უკან

უახლესი ამბები

დღის კალენდარი

ანონსები

არქივი

ეკონომიკა

21 სექტემბერი, 2018 10:35
font-size

ევრორეგულაციების დანერგვა საქართველოს დიდ სარგებელს მოუტანს - ევროკომისარი ტრანსპორტის საკითხებში ვიოლეტა ბულცი

„დღევანდელი შეხვედრა მართლაც კონსტრუქციული იყო. ვისაუბრეთ ყველა მნიშვნელოვან საკითხზე და შევთანხმდით, რომ ჩვენს თანამშრომლობას მყარი საფუძველი აქვს“ - ამის შესახებ ევროკომისარმა ტრანსპორტის საკითხებში ვიოლეტა ბულცმა საქართველოს ეკონომიკისა და მდგრადი განვითარების მინისტრთან გამართული შეხვედრის დასრულების შემდეგ განაცხადა.

გიორგი ქობულია ბრიუსელში ვიზიტით იმყოფება, სადაც მონაწილეობა მიიღო DCFTA -ის პირველ არაფორმალურ მინისტერიალში, რომელიც ვაჭრობის საკითხებში ევროკომისრის სესილია მალმსტრომის ინიციატივით იმართება.

„ჩვენი საუბრის ერთ-ერთი საკითხი იყო ერთიანი სატრანსპორტო რეგულაციები, რომელიც ასევე ასოცირების შესახებ შეთანხმების ნაწილია და დიდ სარგებელს მოუტანს ქვეყანას. ამ რეფორმის შედეგად შექმნილი რეალობა ხელს შეუწყობს ინვესტიციების მოზიდვას და, აგრეთვე, საშუალებას მისცემს კომპანიებს გააფართოვონ საქმიანობა. ჩვენ ასევე აღვნიშნეთ საგზაო უსაფრთხოების მნიშვნელობა და ვფიქრობ, რომ საქართველომ მნიშვნელოვანი ნაბიჯები გადადგა ამ მიმართულებით, მათ შორის აღსანიშნავია, რომ აღმოსავლეთ პარტნიორობის ფარგლებში ხელი მოეწერა საგზაო უსაფრთხოების დეკლარაციას. აუცილებლად დავეხმარებით საქართველოს ამ მიმართულებით როგორც შესაძლებლობების განვითარების ხელშეწყობით, ისე სხვადასხვა პროექტის ფარგლებში არსებული ცოდნისა და გამოცდილების გაზიარებით - აღნიშნა ვიოლეტა ბულცმა.

ევროკომისრის განცხადებით, მესამე საკითხი, რომელიც საქართველოს ეკონომიკის მინისტრთან შეხვედრაზე განიხილეს, იყო რკინიგზა და საქართველოს ჩართულობა სტრატეგიულ ალიანსში ევროპასა და აზიას შორის დერეფნის მოწყობის შესახებ.

„საქართველო მიწვეული იქნება შეხვედრაზე, სადაც ჩვენ დავიწყებთ სარკინიგზო დერეფნის დაგეგმვას, რომელიც მთელ რეგიონს დააკავშირებს ერთმანეთთან. ჩვენ ასევე ყურადღება ბევრ სხვა საკითხზე გავამახვილეთ, მათ შორის საზღვაო სექტორზე, მაგრამ უპირველეს ყოვლისა, ყველანი შევთანხმდით, რომ ჩვენს თანამშრომლობას მყარი საფუძველი აქვს და კვლავაც უნდა გავაგრძელოთ ეს თანამშრომლობა. მოუთმენლად ველი მომავალში ახალ ერთობლივ საქმიანობას“ - განაცხადა ბულცმა.

ბრიუსელში გამართულ მინისტერიალში საქართველოს მიერ DCFTA-ის ფარგლებში შეთანხმებული სამოქმედო გეგმის შესრულება და ორმხრივი სავაჭრო-ეკონომიკური კავშირების განვითარების საკითხები განიხილეს. აღინიშნა, რომ ასოცირების შეთანხმების, მათ შორის DCFTA-ს ეფექტური განხორციელება საქართველოს მთავრობის პრიორიტეტია, ხოლო ღრმა და ყოვლისმომცველი თავისუფალი სავაჭრო სივრცე საქართველოსთვის განსაკუთრებულად მნიშვნელოვანია, რადგან ითვალისწინებს მისი ეკონომიკის ევროკავშირის შიდა ბაზართან ეტაპობრივ ინტეგრაციას, რაც უზრუნველყოფს მსოფლიოს ერთ-ერთი მსხვილი სამომხმარებლო ბაზრის ხელმისაწვდომობას ტარიფებისა და კვოტების გარეშე.

ქალთა ეკონომიკური გაძლიერება უმნიშვნელოვანესია ინკლუზიური ეკონომიკური განვითარებისათვის - ეკატერინე მიქაბაძე

15 ივნისი, 2019 , 14:31

„ქალთა ეკონომიკური გაძლიერება უმნიშვნელოვანესია ინკლუზიური ეკონომიკური განვითარებისათვის. ეკონომიკური მოდელი, სადაც საზოგადოების ყველა წევრს თანაბარი შესაძლებლობები და არადისკრიმინაციული წვდომა ექნება იმ სარგებელზე

შპს `ზიქსიფეის` საგადახდო მომსახურების პროვაიდერის რეგისტრაცია გაუუქმდა

14 ივნისი, 2019 , 15:13

საქართველოს ეროვნული ბანკის პრეზიდენტის მოვალეობის შემსრულებლის, არჩილ მესტვირიშვილის 2019 წლის 06 ივნისის N43 განკარგულების საფუძველზე, შპს "ზიქსიფეის" (საიდენტიფიკაციო ნომერი: 404551150) საგადახდო მომსახურების პროვაიდე

საქართველოში ფულადი გზავნილების მოცულობა გაიზარდა

14 ივნისი, 2019 , 14:58

საქართველოს ეროვნული ბანკის მონაცემებით, 2019 წლის მაისში ქვეყანაში შემოსული ფულადი გზავნილების ნაკადების მოცულობამ 145.8 მლნ აშშ დოლარი (400.4 მლნ ლარი) შეადგინა, რაც 11.8 პროცენტით (15.4 მლნ აშშ დოლარით) მეტია 2018 წლი

თბილისში ღვინის მე-11 საერთაშორისო კონკურსის გამარჯვებულები დააჯილდოვეს

14 ივნისი, 2019 , 11:51

თბილისში გამართულ ღვინის მე-11 საერთაშორისო კონკურსზე International Wine Competition ოქროს მედალი 26-მა ღვინომ დაიმსახურა. ღვინის ეროვნული სააგენტოს ინფორმაციით, ამასთან ერთად, ვერცხლის მედლით 52 და ბრინჯაოს მედლით 133 ღ

შემოსავლების სამსახურის უფროსი ქართველ და თურქ ბიზნესმენთა ასოციაციის წარმომადგენლებს შეხვდა

13 ივნისი, 2019 , 12:55

ფინანსთა სამინისტროს შემოსავლების სამსახურის უფროსი ვახტანგ ლაშქარაძე ქართველ და თურქ ბიზნესმენთა ასოციაციის წარმომადგენლებს შეხვდა და ასოციაციის წევრებს საგადასახადო სისტემაში მიმდინარე რეფორმები გააცნო. ამის შესახებ &b

ჩვენი და აშშ-ის მთავრობის ხედვა ანაკლიის პროექტის შესახებ ერთმანეთის იდენტურია - ნათია თურნავა

13 ივნისი, 2019 , 12:02

ანაკლიის პროექტი სტრატეგიული მნიშვნელობისაა და ბუნებრივია, რომ მასზე გაამახვილა ყურადღება ისეთმა მაღალი რანგის თანამდებობის პირმა, როგორიცაა აშშ-ის სახელმწიფო მდივანი მაიკ პომპეო, - განაცხადა აშშ-ში ვიზიტით მყოფმა ეკონომ

ვიდეო გალერეა

ქრისტე აღსდგა!