პოლიტიკა

„ევროპულმა საქართველომ“ ზესტაფონის მერობის კანდიდატად გელა სხილაძე დაასახელა

„ევროპულმა საქართველომ“ ზესტაფონში მერობის კანდიდატად გელა სხილაძე დაასახელა.

ამომრჩევლებთან და მხარდამჭერებთან შეხვედრაზე, ადგილობრივ მოსახლეობას პარტიის ლიდერებმა დავით ბაქრაძემ და გიგი უგულავამ პარტიის საარჩევნო პროგრამაც გააცნეს.

როგორც მერობის კანდიდატმა სხილაძემ ჟურნალისტებს განუცხადა, იგი რაიონის პრობლემებს უკვე 11 წელია იცნობს.

„სამი მოწვევის საკრებულოს წევრი ვარ. ყველა პრობლემა რომელიც ამ რაიონში არის ვიცი ზეპირად უკვე 11 წელია. ჩემს გუნდთან ერთად, გამარჯვების შემთხვევაში, ვეცდები ნელ-ნელა, ნაბიჯ-ნაბიჯ მოვაგვარო ეს პრობლემები“,-განაცხადა სხილაძემ.

პარტიის ლიდერის დავით ბაქრაძის თქმით კი, „რაიონს ისევე როგორც მთელ საქართველოს, სჭირდება ცვლილებები, სჭირდება ხელისუფლება და გუნდი, რომელიც იზრუნებს ხალხზე და გააკეთებს საქმეს“.
“ევროპული საქართველოს“ ამოცანა ზესტაფონში იქნება მიხედოს რაიონს, გაზარდონ პენსიები, დაასრულოს ინფრასტრუქტურული პროექტები“,-განაცხადა დავით ბაქრაძემ.

მონიკა დავლიანიძე