პოლიტიკა

„ევროპული საქართველოს“ მარნეულის მაჟორიტარობის კანდიდატს თავს დაესხნენ - გიგი უგულავა

„ევროპული საქართველოს“ ერთ-ერთი ლიდერის გიგი უგულავას ინფორმაციით, პარტიის მარნეულის მაჟორიტარობის კანდიდატს, ახმედ იმამკულიევს თავს დაესხნენ.

ამის შესახებ უგულავამ Facebook-ის პირად გვერდზე დაწერა.

„გუშინ ხობში დაესხნენ თავს ჩვენს მაჟორიტარ ქალბატონს. ახლა მარნეულში სოფელ სადახლოში, ჩვენს მაჟორიტარ კანდიდატს „ოცნების“ კანდიდატი, თავის ბანდით, დაესხა თავს. „ოცნება“ ძალადობს და მას ხალხი არჩევნებზე დასჯის. მარნეულში „ევროპული საქართველო“ და ახმედ იმამკულიევი გაიმარჯვებს“,-დაწერა გიგი უგულავამ.

გუშინ, „ევროპული საქართველოს“ ხობის მაჟორიტარობის კანდიდატს ნინო ჭანტურიას და მამამისს, სოფელ ზემო ქვალონში დაესხნენ თავს და სიტყვიერი შეურაცხყოფა მიაყენეს.

მონიკა დავლიანიძე