უკან

უახლესი ამბები

დღის კალენდარი

ანონსები

არქივი

პოლიტიკა

2 ივნისი, 2018 16:15
font-size

„ევროპული საქართველო“ მთავარი პროკურორის კანდიდატად შალვა შავგულიძეს ასახელებს

„ევროპულმა საქართველომ“ საქართველოს მთავარი პროკურორის კანდიდატად „ქართული ოცნების“ ყოფილი დეპუტატი, შალვა შავგულიძე დაასახელა.

დღევანდელ ბრიფინგზე „ევროპული საქართველოს“ ლიდერმა, დავით ბაქრაძემ დაახასიათა შავგულიძე, როგორც „პატიოსანი, მცოდნე და პრინციპული ადამიანი“.

„დღეს „ევროპული საქართველოსა“ და საპარლამენტო უმცირესობის სახელით მინდა, შევთავაზო საქართველოს მთავარი პროკურორის კანდიდატურად ჩვენს საზოგადოებას შალვა შავგულიძე.

მე ამ კანდიდატურას ვთავაზობ ჩვენს საზოგადოებას, ვთავაზობ ზაზა სარალიძესა და თითოეულ იმ მშობელს, რომლის შვილი იყო მოკლული და რომლის საქმე არაა გამოძიებული , ასეთი ადამიანი ბევრი ვიხილეთ ბოლო დღეებში.

ვთავაზობ პოლიტიკურ სპექტრს, შალვა შავგულიძე არასდროს არ ყოფილა ჩვენი პოლიტიკური მოკავშირე. შალვა შავგულიძე და ჩვენ ყოველთვის ვიყავით სხვადასხვა პოლიტიკურ ბანაკში. მახსოვს, როცა ჩვენ ვიყავით ხელისუფლებაში, შალვა შავგულიძე იყო სანდრო გირგვლიანის ადვოკატი და მაშინ მან დაამტკიცა და აჩვენა, რომ ისაა ღირსეული ადამიანი, რომელსაც შეუძლია და არ ეშინია სისტემის წინააღმეგ ბრძოლა. შემდგომ, როცა ჩვენ ვიყავით ოპოზიციაში, ბატონმა შავგულიძემ „ქართული ოცნებიდან“ მოიგო ვაკის ოლქი და ის იყო „ქართული ოცნების “ დეპუტატი პარლამენტში. ყოველთვის, ოპოზიციაში ყოფნის დროსაც და ხელისუფლებაში ყოფნის დროსაც შალვა შავგულიძე იყო პატიოსანი, მცოდნე და პრინციპული ადამიანი. ამიტომ, მე დღეს მას ვასახელებ არა იმიტომ, რომ ის ჩვენი მეგობარია, არა იმიტომ, რომ ის ჩვენი პოლიტიკური მოკავშირეა, კიდევ ერთხელ ვიმეორებ, ყველა ეტაპზე ჩვენი განვლილი მოღვაწეობის, ჩვენ, მე და შავგულიძე, ვიდექით სხვადასხვა და საპირისპირო ბანაკში. მაგრამ, ადამიანს უნდა შეგეძლოს, აღიარო შენი ოპონენტის ღირსეულობა. შალვა შავგულიძე ყოველთვის იყო ღირსეული ოპონენტი, ყოველთვის იყო ადამიანი, რომლის პატიოსნებაშიც, კომპეტენტურობასა და ბრძოლისუნარიანობაში ეჭვს ვერავინ ვერ შეიტანდა“, - დასძინა ბაქრაძემ.

მან განაცხადა, რომ მმართველი გუნდი „დახურულ კარს მიღმა“ ახალი მთავარი პროკურორის დამტკიცებას ცდილობს.

„საზოგადოებამ გუშინ იხილა, რომ საღამოს „ქართული ოცნების“ ოფისში დაიწყო დახურული კონსულტაციები ახალი მთავარი პროკურორის კანდიდატურასთან დაკავშირებით,. ესაა ხელისუფლებისა და „ქართული ოცნების“ პასუხი იმ ათობით ათას ადამიანს, რომლებიც თბილისის ქუჩებში აპროტესტებს უსამართლობას და ითხოვს სისტემის დანგრევას.

როგორც ჩანს, ხელისუფლებამ ჭკუა ვერ ისწავლა და აპირებს ახალი პროკურორის დასახელებას ზუსტად იმავე სისტემის ფარგლებში , რომლის დანგრევასაც ითხოვს ხალხი. როგორც ჩანს, ხელისუფლების განზრახვაა, ახალი პროკურორი შეირჩეს „ქართული ოცნების“ ოფისში, დახურულ კარს მიღმა, შემდეგ იყოს მოწონებული ე.წ. საპროკურორო საბჭოზე, რომელიც შედგება პროკურატურის იმ ხელმძღვანელი პირებისგან, იმ პროკურორებისგან, ვინც ქმნის ამ უსამართლო სისტემას. შემდეგ ეს ყველაფერი წავიდეს იუსტიციის მინისტრთან, რომელიც მისტირის და მადლობებს უხდის უკვე გადამდგარ მთავარ პროკურორ შოთაძეს, დაბოლოს, ეს ყველაფერი დაგვირგვინდეს პარლამენტში „ქართული ოცნების“ უმრავლესობის კენჭისყრით“, - განაცხადა ბაქრაძემ.

ცნობისთვის, 2 დღის წინ საქართველოს მთავარი პროკურორის პოსტი ირაკლი შოთაძემ დატოვა ხორავას ქუჩაზე მოკლული მოზარდების საქმის გამო.

“რურუა უნდა გათავისუფლდეს და საარჩევნო ცვლილებები უნდა მოხდეს”

30 მაისი, 2020 , 16:41

ვიდრე „მთავარი არხის“ დამფუძნებელი გიორგი რურუა, ციხეს არ დატოვებს, ხელისუფლების ოპონენტები საკონსტიტუციო ცვლილებების კანონპროექტის განხილვაში მონაწილეობას და ცვლილებების მხარდაჭერას არ აპირებენ. „რა ფო

კორონა ვირუსი ხელისუფლებისთვის ყველაზე ძლიერი პარტნიორი აღმოჩნდა - ხათუნა ლაგაზიძე

30 მაისი, 2020 , 12:05

“კორონავირუსი ხელისუფლების ყველაზე ძლიერი პარტნიორი აღმოჩნდა,” - ამის შესახებ წერს ექსპერტი ხათუნა ლაგაზიძე საკუთარ Facebook გვერდზე. “გახარიას გუშინდელი გამოსვლის შემდეგ ოპოზიციამ ღიად უნდა დაინახოს გა

გიორგი გახარია ოპოზიციას - საბიუჯეტო ხარჯებზე, როდესაც საუბრობთ, შემიძლია გასწავლოთ სად რა ინფორმაცია ნახოთ

29 მაისი, 2020 , 19:11

საბიუჯეტო ხარჯებზე, როდესაც საუბრობთ და, როდესაც ამბობთ, რომ ვეძებთ, არ გვაძლევენ ინფორმაციას, შემიძლია გასწავლოთ სად რა ინფორმაცია შეგიძლიათ ნახოთ. ნაწილობრივ მართლები ხართ, ოღონდ, როდესაც ამბობთ უნდა დამეთანხმოთ ერთ რა

გიგა ბოკერია გიორგი გახარიას: მაინცდამაინც მეუფე იაკობივით უნდა დაგამცირონ და გაგლანძღონ, რომ ცოტა პატივისცემა ისწავლოთ პარლამენტის?

29 მაისი, 2020 , 16:45

„ დღეს დილიდან რაღაცა კიდევ უფრო ახალი ტონი შეარჩიეთ პარლამენტის შეურაცხყოფის? თქვენთვის დრო არ მაქვს, აქ ნუ გამაცდენთ ამ კითხვებზე და პასუხებზე, ძალიან მაინტერესებს, ვინ წაგახალისათ ამისთვის? მაინცდამაინც მეუფე ია

ჩვენი ქვეყანა ჯალათს არ იმსახურებს პრემიერ-მინისტრად - თინა ბოკუჩავა

29 მაისი, 2020 , 15:57

ჩვენი მომავალი თაობა თქვენ არ გიმსახურებს. ეს კარგად დაიმახსოვრეთ! თქვენ ვერასოდეს ჩამოირეცხავთ თვალთხარია გახარიას სახელს და იმ მისამღერს ვერასოდეს დაავიწყებთ ახალგაზრდებს, რომელიც თქვენ მოგიძღვნეს,- ასე მიმართა „

პატივს ვცემთ პარლამენტს და მიუხედავად იმისა, რომ ბევრი მნიშვნელოვანი საქმე გვაქვს გასაკეთებელი, აქ ვდგავართ და ამ კითხვებსაც გავცემთ პასუხს - გიორგი გახარია

29 მაისი, 2020 , 15:45

მოგესალმებით ბატონებო და ქალბატონებო, მივესალმები პარლამენტის წევრებს, დეპუტატებს, მოგესალმებით ბატონო თავმჯდომარევ. მოგეხსენებათ, რომ ჩვენ ზუსტად ერთი დღით ადრე ვიდექით ამ ტრიბუნასთან და მაქსიმალურად გავეცით პასუხი ყველ