უკან

უახლესი ამბები

დღის კალენდარი

ანონსები

არქივი

რეგიონები

23 აგვისტო, 2019 12:40
font-size

ფინანსთა მინისტრის მოადგილე გიორგი კაკაურიძე ონის მუნიციპალიტეტის სოფლების მოსახლეობას შეხვდა

მომავალი წლის ბიუჯეტის დაგეგმვისა და მუნიციპალიტეტებისთვის აქტუალური საკითხების მოგვარების მიზნით, მთელი ქვეყნის მასშტაბით გრძელდება სამუშაო შეხვედრები მოსახლეობასთან, რომელშიც აქტიურად მონაწილეობენ ფინანსთა სამინისტროს წარმომადგენლები. ამის შესახებ ინფორმაციას ფინანსთა სამინისტრო ავრცელებს.

უწყების ცნობით, აღნიშნულ ფორმატში ფინანსთა მინისტრის მოადგილე გიორგი კაკაურიძე ონის მუნიციპალიტეტის სოფლების - პიპილეთის, ირისა და ქვედრულას მოსახლეობას შეხვდა.

„შეხვედრებს, ასევე დაესწრნენ რაჭა-ლეჩხუმისა და ქვემო სვანეთის მხარეში სახელმწიფო რწმუნებული არჩილ ჯაფარიძე, ქალაქ ონის მუნიციპალიტეტის მერი ემზარ ჯაფარიძე, პარლამენტის წევრი კარლო კოპალიანი და ადგილობრივი ხელისუფლების სხვა წარმომადგენლები. მათ ადგილობრივებს განხორციელებული და დაგეგმილი სახელმწიფო პროექტების შესახებ მიაწოდეს ინფორმაცია, საუბარი შეეხო იმ პრობლემებს, რომელთა გადაჭრასაც მოსახლეობა ითხოვს.

მათი განცხადებით, რეგიონში სწრაფი ტემპით მიმდინარეობს საგზაო და ტურისტული, სპორტული ინფრასტრუქტურის განვითარება, ხორციელდება მუნიციპალური პროექტები - გაზიფიცირებისა და წყალმომარაგების სამუშაოები, რაც მნიშვნელოვანია ტურისტული პოტენციალის გაზრდისა და მიგრაციული პროცესების შეჩერებისთვის რეგიონში. მუნიციპალიტეტის სოფლებში ძირითად პრობლემად მიწისძვრით დაზარალებულთა საკითხი დასახელდა“, - აღნიშნულია უწყების მიერ გავრცელებულ ინფორმაციაში.

როგორც ფინანსთა მინისტრის მოადგილემ აღნიშნა, ფინანსთა სამინისტროსთვის ძალიან მნიშვნელოვანია, რომ მომავალი წლის ბიუჯეტის დაგეგმვის პროცესში ადგილობრივი მოსახლეობის ჩართულობა, მათი მოთხოვნების და წინადადებების გათვალისწინება, რაც ხელს შეუწყობს ბიუჯეტის სწორ ფორმირებას და პრიორიტეტული მიმართულებების განსაზღვრას.

„მოვისმინეთ ის ძირითადი პრობლემები, რომელიც აქვს მოსახლეობას, კეთდება ძალიან ბევრი პროექტი, რასაც მოსახლეობა კარგად ხედავს, თუმცა, ისინი მაინც აყენებენ გარკვეულ საჭიროებებს და ჩვენ ადგილობრივ ხელისუფლებასთან ერთად, მაქსიმუმს გავაკეთებთ იმისათვის, რომ როგორც წლევანდელი წლის, ასევე მომავალი წლის ბიუჯეტში ავსახოთ ამ პრობლემების გადაჭრის გზები და შესაბამისად, ეს პრობლემები მოვუგვაროთ მოსახლეობას. მიმდინარე სამუშაოებისა და „მაღალმთიანი რეგიონების შესახებ“ კანონის შედეგად, კიდევ უფრო ადვილი გახდება ამ სოფლებში ცხოვრება და დარწმუნებული ვარ, საბოლოო ჯამში მოსახლეობის გარკვეულ ნაწილს დატოვებს, ნაწილს კი დააბრუნებს ამ სოფლებში,“ - განაცხადა გიორგი კაკაურიძემ.

რაჭა-ლეჩხუმისა და ქვემო სვანეთის მხარეში სახელმწიფო რწმუნებულის თქმით, რეგიონში აქტუალურია სოფლის შიდა გზების, წყალმომარაგების სისტემების რეაბილიტაციისა და ინტერნეტიზაციის საკითხები, რისთვისაც ცენტრალურ ხელისუფლებასთან ერთად გაგრძელდება მუშაობა უახლოეს პერიოდში მათი გადაჭრის მიზნით.

მოსახლეობასთან ღია დიალოგის ძირითადი მიზანია, 2020 წლისთვის სახელმწიფო ბიუჯეტით გათვალისწინებული ყველა მიმართულება დაიგეგმოს მოსახლეობის ინტერესების გათვალისწინებით.

სწორედ ამ მიზნით, მომავალი წლის ბიუჯეტის ფორმირებამდე ცენტრალური და ადგილობრივი ხელისუფლების წარმომადგენელთა შეხვედრები რეგიონების მოსახლეობასთან გრძელდება.

საქართველოს ბანკის რიგით 21-ე იდეათეკა ახალციხეში გაიხსნა

25 მარტი, 2024 , 17:05

საქართველოს 8 რეგიონში უკვე საქართველოს ბანკის 21 მულტიფუნქციური საგანმანათლებლო სივრცე - იდეათეკა ფუნქციონირებს. ეს ყველაფერი არაა. ფინანსური ინსტიტუტი მოსწავლეებისთვის განათლების შესაძლებლობების შექმნას განაგრძობს. საქ

ქობულეთში, შემოვლით გზაზე ავარიის შედეგად სამი ადამიანი დაიღუპა

25 მარტი, 2024 , 12:09

ქობულეთში, შემოვლით გზაზე ავარიის შედეგად სამი ადამიანი დაიღუპა. "აჭარის ტელევიზიის" ინფორმაციით, შემთხვევა სოფელ ოჩხამურთან მოხდა და გარდაცვლილები ოჯახის წევრები არიან.  სასწრაფო-სამედიცინო სამსახურის განმარტებით,

შიდა ქართლის სახელმწიფო რწმუნებულად ლევან ხარაბაძე დაინიშნა

20 მარტი, 2024 , 12:00

შიდა ქართლის სახელმწიფო რწმუნებულად ლევან ხარაბაძე დაინიშნა. პრემიერ-მინისტრი ირაკლი კობახიძე ახალ გუბერნატორს დღეს მთავრობის ადმინისტრაციაში შეხვდა. ინფორმაციას მთავრობის ადმინისტრაცია ავრცელებს. პრემიერმა ლევან ხარაბაძ

ოზურგეთი-თბილისის მატარებელი სოფელ ნატანებთან ლიანდაგიდან გადავიდა, შემთხვევის შედეგად არავინ დაშავებულა

20 მარტი, 2024 , 11:48

ოზურგეთი-თბილისის მატარებლის ელმავალი და პირველი ვაგონი სოფელ ნატანებთან ლიანდაგს ასცდა. როგორც საქართველოს რკინიგზაში აცხადებენ, შემთხვევის შედეგად არავინ დაშავებულა. მათივე ცნობით, ამ დროისათვის მიმდინარეობს მოკვლევა დ

დედოფლისწყაროში, ტყის მიმდებარედ მამაკაცი ხანძრის გაჩენას ცდილობდა - საგანგებო სიტუაციების მართვის სამსახური

5 მარტი, 2024 , 11:16

ახალგაზრდა მამაკაცი, რომელიც დედოფლისწყაროს რაიონში, ტყის მიმდებარედ ხანძარს მიზანმიმართულად აჩენდა, 500 ლარით დაჯარიმდა. აღნიშნულის შესახებ განცხადებას საგანგებო სიტუაციების მართვის სამსახური ავრცელებს. „შინა

ხობის მერიამ 10.8 მილიონიანი ტენდერი, სავარაუდოდ, სენაკის მერის ბიძის კომპანიას მოარგო - TI

26 თებერვალი, 2024 , 15:29

"საერთაშორისო გამჭვირვალობა - საქართველოს" ცნობით, ხობის მერიის ტენდერი, რომელშიც სენაკის მერის, ვახტანგ გადელიას ბიძის კომპანია - სააქციო საზოგადოება "არქეოპოლისი" იმარჯვებს, სავარაუდოდ, სწორედ ამ კომპანი

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი