უკან

უახლესი ამბები

დღის კალენდარი

ანონსები

არქივი

სამართალი

25 ნოემბერი, 2020 14:50
font-size

ევროპულ სასამართლოსთან ერთი მნიშვნელოვანი თხოვნა მაქვს - საქმე გამოძიებას ხელმეორედ დაუბრუნდეს, დაისაჯოს ყველა ადამიანი - მალხაზ მაჩალიკაშვილი

სახელმწიფომ პირდაპირ უარი თქვა ჩემ საქმეზე, პირდაპირ შეწყვიტეს გამოძიება, ღმერთის ძალით გამოჩნდა ორგანიზაცია, რომელმაც სტრასბურგში გაგზავნა ეს საქმე და დაგვიტოვა იმედი, რომ ამ კითხვებს პასუხები გაეცემა, - ამის შესახებ მალხაზ მაჩალიკაშვილმა EMC-ის მიერ გამართულ ონლაინ პრესკონფერენციაზე განაცხადა.

როგორც მაჩალიკაშვილმა განმარტა, მას იმედი აქვს, რომ ადამიანის უფლებათა ევროპული სასამართლო სწორ გადაწყვეტილებას მიიღებს. ის იმ ადამიანების დასჯას ითხოვს, რომლებიც პანკისის ხეობაში ჩატარებულ სპეცოპერაციაში მონაწილეობდნენ.

„შევეცდები, ყველაფერი გავაკეთო, რომ ის ადამიანები დაისაჯონ, ვისაც თემირლანის სისხლში ხელები აქვს გასვრილი. მე პირდაპირ ამ ადამიანებს დავასახელებ, ესენი არიან: ირაკლი ჩიმაკაძე, სოსო გოგაშვილი, პაატა ჯაჭვაძე, ასევე ის 3 სპეცრაზმელი, რომლიც თემირლანის ოთახში იმყოფებოდა. ამის იქით, არიან ადამიანები, მაღალჩინოსნები, რომლებიც უნდა დაისაჯონ, ამაში ორი აზრი არ არის.

ხელისუფლებები იცვლებიან, ხალხი იცვლება, დღეს თუ არა, ხვალ მაინც მოუწევთ ამ დანაშაულზე პასუხისგება. ევროპული სასამართლო თავის სიტყვას იტყვის და იმედი მაქვს, ამ დაუღალავ ბრძოლას, ამ მიწიერი ჯოჯოხეთის გავლას რაიმე აზრი ექნება.

მე ვხედავდი ზუგდიდში აყვანილ 19 მძევალს, იარაღის დიდ არსენალს - ავტომატს, ხელყუმბარას, პისტოლეტს , მე დავინახე ტერაქტის მცდელობა, ტერორიზმი, როცა ადამიანი მთელ ქალაქს, 19-20 ადამიანის სიცოცხლეს ემუქრებოდა. ამ ადამიანს ნახევარი მილიონი აჩუქეს და გააცილეს, ერთი წვეთი სისხლი არ დაღვრილა. იქ არ შეეშინდათ, რომ იმ ადამიანისთვის ესროლათ, რომელსაც ხელში ხელყუმბარა ეჭირა და 19 მძევალი ჰყავდა აყვანილი. სპეცოპერაცია ისე ჩაატარეს, სისხლი არ დაღვრილა და ამბობენ, ხელში ხელყუმბარა ეჭირა, რომ გვესროლა, ადამიანებს დახოცავდაო. თემირლანს ამათი მტკიცებით, ხელყუმბარა ეჭირა, ის ჩადებული რომ იყო, ამაზე ყველა ფაქტი მოწმობს, მას ესროლეს, რომ არ გვესროლა, ოჯახს ააფეთქებდაო. უბრალოდ, სახელმწიფომ თქვა - ეს ქისტია, ამის დედაცო, მე ასე ვიტყოდი - ამ სახელმწიფოს დედაც, თუ თემირლანის სისხლი შერჩათ“, - განაცხადა მაჩალიკაშვილმა.

როგორც მაჩალიკაშვილი განმარტავს, ის სიმართლის დასადგენად დაუღალავად იბრძოდა და ამ ბრძოლის შეწყვეტას არ აპირებს.

„ზუსტად ერთი თვე დარჩა იმ ავადსახსენებელ ღამემდე, დღეს 25 რიცხვია, რაც ჩემთვის და ჩემი ოჯახისთვის ძალიან მტკივნეულია. 25 ნოემბრის და 25 დეკემბრის მეშინია.

ამ 3 წლის განმავლობაში, მაჩალიკაშვილს ათას რამეს აბრალებდნენ, არასწორ პოზიციაზეა, არასწორად იქცევა, თუნდაც, ტრადიციებიდან, რელიგიიდან გამომდინარეო, ამბობდნენ. ბევრი ლაფიც მესროლეს, მაგრამ მე დავიწყე ეს სამართლიანი ბრძოლა. ამ ბრძოლამ ჩემთვის ის შედეგი გამოიღო, რომ მეორედ, პანკისის ხეობაში, ქისტებში, თუნდაც, საქართველოს სხვა რეგიონში, ასეთი სასტიკ დანაშაულს არ ჩაიდენენ. ეს იყო ძალიან ცუდად გათამაშებული სპექტაკლი.

ევროპული სასამართლო თავის სიტყვას იტყვის. სახელმწიფომ პირდაპირ უარი თქვა ჩემ საქმეზე, პირდაპირ შეწყვიტეს გამოძიება, ღმერთის ძალით გამოჩნდა ორგანიზაცია, რომელმაც სტრასბურგში გაგზავნა ეს საქმე და დაგვიტოვა იმედი, რომ ამ კითხვებს პასუხები გაეცემა.

ევროპულ სასამართლოსთან ერთი ჩემთვის მნიშვნელოვანი თხოვნა მაქვს - საქმე გამოძიებას ხელმეორედ დაუბრუნდეს, დაისაჯოს ყველა ადამიანი“, - აცხადებს მაჩალიკაშვილი.

კასპში დაკავებული პირი შინაგან საქმეთა სამინისტროს ყოფილი თანამშრომელია, იგი რუსეთში გადასვლას ითხოვდა - ვლადიმერ ბორცვაძე

16 იანვარი, 2021 , 15:40

კასპში, ერთ-ერთი საწარმოს მიმდებარე ტერიტორიაზე მომხდარ ფაქტთან დაკავშირებით, შინაგან საქმეთა მინისტრის მოადგილემ - ვლადიმერ ბორცვაძემ ჟურნალისტების კითხვებს უპასუხა. მინისტრის მოადგილის განცხადებით, ღონისძიება წარმატები

პოლიციამ კასპში ერთ-ერთ საწარმოში მძევლად აყვანილი მოქალაქეები უვნებლად გაათავისუფლა, თავდასხმის ფაქტზე დაკავებულია 1 პირი

16 იანვარი, 2021 , 15:15

შინაგან საქმეთა სამინისტრომ კასპში ერთ-ერთი საწარმოში ორი პირის მძევლად აყვანის ბრალდებით 1 პირი - 1993 წელს დაბადებული გ.მ. დააკავა. უწყების ინფორმაციით, ბრალდებული კასპში, ერთ-ერთი საწარმოს ტერიტორიაზე შეიჭრა და სანადი

კახეთის პოლიციამ სამი პირის დაჭრაში ბრალდებული დააკავა

16 იანვარი, 2021 , 11:35

კახეთის პოლიციამ სამი პირის დაჭრის ფაქტი ცხელ კვალზე გახსნა, დაკავებულია ერთი პირი, – აცხადებენ შსს-ში. „შინაგან საქმეთა სამინისტროს კახეთის პოლიციის დეპარტამენტის თანამშრომლებმა, ცხელ კვალზე ჩატარებული საგამ

პოლიციამ ბოლო 24 საათში „კოვიდ-19“-ის საწინააღმდეგო რეგულაციების დარღვევის 815 ფაქტი გამოავლინა

16 იანვარი, 2021 , 11:35

საქართველოს შინაგან საქმეთა სამინისტროს ინფორმაციით, სამართალდამცველების მიერ განხორციელებული მონიტორინგის შედეგად ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციები

თამარ ბაჩალიაშვილის საქმეში ახალი დეტალები იკვეთება

15 იანვარი, 2021 , 15:45

გაურკვეველ ვითარებაში გაუჩინარებული 23 წლის პროგრამისტის, თამარ ბაჩალიაშვილის საქმეში ახალი დეტალები იკვეთება, რის გამოც ადვოკატი ოთარ რამიშვილი გამოძიების ხელახლა დაწყებას ითხოვს. მისი თქმით, ბაჩალიაშვილების ოჯახის სახე

თბილისის ზღვის მიმდებარე ტერიტორიაზე მომხდარ მკვლელობის ფაქტზე პოლიციამ ერთი პირი დააკავა

15 იანვარი, 2021 , 14:10

შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თანამშრომლებმა 1978 წელს დაბადებული კ.შ. განზრახ მკვლელობის ბრალდებით, ცხელ კვალზე დააკავეს. სამინისტროს ცნობით, დანაშაული შვიდ