უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
ფაქტობრივად, ჩემი ყველა ნაცნობი სამსახურს ეძებს - გიორგი მარგველაშვილი
საქართველოს პრეზიდენტის, გიორგი მარგველაშვილის განცხადებით, ქვეყანაში მძიმე ეკონომიკური მდგომარეობაა და საქართველოს მოსახლეობას მძიმე ტვირთი აწევს.
ამის შესახებ პრეზიდენტმა გადაცემა ,,არჩევანში“ განაცხადა და აღნიშნა, რომ დასაქმების ბაზარზე სერიოზული პრობლემაა.
,,მარტივად გეტყვით. ჩემს ირგვლივ, ფაქტობრივად ჩემი ყველა ნაცნობი ეძებს სამსახურს. ყველა ცდილობს სადმე დასაქმდეს და რამე სამსახური იშოვოს. სამწუხაროდ, ბევრი წასულია საზღვარგარეთ და იქ ცდილობს დასაქმებას. ეს ჩვენი ყოფის, ცხოვრების, ძალიან სერიოზული პრობლემაა. პარალელურად, ლარის გაუფასურებამ და ეკონომიკის ზრდის დაბალმა ტემპმა, არა მხოლოდ სამუშაო ადგილებზე იმოქმედა, არამედ გლობალურად დოვლათის შექმნის პროცესსაც პრობლემა შეუქმნა. ასევე, თუ შევხედავთ, დავინახავთ იმას, რომ რეალურად მცირე და საშუალო ბიზნესის წილი საქართველოში ჯერჯერობით ვერ გაიზარდა. ამას თუ დავუმატებთ იმ რეალობასაც, რომ საპროცენტო განაკვეთის ზრდა მოხდა, მართლაც ძალიან მძიმე ტვირთი აწევს ჩვენს მოსახლეობას“, - განაცხადა მარგველაშვილმა და აღნიშნა, რომ არის გარკვეული პოზიტიური პარამეტრებიც.
,,წელს უცხოური ინვესტიციები გაზრდილია. გარკვეულწილად ტურიზმის მაჩვენებელიც გაიზარდა. რამდენიმე ეკონომიკური პარამეტრია, რომელიც იმედისმომცემია, მაგრამ ეკონომიკური პარამეტრები ცალკე მოვლენაა. რეალური მოვლენაა ის, თუ როგორ ვგრძნობთ ჩვენ თავს. რანაირად გაიზარდა ხელფასიდან გამომდინარე ჩვენი მსყიდველუნარიანობა, რამდენად მეტს ვხარჯავთ ბაზარზე, აქედან გამომდინარე, როგორ ვახალისებთ ეკონომიკას, რამდენი ადამიანი ეძებს ჩვენს ირგვლივ სამუშაოს. აი, ეს არის რეალური გარემო“, - განაცხადა პრეზიდენტმა.
მარი ნამგალაძე