სამართალი
ფარული ჩანაწერების საქმესთან დაკავშირებით ჩვენ გვაქვს 20-ზე მეტი დახმარების შუამდგომლობა გაგზავნილი არაერთ ქვეყანაში - ირაკლი შოთაძე
მთავარი პროკურორის, ირაკლი შოთაძის განცხადებით, ფარული ჩანაწერების საქმესთან დაკავშირებით საქართველოს საგამოძიებო უწყებას შესაბამისი 20-ზე მეტ შუამდგომლობა აქვს გაგზავნილი არაერთ ქვეყანაში.
,,ჩვენ გვაქვს 20-ზე მეტი დახმარების შუამდგომლობა გაგზავნილი არაერთ ქვეყანაში და იმ ქვეყნებიდან ჩვენ თუ ვერ მივიღებთ შესაბამის ინფორმაციას, ჩვენ არ გვაქვს უფლებამოსილება, რომ საგამოძიებო და საპროცესო მოქმედებები ჩავატაროთ სხვა ქვეყნის ტერიტორიაზე. ეს ვიდეოკადრები ატვირთული არის ინტერნეტსივრცეში სხვა ქვეყნებიდან, არ არის ატვირთული საქართველოდან. შესაბამისად, ჩვენ ველოდებით ამ სამართლებრივი დახმარების შუამდგომლობების პასუხებს, რომელთა მიღების შემთხვევაში, რა თქმა უნდა, ჩვენ მოვახდენთ შესაბამის რეაგირებას’’, - განუცხადა ირაკლი შოთაძემ ჟურნალისტებს.
ნინო ექვთიმიშვილი