უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
საზოგადოება
ფერეიდნელი ახალგაზრდები თბილისში ქართულ ენას სწავლობენ
თბილისის პირველ გიმნაზიაში სპორტისა და ახალგაზრდობის საქმეთა მინისტრი ტარიელ ხეჩიკაშვილი, მინისტრის მოადგილე რევაზ ჯაველიძე და სსიპ ბავშვთა და ახალგაზრდობის განვითარების ფონდის წარმომადგენლები ფერეიდნელ ახალგაზრდებს შეხვდნენ.
„თქვენი საქართველოში ყოფნა ჩვენთვის ძალიან მნიშვნელოვანია,თქვენ ჩვენი განუყოფელი ნაწილი ხართ,ჩვენი სისხლი და ხორცი,ჩვენ ვერ დაგვაშორებს საუკუნეები.თითოეული თქვენგანი ჩვენთვის ძვირფასია,დღევანდელ დღეს თქვენ ხართ ელჩები საქართველოსა და სამშობლოდან შორს მყოფ ქართველებს შორის,ჩვენ ერთი სამშობლო გვაქვს,ჩვენ ერთი გენი გვაქვს,ქედს ვიხრით თქვენს წინაშე და მადლობას გიხდით ყველაფრისათვის“ - განაცხადა ტარიელ ხეჩიკაშვილმა.
მინისტრმა ფერეიდნელ ახალგაზრდებს საჩუქრად „ცეფხისტყაოსნის“ აუდიო ჩანაწერები და ევროპის 19-წლამდელთა ჩემპიონატის ბილეთები გადასცა.
სპორტისა და ახალგაზრდობის საქმეთა სამინისტროს ცნობით, პროექტის მიხედვით საქართველოში ქართული ენისა და ხალხური სიმღერის შესასწავლად 12 ფერეიდნელი ახალგაზრდა ჩამოვიდა. ქართულ ენასთან ერთად მათ საქართველოს ისტორია, ხალხური სიმღერები და ხალხურ საკრავებზე დაკვრა შეისწავლეს. პროექტის განმავლობაში მოეწყო ოთხი გასვლითი ექსკურსია: მცხეთაში, კახეთში, ყაზბეგსა და ვარძიაში.
პროექტის მიზანია ფერეიდანში მცხოვრებ ქართველ ახალგაზრდებს შეასწავლოს ქართული ენა და ხალხური სიმღერები, გააცნოს საქართველოში არსებული ისტორიული ძეგლები. დღევანდელი მონაცემებით ფერეიდანში 50,000-მდე ქართველი ცხოვრობს, რომელთა უმრავლესობა მხოლოდ გარკვეულ დონეზე ფლობს ქართულ ენას და ოცნებობს საქართველოში საცხოვრებლად დაბრუნებას.
პროექტის დასრულებისას დაგეგმილია შემაჯამებელი ღონისძიების გამართვა, სადაც ფერეიდნელები შეასრულებენ პროექტის განმავლობაში შესწავლილ ქართულ სიმღერებს. პროექტის ორგანიზატორებისგან მათ გადაეცემათ სერთიფიკატები.
პროექტი სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის მიერაა დაფინანსებული და მას საქართველოს დემოგრაფიული საზოგადოება უწევს ორგანიზებას.