უკან

დღის კალენდარი

ანონსები

არქივი

სამართალი

21 აპრილი, 2017 13:50
font-size

„ევროპული საქართველო“ საკონსტიტუციო ცვლილებზე პლებისციტის ჩატარების ინიციატივით გამოვიდა

პარტია „მოძრაობა თავისუფლებისთვის-ევროპული საქართველოსთვის“ გამოდის ინიციატივით, რომ საკონსტიტუციო ცვლილებებთან დაკავშირებით, რომელიც შეეხება პრეზიდენტის არჩევის წესსა და საპარლამენტო არჩევნების სისტემას- პლებისციტი ჩატარდეს.

როგორც ბრიფინგზე, პარტიის ერთ-ერთმა ლიდერმა დავით ბაქრაძემ აღნიშნა, საჭიროა ისეთი ნაბიჯების გადადგმა, რომლებიც ქვეყანაში მომავალი დაპირისპირების რისკს შეამცირებს.

„საკონსტიტუციო ცვლილებები, რომელიც მიღებული იქნება მხოლოდ ერთი პარტიის ხმებით, ქვეყანას სიკეთეს ვერ მოუტანს, მხოლოდ გააღრმავებს პოლარიზაციას, მხოლოდ გააღრმავებს დაპირისპირებას. ამიტომ, ამ სიტუაციაში, აუცილებლად გვეჩვენება ისეთი ნაბიჯების გადადგმა, რომელიც შეამცირებდა ქვეყანაში მომავალი დაპირისპირების რისკს და სიტყვას მისცემდა ქართველ ხალხს. სწორედ ამიტომ, „ევროპული საქართველოს“ ინიციატივაა, საკონსტიტუციო ცვლილებების ორ მთავარ საკითხსზე: პრეზიდენტის პირდაპირი არჩევის თემაზე და საპარლამეტო არჩევნების სისტემაზე ჩატარდეს პლებისციტი, სადაც ქართველი ხალხი დააფიქსირებს საკუთარ აზრს“,-აღნიშნა ბაქრაძემ.

პოლიტიკოსმა მოუწოდა ქვეყნის პრემიერ-მინისტრს დანიშნოს პლებისციტი, მოიქცეს, როგორც ქართველი ხალხის პრემიერ-მინისტრი.

„მოვუწოდებთ „ქართულ ოცნებას“ მისცეს გადაწყვეტილების უფლება ხალხს. მოვუწოდებ, პრემიერ კვირიკაშვილს, რომელიც კანონმდებლობის მიხედვით, გახლავთ უფლებამოსილი დანიშნოს პლებისციტი - მოვუწოდებთ მას, იყოს არა ერთი ადამიანის, ან ერთი პოლიტიკური ძალის პრემიერ-მინისტრი, არამედ მოიქცეს როგორც ქართველი ხალხის პრემიერ-მინისტრი და მისცეს ქართველ ხალხს არჩევანის უფლება“,-განაცხადა დავით ბაქრაძემ

მისი თქმით, იმ შემთხვევაში, თუ ხელისუფლება პლებისციტის ჩატარების გადაწყვეტილებას არ მიიღებს, „ევროპული საქართველო“ ხელმოწერების შეგროვების მიზნით მოლაპარაკებების გამართვას პრეზიდენტთან და სხვა პარტიებთან დაიწყებს.

„იმ შემთხვევაში თუ პრემიერს და დღევანდელ ხელისუფლებას არ ეყოფა პოლიტიკური ვაჟკაცობა, რომ აზრი კითხოს ქართველ ხალხს, „ევროპული საქართველო“ აცხადებს მზადყოფნას დაიწყოს პოლიტიკური კონსულტაციები პოლიტიკურ პარტიებთან და პრეზიდენტთან ხელმოწერების შეგროვების მიზნით“,-განაცხადა ბაქრაძემ.

მონიკა დავლიანიძე

სამეგრელოში უაქციზო თამბაქოს შენახვის 28 ფაქტი გამოვლინდა

26 მაისი, 2020 , 15:15

ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის სამეგრელოს, გურიისა და ზემო სვანეთის სამმართველოს მიერ გატარებული მიმდინარე კონტროლის პროცედურების შედეგად, 18 მაისიდან 24 მაისის ჩათვლ

ლაშა ჩხარტიშვილის სასამართლო პროცესი გადაიდო

25 მაისი, 2020 , 20:35

ლეიბორისტული პარტიის წვერის, ლაშა ჩხარტიშვილის სასამართლო პროცესი გადაიდო. ამ მომენტისათვის, ლაშა ჩხარტიშვილი სასამართლო დაწესებულებიდან გათავისუფლებულია. ცნობილია, რომ პროცესი 10 ივნისს ჩაინიშნა. ცნობისთვის, ჩხარტიშვილი

ჯარიმის ან საურავისგან გათავისუფლდებიან პირები, რომლებმაც 2018 წლის 10 აპრილამდე, თბილისის ტერიტორიაზე პარკირების წესებთან დაკავშირებით ადმინისტრაციული სამართალდარღვევა ჩაიდინეს

25 მაისი, 2020 , 17:56

ჯარიმის ან შესაბამისი საურავისგან გათავისუფლდებიან პირები, რომელთაც 2018 წლის 10 აპრილამდე, დედაქალაქის ტერიტორიაზე ავტოტრანსპორტის პარკირების წესების დარღვევისთვის ადმინისტრაციული სამართალდარღვევა ჩაიდინეს. საუბარია &bd

პროკურატურამ „ევროპული საქართველოს“ წევრებს ძალადობის ფაქტზე ბრალი წარუდგინა

25 მაისი, 2020 , 17:48

პროკურატურამ „ევროპული საქართველოს“ წევრებს ბართლომე შელიასა და დავით ღურწკაიას ძალადობის ფაქტზე ბრალი წარუდგინა. აღნიშნულთან დაკავშირებით, პროკურატურა ინფორმაციას ავრცელებს. როგორც უწყების ინფორმაციაშია აღნი

ლაშა ჩხარტიშვილი დააკავეს

25 მაისი, 2020 , 16:17

დღეს, ვაზისუბანში, ალუბლების ბაღში უკანონო მშენებლობის წინააღმდეგ გამართულ აქციაზე ლეიბორისტული პარტიოს ერ-ერთი ლიდერი ლაშა ჩხარტიშვილი დააკავეს. როგორც ამ წუთებში ჩვენთვის ცნობილია, ნახევარ საათში გადაიყვანენ თბილისის ს

20-21 ივნისის მოვლენების შედეგად დაშავებულებს პროკურატურა დაზარალებულის სტატუსს კვლავ არ ანიჭებს - საია

25 მაისი, 2020 , 11:35

თბილისი. მედიანიუსი. 25.05.20. პროკურატურამ 2019 წლის 20-21 ივნისის მოვლენების შედეგად დაშავებულ 23 პირს, რომელთა ინტერესებს საია იცავს, დაზარალებულის სტატუსის მინიჭებაზე ისევ უარი უთხრა, – ამის შესახებ ინფორმაციას