კომენტარი

ფაქტობრივად დაადასტურა, რომ ფარცხალაძე დღეს რუხი კარდინალია ქვეყანაში, სიტყვა ვერ დაძრა მის საწინააღმდეგოდ - ზაალ უდუმაშვილი ივანიშვილზე

ენმ-ს თბილისის ორგანიზაციის თავმჯდომარე, ზაალ უდუმაშვილი საქართველოს ყოფილი პრემიერის, ბიძინა ივანიშვილის გუშინდელ სატელევიზიო ინტერვიუს ეხმიანება.

უდუმაშვილის შეფასებით, ,,ომეგა ჯგუფის“ საქმესთან დაკავშირებული ფარული ჩანაწერების ავთენტურობა ინტერვიუს დროს ყოფილმა პრემიერმა დაადასტურა.

,,დაადასტურა, რომ ოთარ ფარცხალაძემ სცემა ლევან ყიფიანი, დაადასტურა, რომ ფარცხალაძესთან მას აქვს ურთიერთობა. ფაქტობრივად ისიც დაადასტურა, რომ ფარცხალაძე დღეს რუხი კარდინალი არის ქვეყანაში, იმიტომ, რომ სიტყვა ვერ დაძრა მის საწინააღმდეგოდ.

ასევე, მირზა სუბელიანზე დაადასტურა, რომ ის ჩანაწერები, რომელიც გაკეთებულია ციხეში, ნამდვილია, ავთენტურია და პროკურატურასაც აქვს ეს ჩანაწერები და მასზე აპელირებდა ბიძინა ივანიშვილი. შესაბამისად, დაადასტურა, რომ ქვეყანაში არის არაფორმალური მმართველობა“, - აცხადებს ზაალ უდუმაშვილი.