უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
ეკონომიკა
FAO საქართველოში ფასების მონიტორინგის და ანალიზის სიტემის დანერგვას ახორციელებს
სურსათის ფასების მონიტორინგისა და ანალიზის ელექტრონული სისტემის (FPMA) წარდგენის მიზნით, გაეროს სურსათისა და სოფლის მეურნეობის ორგანიზაციამ (FAO) ქართველი სტატისტიკოსები, ანალიტიკოსები და კერძო სააგენტოების წარმომადგენლები შეკრიბა. ელექტრონული სისტემა ფასების შესახებ ინფორმაციის გავრცელებასა და ანალიზის თანამედროვე ტექნიკურ გადაწყვეტას უზრუნველყოფს.
FAO-ს ეკონომისტმა, ნატალია მერკუშევამ 15 ქართველი სტატისტიკოსისთვის FPMA სისტემის პრაქტიკული ტრენინგი ჩაატარა. სისტემა ბაზაში მონაცემთა მარტივად შეტანის საშუალებას იძლევა, შემდეგ კი სწრაფად და მარტივად თვლის ცალკეულ ფასებს, ახორციელებს ფასთა შედარებებს, იძლევა ცხრილების ჩამოტვირთვის საშუალებას და ძირითად სტატისტიკურ მონაცემებზე წვდომას.
FPMA და ფასების მონაცემთა ბაზები მსოფლიოს სხვადასხვა ქვეყანაში 2010 წლიდან გამოიყენება. სუსტემა საერთაშორისო ორგანიზაციებსა და ქვეყნების მთავრობებს დროული და სანდო ინფორმაციის მოიპოვებით უზრუნველყოფს. საქართველოს გარემოს დაცვისა და სოფლის მეურნეობის სამინისტროს დახმარების მიზნით, მიმდინარე წლის დასაწყისში, FAO-მ უკვე განახორციელა ქვეყანაში სასოფლო-სამეურნეო პროდუქციის ფასების შესწავლისა და ანალიზის სისტემის დანერგვა. სოფლის მეურნეობისა და სოფლის განვითარების ევროპული სამეზობლო პროგრამის (ENPARD) ფარგლებში, FPMA-ს დანერგვას მხარს უჭერს ევროკავშირიც. ქვეყანაში დარგის პოლიტიკის წარმმართველების გარდა, განახლებადი სტატისტიკური მონაცემები ასევე სასარგებლო იქნება სოფლად ოჯახური მეურნეობებისა და ფერმერთა ასოციაციებისთვისაც. სისტემა ფერმერულ საქმიანობაში ჩართულ პირებს საბაზრო ტენდენციებთან თანხვედრაში მყოფი საფასო პოლიტიკის წარმოებაში დაეხმარება. მცირე ფერმერები, რომლებსაც ხშირად მწირი რესურსები გააჩნიათ, მათთვის მეტად ღირებულ ინფორმაციაზე წვდომას მოიპოვებენ, რაც განვითარების ახალ შესაძლებლობებს წარმოაჩენს.