სამართალი

ფონიჭალაში ნარკოდანაშაულისთვის დაკავებულ ძმებს წინასწარი პატიმრობა შეეფარდათ

თბილისის საქალაქო სასამართლომ ფონიჭალაში ნარკოდანაშაულის ბრალდებით დაკავებული ძმებს ნაზიმ და მახირ ჯაფაროვებს აღკვეთის ღონისძიების სახით პატიმრობა შეუფარდა.

მოსამართლე ეკატერინე კულულაშვილმა გაიზიარა ბრალდების მხარის შუამდგომლობა და განაცხადა, რომ არსებობს, როგორც მიმალვის, ასევე ხელახალი დანაშაულის ჩადენის საფრთხე.

საქმეზე წინასასამართლოს სხდომა 2 ოქტომბერს ჩაინიშნა.

ცნობისათვის, ძმები სამართალდამცველებმა 11 აგვისტოს დააკავეს.

გამოძიების ინფორმაციით, ფონიჭალაში დაკავებულთა სახლებში ჩატარებული სპეცოპერაციის შედეგად სამართალდამცველებმა 33 შეკვრადდაფასოებული ჰეროინი ამოიღეს. გამოძიება ნარკოტიკული საშუალების უკანონო შეძენა შენახვისა და გასაღების მუხლით მიმდინარეობს.