პოლიტიკა

ფინანსთა სამინისტროს საგამოძიებო სამსახურში საკადრო ცვლილებები დაიწყო

ფინანსთა სამინისტროს საგამოძიებო სამსახურში საკადრო ცვლილებები დაიწყო.

საზოგადოებრივი მაუწყებლის ინფორმაციით, თანამდებობა დატოვა სამსახურის უფროსის მოადგილემ მიხეილ ახვლედიანმა და საზოგადოებასთან ურთიერთობის დეპარტამენტის უფროსმა გიორგი გრძელიშვილმა.

როგორც საზოგადოებრივს გრძელიშვილმა განუცხადა, ის საგამოძიებო სამსახურიდან საკუთარი გადაწყვეტილებით წამოვიდა, განცხადებას კი, სამსახურის დატოვების შესახებ, ორშაბათს დაწერს.

მანამდე თანამდებობა დატოვა საგამოძიებო სამსახურის უფროსმა გიორგი ბადაშვილმა, რომელიც მთავარი პროკურორის მოადგილედ დაინიშნა. მისი შემცვლელად კი, უწყებაში ლევან გამყრელიძე დაინიშნა.