უკან

უახლესი ამბები

დღის კალენდარი

ანონსები

არქივი

საზოგადოება

20 ნოემბერი, 2018 16:50
font-size

ფინანსთა მინისტრი ივანე მაჭავარიანი თბილისის სახელმწიფო უნივერსიტეტის სტუდენტებს შეხვდა

რა ხდება გლობალურად ეკონომიკაში, როგორ იცვლება ბიზნესმოდელები ციფრული ტექნოლოგიების ეპოქაში, რა გამოწვევების წინაშე დგას სახელმწიფოები და მათ შორის, საქართველო ამ მიმართულებით, - ამ და სხვა საინტერესო თემებზე ისაუბრა დღეს ფინანსთა მინისტრმა, ივანე მაჭავარიანმა ივანე ჯავახიშვილის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის, ასევე, საერთაშორისო ეკონომიკური სკოლის სტუდენტებთან შეხვედრისას.

მან ასევე, ყურადღება გაამახვილა ჭარბვალიანობის პრობლემის მოგვარების მიზნით მთავრობის მიერ გაცხადებულ ახალ ინიციატივაზე.

როგორც ივანე მაჭავარიანმა აღნიშნა, ჭარბვალიანობა დღეს ერთ-ერთი შემაფერხებელი ფაქტორია ეკონომიკის განვითარებისთვის. მან კიდევ ერთხელ, განმარტა აღნიშნული გადაწყვეტილების მიღების მიზეზები და აღნიშნა, რომ ეს არის დიდი ხნის დაგროვილი პრობლემა, რომლის შედეგადაც, ქვეყნის აქტიური მოსახლეობის თითქმის მესამედი აღმოჩნდა ე.წ. „შავ სიაში“.

„ეს არის იმ უპასუხისმგებლო დაკრედიტების შედეგი, რომელზეც ვსაუბრობდით. ჩვენი ამოცანაა, რაც შეიძლება მეტი მოქალაქე გათავისუფლდეს სესხის ტვირთისგან და დაუბრუნდეს ნორმალურ, ჯანსაღ ეკონომიკურ-სოციალურ ცხოვრებას. სწორედ ამ პრობლემის მოსაგვარებლად, საფინანსო სექტორთან შედგა მოლაპარაკებები და მივედით შეთანხმებამდე, რომ ე.წ. შავ სიაში მყოფი, დაახლოებით, 600 ათასი ჩვენი თანამოქალაქის დავალიანების პორტფელს, მთლიანად გამოისყიდის და გაისტუმრებს ფონდი „ქართუ“, - აღნიშნა ფინანსთა მინისტრმა.

კითხვაზე არსებობს თუ არა რისკი, რომ მოსახლეობის ნაწილმა კვლავ დააგროვოს დავალიანება, ფინანსთა მინისტრმა კიდევ ერთხელ განმარტა, რომ პასუხისმგებლიანი დაკრედიტების პირობებში, ამ მასშტაბით პრობლემა აღარ დადგება.

„პასუხისმგებლიანი დაკრედიტების პირობებში, აღარ მოხდება ასეთი ტიპის სესხების გაცემა და ამ რაოდენობით ვალების დაგროვება იმიტომ, რომ უამრავი ბარიერი, პირობა და შეზღუდვა დაიდო. ვფიქრობ, ეს არის ერთჯერადი პოლიტიკური ნაბიჯი და წლების განმავლობაში დაგროვილი მძიმე სოციალური მდგომარეობის გასწორების შესაძლებლობა. დღეს, როდესაც ბევრს ვსაუბრობთ ადამიანური კაპიტალის განვითარების შესახებ და ვამბობთ, რომ ადამიანი უმთავრესი კაპიტალია, ბუნებრივია, ამ კაპიტალის აქტივიზაცია, მისი მობილურობის გაზრდა, ხელს შეუწყობს ეკონომიკის განვითარებას, სწორედ მათ აქტივობაში დევს ეკონომიკური ზრდის პოტენციალი. შესაბამისად, ამ შრომისუნარიანი მოსახლეობის დაბრუნებას ქვეყნის ეკონომიკაში, ექნება მნიშვნელოვანი ეფექტი“, - განაცხადა ფინანსთა მინისტრმა.

სტუდენტებთან გამართული შეხვედრის შეფასებისას, თსუ-ის რექტორმა, გიორგი შარვაშიძემ ხაზი გაუსვა ამგვარი ფორმატის მნიშვნელობას და აღნიშნა, რომ ეს კარგი შესაძლებლობაა ახალგაზრდებმა უშუალოდ მთავრობის წევრებისგან მოისმინონ ინფორმაცია მათთვის აქტუალურ და საინტერესო თემებზე.

„მინისტრთან შეხვედრაზე ძალიან ბევრი შეკითხვა დაისვა, გაიმართა ცოცხალი დისკუსია. მნიშვნელოვანია, როდესაც პირველი პირები სახელმწიფოში მტკივნეულ საკითხებზე საუბრობენ სტუდენტებთან. გაიმართა ძალიან გულღია და კარგი დიალოგი. ეს ის ფორმატია, რომელიც, ალბათ, მისაბაძია ბევრისთვის. თუ ჩვენი მთავრობის პრინციპი არის ღიაობა, ეს არის უპირველესად ღიაობა სტუდენტობასთან, ჩვენს მომავალთან,“- განაცხადა გიორგი შარვაშიძემ.

„მნიშვნელოვანია მთავრობის კონტაქტი აუდიტორიასთან და განსაკუთრებით სტუდენტებთან, საჭიროა, მთავრობამ კითხვებს უპასუხოს, რომელიც გვიგროვდება ჩვენ სხვადასხვა პროცესთან დაკავშირებით. ჩემი აზრით, ფინანსთა მინისტრმა ამომწურავად უპასუხა ჩვენს კითხვებს, კარგად გვაჩვენა ის პოზიტიური ნაწილი, რომელსაც მოიაზრებს ეს ინიციატივა, თუმცა, ხაზი გაუსვა ასევე უარყოფით მხარესაც“ , - აღნიშნა ეკონომიკისა და ბიზნესის ფაკულტეტის სტუდენტმა გიორგი მიქელაძემ.

„მთავრობის წარმომადგენლების პასუხები საზოგადოებაში არსებულ კითხვებზე ყოველთვის საინტერესოა და კიდევ უფრო საინტერესოა, როდესაც გარკვეული სპეციფიკური პროფილის სტუდენტებს ხვდებიან შესაბამისი მინისტრები. ვთვლი, რომ ძალიან ნაყოფიერი შეიძლება გამოდგეს ეს შეხვედრა მათთვის. ჩვენთვის კი იყოს ძალიან მნიშვნელოვანი ახსნა-განმარტება, იმ კითხვებზე პასუხები, რომელიც დაგვიგროვდა დროთა განმავლობაში,“- განაცხადა თსუ-ის ეკონომიკის საერთაშორისო სკოლის სტუდენტმა ანა მჟავანაძემ და დასძინა, რომ მსგავსი შინაარსის შეხვედრები სხვადასხვა მიმდინარე მოვლენებთან დაკავშირებით აუცილებლად უნდა გაგრძელდეს.

მედიაციის სასერტიფიკატო ტრენინგების ციკლი დაიწყო

16 თებერვალი, 2019 , 19:25

თბილისის ღია უნივერსიტეტში მედიაციის სასერტიფიკატო ტრენინგების ციკლი დაიწყო, რომელიც საქართველოს ადვოკატთა ასოციაციის სასწავლო ცენტრის, ივანე ჯავახიშვილის სახელობის თბილისის სახელმწიფო უნივერსიტეტის დავის ალტერნატიული გა

უკანონოდ მიჩნეული ხორცის განთავსების ფაქტები სამომხმარებლო ბაზარსა და კვების ობიექტებში აღკვეთილია - სურსათის ეროვნული სააგენტო

16 თებერვალი, 2019 , 17:01

სურსათის ეროვნულმა სააგენტომ ბაზარზე ცხენის ხორცის უკანონოდ განთავსების შემთხვევები აღკვეთა. ამის შესახებ ინფორმაციას სურსათის ეროვნული სააგენტო ავრცელებს. მათივე ცნობით, სურსათის ეროვნული სააგენტო სახელმწიფო კონტროლის ფ

თბილისში ხეების სანიტარიული ჭრა კერძო საკუთრებაში არსებულ ნაკვეთებშიც იწყება

16 თებერვალი, 2019 , 14:20

თბილისის მერიის შპს ,,ეკოსერვის ჯგუფი“ დედაქალაქის მუნიციპალურ საზღვრებში არსებული დაავადებული და ხმობადი ფიჭვების ჭრას განაგრძობს. თბილისის მერიის ინფორმაციით, სამუშაოები დღეს ასათიანის ქუჩის მიმდებარედ მიმდინარეო

12 პროექტი, გაწერილი 169 მილიონი ლარი და შესრულება ნული - გიგი უგულავა პასუხისმგებლობას ივანიშვილსა და მთავრობას აკისრებს

16 თებერვალი, 2019 , 14:00

„ქვეყნისთვის უმნიშვნელოვანესი 12 პროექტი, ჯამურად 169 მილიონი ლარის ოდენობით იყო გაწერილი 2018 წლის სახელმწიფო ბიუჯეტში და შესრულება არის ნული,“ - ამის შესახებ „ევროპული საქართველოს“ წევრმა, გიგი

დეკანოზ მამალაძის მწვავედ გამოვლენილ ჩივილს ესაჭიროება ინტენსიური მეთვალყურეობა - ექიმი

16 თებერვალი, 2019 , 12:57

ღუდუშაურის კლინიკის გენერალური დირექტორის პირველი მოადგილის, მარინა გელანტიას განცხადებით, დეკანოზი გიორგი მამალაძე კონტაქტურია, თუმცა მეთვალყურეობის ქვეშ რჩება. მისი თქმით, დეკანოზ გიორგი მამალაძეს დაუზუსტებელი იშემიური

მთაწმინდაზე ახალგაზრდა მამაკაცის ცხედარი იპოვეს

16 თებერვალი, 2019 , 12:35

მთაწმინდაზე, მაყაშვილის ქუჩის მიმდებარე ტერიტორიაზე ახალგაზრდა მამაკაცის ცხედარი იპოვეს. “რუსთავი2-ის” ინფორმაციით, ადგილზე სამართალდამცველები და ექსპერტ-კრიმინალისტები არიან მობილიზებული. ცხედარს, ამ წუთებში