უკან
საზოგადოება
21 მაისი, 2018 17:30
ფლანდრიის პარლამენტმა ბელგიაში მოღვაწე ქართველი მოქანდაკეების გამოფენას უმასპინძლა
საქართველოს პირველი დემოკრატიული რესპუბლიკის 100 წლისთავთან დაკავშირებული საიუბილეო ღონისძიებების ფარგლებში საქართველოს საელჩოს ორგანიზებით ფლანდრიის პარლამენტმა ბელგიაში მოღვაწე ქართველი მოქანდაკეების დავით ხმალაძისა და დავით ნათიძის გამოფენას უმასპინძლა.
საქართველოს საგარეო საქმეთა სამინისტროს ინფორმაციით, გამოფენა საქართველოს საგანგებო და სრულუფლებიანმა ელჩმა ბელგიის სამეფოში და საქართველოს წარმომადგენელმა ევროკავშირში ნატალი საბანაძემ გახსნა. ელჩმა დამსწრე საზოგადოებას სიტყვით მიმართა და ხაზი გაუსვა ქართველი მოქანდაკეების მნიშვნელობას ბელგია-საქართველოს კულტურული ურთიერთობების გაღრმავების კუთხით.