სამართალი

„ევროპული საქართველო“ ლაშა თორდიაზე თავდასხმის საქმეზე პარლამენტში დროებითი საგამოძიებო კომისიის შექმნას ითხოვს

საქართველოს პარლამენტის ფრაქცია „ევროპული საქართველო“ ფარცხალაძე-თორდიას საქმეზე პარლამენტში დროებითი საგამოძიებო კომისიის შექმნას ითხოვს.

პარტიის წევრის, ირმა ნადირაშვილის განცხადებით, უმცირესობაში შემავალი ფრაქციები ამ საკითხს დააყენებენ.

„საზოგადოებას არ აქვს პროკურატურის ნდობა. ფარცხალაძე არის თავად ამ პროკურატურის არაფორმალური მმართველი. ვნახეთ, როგორ სტუმრობენ მას შსს- წარმომადგენლები. მოისმინეთ არაერთი განცხადება ხელისუფლებისგან, რათა გაამართლონ მისი მოქმედება. როდესაც ხელისუფლების ყველა შტო ჩართულია ამის დაფარვაში, ობიექტური გამოძიება ვერ მოხდება და ეს საქმე უნდა გამოიძიოს კომისიამ.

ასევე, გაირკვა კორუფციული სქემის შესახებ, საქმე ეხება მიწების ჩანაცვლებას და საჭიროა ამის გამოძიებაც. პარლამენტი თუ არ ჩაერთო, ობიექტური ჭეშმარიტება ვერ დადგინდება“ - განაცხადა ნადირაშვილმა.

სახელმწიფო აუდიტის სამსახურის ხელმძღვანელის, ლაშა თორდიას თქმით, მას შარდენის ქუჩაზე მდებარე ღამის კლუბ „ელ ცენტროში“, თავს ყოფილი მთავარი პროკურორი ოთარ ფარცხალაძე და მისი თანმხლები რამდენიმე პირი დაესხნენ. ლაშა თორდია მომხდარს მის მიერ სამსახურებრივი მოვალეობის შესრულებას უკავშირებს.

თავდასხმის ფაქტზე გამოძიება შსს-მ სისხლის სამართლის კოდექსის 126-ე მუხლით (ძალადობა) დაიწყო.

ნინო ექვთიმიშვილი

საკვანძო სიტყვები:

შსს გლდანის ხევში აღმოჩენილი ახალშობილის გარდაცვალების ფაქტს ეხმაურება

3 ივნისი, 2020 , 21:51

შინაგან საქმეთა სამინისტრო ეხმაურება 2020 წლის 2 ივნისს გლდანის ხევში აღმოჩენილი ახალშობილის გარდაცვალების ფაქტს შინაგან საქმეთა სამინისტრო გლდანის ხევში აღმოჩენილი ახალშობილის გარდაცვალების ფაქტს ეხმაურება. როგორც უწყებ

თურქეთის ცხრა მოქალაქეს პატიმრობა შეეფარდა

3 ივნისი, 2020 , 17:05

თბილისის საქალაქო სასამართლომ საზღვრის უკანონო კვეთის ბრალდებით დაკავებულ თურქეთის ცხრა მოქალაქეს აღკვეთის ღონისძიებად პატიმრობა შეუფარდა. დაცვის მხარე ითხოვდა აღკვეთის ღონისძიებად რვა პირის შემთხვევაში ათი ათას, ხოლო ერ

დიდი ოდენობით ფულადი თანხების თაღლითურად დაუფლების და უკანონო შემოსავლის ლეგალიზაციის ფაქტზე, რუსეთის ფედერაციის მოქალაქე და ორი იურიდიული პირი სისხლისსამართლებრივ პასუხისგებაში მიეცა

3 ივნისი, 2020 , 11:40

საქართველოს გენერალური პროკურატურის მიერ, დიდი ოდენობით ფულადი თანხების თაღლითურად დაუფლების და უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება, რუსეთის ფედერაციის მო