კომენტარი

ფაროსანას წინააღმდეგ სამუშაოები აქტიურ ფაზაში აპრილში გადავა - ზურაბ ალავიძე

ფაროსანას წინააღმდეგ ბრძოლაში ჩართული ვიყავით შარშანაც, ჩართული ვართ წელსაც და მომავალ წელსაც ჩართული ვიქნებით, - განუცხადა ჟურნალისტებს რეგიონული განვითარებისა და ინფრასტრუქტურის მინისტრმა, ზურაბ ალავიძემ და აღნიშნა, რომ აზიური ფაროსანას წინააღმდეგ საბრძოლველად საქართველოს ხელისუფლება მზად არის.

მისი თქმით, სამუშაოები აქტიურ ფაზაში აპრილში გადავა, როდესაც ფაროსანა გარეთ გამოვა.

„ძალიან აქტიურად ვმუშაობთ. შექმნილია შტაბი და კომისია, რომელიც ამას ხელმძღვანელობს. ჩართულია მინისტრთა კაბინეტი, თითოეული მუნიციპალიტეტი, გუბერნიები, ადგილობრივი და უცხოელი ექსპერტები და მობილიზებულები ვართ. სამუშაოები უკვე დაწყებულია და აქტიურ ფაზაში გადავა აპრილის თვეში, როდესაც ფაროსანა გამოვა.

მაგრამ მანამდე ყველა მოსამზადებელი სამუშაოები მიმდინარეობს და ის ღონისძიებები, რაც გვაქვს ჩვენ დაგეგმილი ფაროსანასთან საბრძოლველად, ამისთვის მზად ვართ“, - განაცხადა ალავიძემ.

ნინო ექვთიმიშვილი