

„პრემიერის გამოუცხადებლობა მივიჩნიე უპასუხისმგებლო დამოკიდებულებად არა მარტო პარლამენტის მიმართ, რაც ისედაც სჩვევია, არამედ უპასუხისმგებლიბად თავისივე ინიცირებული 1 თვიანი საგანგებო რეჟიმის მიმართ, და ასეც აღვნიშნე

საერთაშორისო მიმოსვლის შეწყვეტა ნიშნავს, რომ საქართველოში უცხო ქვეყნების მოქალაქეების შემოსვლა იზღუდება, მაგრამ არ ნიშნავს იმას, რომ იზღუდება საქართველოს მოქალაქეების საქართველოს ტერიტორიაზე შემოსვლა - ბექა დოჭვირი

21 მარტი, 2020 , 22:48

საერთაშორისო მიმოსვლის შეწყვეტა ნიშნავს, რომ საქართველოში უცხო ქვეყნების მოქალაქეების შემოსვლა იზღუდება, მაგრამ ეს არ ნიშნავს იმას, რომ იზღუდება საქართველოს მოქალაქეების საქართველოს ტერიტორიაზე შემოსვლა, - ამის შესახებ მ