უკან

საზოგადოება

19 სექტემბერი, 2018 17:50
font-size

ფიზიკური პირებისთვის სესხის აღების პროცესი მარტივდება - ეროვნული ბანკი

ფიზიკური პირებისთვის, რომელთაც დეკლარირებული შემოსავლები აქვთ, სესხის აღების პროცესი მარტივდება. ამას საქართველოს ეროვნული ბანკის, მთავრობისა და შემოსავლების სამსახურის ერთობლივი პროექტი ითვალისწინებს, რომელიც ოქტომბერში ამოქმედდება.

როგორც ეროვნულ ბანკში აცხადებენ, პასუხისმგებლიანი დაკრედიტების ჩარჩოს დანერგვის ფარგლებში სესხის გაცემისას, შემოსავლების შემოწმება სავალდებულო გახდება და ამასთანავე, განისაზღვრება სესხის მომსახურების კოეფიციენტების მაქსიმალური ლიმიტი, რათა მომხმარებელს კრედიტის გასტუმრება ფინანსური სიძნელეების გარეშე შეეძლოს.

„აღნიშნული ჩარჩოს ეფექტიანი მუშაობა საკრედიტო საინფორმაციო ბიუროსა და შემოსავლების შემოწმების ინფრასტრუქტურის გაუმჯობესებას მოითხოვს. ამ მიზნით, ეროვნული ბანკისა და საქართველოს მთავრობის თანამშრომლობის შედეგად, ფინანსთა სამინისტროს შემოსავლების სამსახურსა და კომერციულ ბანკებს შორის რეალური დროის რეჟიმში ინფორმაციის მიმოცვლისსისტემა ამოქმედდება. აღნიშნული სისტემა გაამარტივებს სესხის აღების პროცესს იმ ფიზიკური პირებისთვის, რომელთაც დეკლარირებული შემოსავლები გააჩნიათ“, – ნათქვამია ეროვნული ბანკის მიერ გავრცელებულ ინფორმაციაში.

კერძოდ, ეროვნული ბანკის ცნობით, დაქირავებით მომუშავე (ხელფასის ტიპის შემოსავალი) და გადახდის წყაროსთან დასაბეგრი სხვა შემოსავლის (დივიდენდი, მომსახურების ანაზღაურება, საპროცენტო შემოსავლები და საგადასახადო კანონმდებლობის შესაბამისად განსაზღვრული სხვა ტიპის შემოსავლები) მიმღები ფიზიკური პირის მიერ კომერციულ ბანკში საკრედიტო პროდუქტით სარგებლობის შესახებ განაცხადის შეტანისას, მომხმარებელს შემდეგი არჩევანი აქვს: (ა) შემოსავლების დადასტურების მიზნით ბანკების მიერ სტანდარტულად მოთხოვნილი დოკუმენტები – ცნობა ხელფასის შესახებ და საბანკო ამონაწერი – მატერიალური ფორმით წარადგინოს და (ბ) სურვილისა და თანხმობის შემთხვევაში, ზემოთ აღწერილი სისტემა, თავად უზრუნველყოფს მომხმარებლის ყოველთვიური დეკლარირებული შემოსავლის შესახებ ინფორმაციის კომერციული ბანკისთვის მიწოდებას.

ეროვნული ბანკი განმარტავს, რომ აღნიშნულით სქემით გამარტივდება სესხის გაცემის პროცესი და, ამასთანავე, დაიზოგება მსესხებლის დრო და ხარჯები. შედეგად, მომხმარებელი უფრო სწრაფ და ხარისხიან მომსახურებას მიიღებს.

ამასთან, საქართველოს მთავრობის ინიციატივით, საგადასახადო კოდექსში განხორციელებული ცვლილებების შესაბამისად, 2018 წლის პირველი ივლისიდან მცირე ბიზნესით დაკავებული პირებისთვის, რომელთა ერთობლივი შემოსავალი არ აღემატება 500 000 ლარს, მნიშვნელოვნად, 1 პროცენტმადე შემცირდა ბრუნვის გადასახადი. აღნიშნულის გათვალისწინებით, იმ შემთხვევაში, თუ პიროვნება დარეგისტრირდება გადასახადის გადამხდელად და მიიღებს ე.წ. მცირე ბიზნესის სტატუსს, კლიენტი ამ სისტემის საშუალებით მნიშვნელოვნად გამარტივებული პროცედურის გავლითა და დაბალი დანახარჯებით შეძლებს საკრედიტო განაცხადის გაკეთებას. სურვილისა და თანხმობის შემთხვევაში, სისტემა თავად უზრუნველყოფს მომხმარებლის ყოველთვიურად დეკლარირებული შემოსავლის შესახებ ინფორმაციის კომერციული ბანკისთვის მიწოდებას, აღნიშნული კი მნიშვნელოვნად ამარტივებს კომერციული ბანკის მიერ საკრედიტო განაცხადის განხილვას და შესაბამისი გადაწყვეტილების მიღებას.

„აქვე უნდა აღინიშნოს, რომ დეკლარირებული შემოსავლები საკრედიტო პროექტის განხილვისა და დადებითი გადაწყვეტილებისთვის ცალსახად პოზიტიური ფაქტორია.

ბანკში მისული მოქალაქე, ერთი სარკმლის პრინციპით, საჯარო რეესტრის ეროვნულ სააგენტოსა და შემოსავლების სამსახურში მისვლის გარეშე, შეძლებს ერთდროულად მოითხოვოს გადასახადის გადამხდელად/ინდივიდუალურ მეწარმედ რეგისტრაცია და მცირე ბიზნესის სტატუსის მინიჭება. აღნიშნული პროცედურისთვის გამოიყენება თანამედროვე ელექტრონული პროგრამები, რომელთა საშუალებით დაუბრკოლებლად ხორციელდება ინფორმაციის მიმოცვლა პროცესში ჩართულ ადმინისტრაციულ ორგანოებსა და ბანკებს შორის, რაც, როგორც უკვე აღინიშნა, მომხმარებლის დროსა და ფინანსებს დაზოგავს“, – აცხადებს ეროვნული ბანკი.

მცირე ბიზნესის სტატუსის მინიჭების შემდეგ, პირი ვალდებულია წარადგინოს მცირე ბიზნესის სტატუსის მქონე ფიზიკური პირის საშემოსავლო გადასახადის ყოველთვიური დეკლარაცია არაუგვიანეს საანგარიშო თვის მომდევნო თვის 15 რიცხვისა. ისეთი პროფესიის მქონე პირებს კი, როგორიცაა ძიძა, ტაქსის მძღოლი, რეპეტიტორი და მსგავსი, რომელთა წლიური ბრუნვა 30 000 ლარს არ აღემატება, შეუძლიათ შემოსავლების სამსახურს მიკრო ბიზნესის სტატუსის მინიჭების მოთხოვნით მიმართონ. ასეთი სტატუსის მინიჭების შეთხვევაში, მათ საშემოსავლო გადასახადის გადახდა არ მოუწევთ. ამ შემთხვევაში, ბანკი მიიღებს ინფორმაციას კლიენტის სტატუსის შესახებ. თუმცა, ზემოხსენებული პროფესიის წარმომადგენლებს შეუძლიათ ფინანსთა სამინისტროს შემოსავლების სამსახურს მიმართონ არა მიკრო ბიზნესის, არამედ მცირე მეწარმის სტატუსის მინიჭების მოთხოვნით და ბრუნვის 1 პროცენტიანი გადასახადის გადახდის შედეგად, შეიქმნან გადასახადის გადახდისა და, შესაბამისად, შემოსავლის არსებობის ისტორია, რაც კომერციული ბანკებიდან სესხის გამარტივებული მიღების წინაპირობაა.

ეროვნული ბანკის შეფასებით, აღნიშნული ინფრასტრუქტურული პროექტი ჯანსაღ და ორმხრივ ურთიერთობებზე დაფუძნებული საკრედიტო ურთიერთობების მიმართულებით წინგადადგმული კიდევ ერთი ნაბიჯია.

საწყის ეტაპზე, პროექტით ისარგებლებენ კომერციული ბანკები, ხოლო სესხის გამცემი სხვა ორგანიზაციების სისტემაში ჩართვა ეტაპობრივად განხორციელდება.

საარჩევნო ბიულეტენების ბეჭდვის პროცესი დაიწყო

22 ოქტომბერი, 2018 , 10:45

საარჩევნო ბიულეტენების ბეჭდვის პროცესი დაიწყო. ამასთან დაკავშირებით ცენტრალურ საარჩევნო კომისიაში (ცესკო) საინფორმაციო ბრიფინგი გაიმართა. როგორც ცესკოს პრეს-სპიკერმა ანა მიქელაძემ ჟურნალისტებს განუცხადა, ბიულეტენები იბეჭ

მაია ბითაძე მოქალაქეებს მოუწოდებს, მუნიციპალური ქონება არ დააზიანონ

20 ოქტომბერი, 2018 , 17:10

თბილისის მერის მოადგილე მაია ბითაძე დედაქალაქში ნარჩენების სეპარირების დალუქული სტენდის დაზიანების ფაქტს ეხმაურება და მოქალაქეებს მოუწოდებს, მუნიციპალური ქონება არ დააზიანონ. როგორც მერს მოადგილე აცხადებს, მსგავსი მნიშვნ

EMC „კანაფის ლეგალიზაციის“ ფესტივალის ორგანიზატორებს პასუხისმგებლობისკენ და დამსწრეთა ინფორმირებისკენ მოუწოდებს

20 ოქტომბერი, 2018 , 16:40

ადამიანის უფლებების სწავლებისა და მონიტორინგის ცენტრი (EMC) გამოეხმაურა „დედაენის“ ბაღში დღეისთვის დაგეგმილ „კანაფის ლეგალიზაციის“ ფესტივალს. ორგანიზაციის განცხადებით, სოციალურ ქსელში ღონისძიების

ქორწინების 25 წლისთავი გვაქვს 17 ნოემბერს და მინდა რომ აქ აღვნიშნოთ - სანდრა რულოვსი

20 ოქტომბერი, 2018 , 16:20

საქართველოს ყოფილი პირველი ლედი ზუგდიდში ადგილობრივებს შეხვდა. სანდრა რულოვსმა მოსახლეობას არჩევნებში აქტიური მონაწილეობისკენ მოუწოდა და განაცხადა, რომ ქვეყანაში აუცილებელია ცვლილებები. მიხეილ სააკაშვილის მეუღლემ აქვე იმ

დაცულ ტერიტორიებზე უცხოელ ვიზიტორთა რაოდენობა 27%-ით გაიზარდა

20 ოქტომბერი, 2018 , 14:55

2018 წლის 9 თვის მონაცემებით, საქართველოს დაცულ ტერიტორიებს 974 827 ვიზიტორი ეწვია, რაც წინა წლის ანალოგიურ პერიოდთან შედარებით, 14%-ით გაზრდილი მაჩვენებელია.  ვიზიტორთა 52% ქართველია, ხოლო 48% - უცხოელი. აღსანიშნავ

საქართველო გერმანიასთან სურსათის უვნებლობის კუთხით თანამშრომლობას აღრმავებს

20 ოქტომბერი, 2018 , 14:55

გერმანიის რისკის შეფასების ფედერალური ინსტიტუტის (BfR) პრეზიდენტი ანდრეას ჰენსელი და ამავე ინსტიტუტის აღმასრულებელი ხელმძღვანელი მაგნუს იეგერი, საქართველოში ოფიციალური ვიზიტის ფარგლებში, გარემოს დაცვისა და სოფლის მეურნეო

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`