უკან

უახლესი ამბები

დღის კალენდარი

ანონსები

არქივი

პოლიტიკა

15 სექტემბერი, 2017 17:10
font-size

ფოთის საკრებულოს სოციალურ საკითხთა კომისიის თავმჯდომარემ „ქართული ოცნება“ დატოვა

„ქართული ოცნების“ წევრმა, ფოთის საკრებულოში სოციალურ საკითხთა კომისიის თავმჯდომარემ მაია ჩხარტიშვილმა პარტია დატოვა.

შესაბამისი განცხადება მაია ჩხარტიშვილმა Facebook-ის პირად გვერდზე განათავსა.

მედიანიუსი მის განცხადებას უცვლელად გთავაზობთ.

„მოგესალმებით, მინდა გავაკეთო საგანგებო განცხადება! მე, მაია ჩხარტიშვილი, 2012 წლის იანვრიდან საზოგადოებრივი მოძრაობა „ქართული ოცნება-დემოკრატიული საქართველოს“ წევრი და ამავე პარტიის თანადამფუძნებელი,2014 წელს ამირჩიეს ქ. ფოთის საკრებულოს წევრად, ხოლო 2015 წლის მაისიდან დღემდე ვასრულებ საკრებულოს სოც. საკითხთა კომისიის თავმჯდომარის უფლებამოსილებას.

ჩემთვის დიდი პატივი და პასუხისმგებლობა გახლდათ გასული სამი წლის განმავლობაში მემუშავა ქალაქისა და მოსახლეობის წინაშე არსებული სოციალური პრობლემების მოგვარებაზე, მაგრამ მუშაობის პროცესში შექმნილმა ხელოვნურმა ბარიერებმა დამარწმუნა, რომ დამოუკიდებლად, საერთო - გუნდური ძალისხმევის გარეშე, შეუძლებელია არსებული უმძიმესი მდგომარეობის რადიკალურად შეცვლა. თუმცა სრული პასუხისმგებლობით ვაცხადებ, მიუხედავად წინააღმდეგობებისა, მოქალაქეების წინაშე ანგარიშვალდებულების განცდა ჩემში ერთი წუთითაც არ განელებულა, ჩემი სამუშაო კაბინეტი მუდამ ღია იყო თითოეული ფოთელისთვის. ვფიქრობ, ეს არის ჩემი ყველაზე დიდი მონაპოვარი რომლის შედეგს უსაზღვრო პატივისცემისა და სიყვარულის სახით ვიმკი ყოველ ნაბიჯზე ჩემი მშობლიური ქალაქის ქუჩებში. სწორედ ეს დამოკიდებულება მანიჭებს ძალას,თქვენთან ერთად სათავეში ჩავუდგე ჩვენი ქალაქის გადარჩენის უპრეცენდენტო მაშტაბის კამპანიას,რომლის პირველ ეტაპს წარმოადგენს კაკულიასა და მისი კორუმპირებული ჯგუფის ქალაქის მართვის სადავეებიდან ჩამოშორება. ბედის ირონიაა, ნიკო ნიკოლაძის ქალაქს მუდამ „ტენდერებზე“ და „ატკატებზე“ მოფიქრალი კაკულია მართავდეს, რომელიც ფოთს განიხილავს პირადი კეთილდღეობის საბადოდ, ფოთელებს კი საარჩევნო მასად. ქალაქის უსაფრთხოება და ხალხის კეთილდღეობა კი მისთვის სრულიად უცხოა. კაკულია ქალაქის ისტორიაში შევა, როგორც ყველაზე უსუსური მერი, რომელმაც ქალაქის წინაშე არსებული ვერცერთი სტრატეგიული მნიშვნელობის ამოცანა ვერ ამოხსნა.

დღეს, ამ სამარცხვინო ბეგრაუნდის მქონე პირი ცდილობს გახდეს მომავალი მოწვევის საკრებულოს თავმჯდომარე. პირობას ვაძლევ, ის ამ ოცნებას ვერ აისრულებს! კაკულია ვერ აცნობიერებს ქალაქში არსებულ კრიზისს, რაზეც „იმედის კვირაში“ გასულ უმძიმეს სიუჟეტში შიმშილის ზღვარზე მყოფი მოქალაქეების პრეტენზიების პასუხად მის მიერ ორწლიანი მოთმინებისკენ მოწოდების ფაქტიც ადასტურებს.

სრული პასუხისმგებლობით ვაცხადებ,რომ არა მხოლოდ „ქართული ოცნების“, არამედ სხვა პარტიის წევრებისაგან შემდგარ ფინანსური ინტერესების მქონე ჯგუფს, რომელსაც კაკულია წარმოადგენს, არანაირი ღირებულებითი და იდეური საერთო არ გააჩნია „ქართული ოცნების“ ფასეულობებთან.

სწორედ ამ ფინანსური ინტერესების მქონე ჯგუფის გონებაში ამოტივტივდა თქვენთვის მერის თანამდებობაზე ასარჩევად შემოეთავაზებინათ ბატონი კურდღელიას კანდიდატურა,რომელიც ანგარიშვალდებულებას სწორედ ზემოაღნიშნული ინტერესთა ჯგუფის მიმართ გრძნობს, რაზეც მისი პირველი საჯარო განცხადებაც მოწმობს, რომელშიც ბრძანებს, რომ ფოთის მერიის „ერუდირებულ გუნდთან“ ერთად გეგმავს მუშაობას. ძვირფასო თანამოქალაქეებო, ეს ის „ერუდირებული გუნდია“ ,რომელიც ნეპოტიზმისა და კორუფციული ბუნების ნიშნით ჩამოაყალიბა კაკულიამ. თავისთავად ჩნდება კითხვა-უმსხვილესი კაპიტალის მქონე კურდღელიას, თუ ქალაქისა და მისი მოსახლეობის ბედი აწუხებდა, სად იყო დღემდე?! რა უშლიდა ხელს, როგორც ქველმოქმედს, დაეფინანსებინა ან განეხორციელებინა თუნდაც ერთი ინფრასტრუქტურული ან სოციალური პროექტი...

მინდა შეგახსენოთ, რომ კურდღელია ის პერსონაა რომელიც „ნაციონალური მოძრაობის“ მართველობის პერიოდში, 2006-2010 წლებში საკრებულოში წარმოადგენდა სააკაშვილის რეჟიმის ახალაიების გაგრძელებას. ხოლო 2012 წელს სოლიდურ თანხებს წირავდა „ნაც. მოძრაობას“ სააკაშვილის რეჟიმის გადასარჩენად.

მეგობრებო, რეალობა უმძიმესია, „ქართული ოცნების“ ლოგოს ამოფარებული კლანი კაკულიას თაოსნობით ცდილობს შეინარჩუნოს ძალაუფლება, რაც დაუშვებელია ჩვენი ქალაქის მომავლისათვის. სწორედ ამ მიზნით 2012 წლის იანვრიდან საზოგადოებრივი მოძრაობა „ქართული ოცნება-დემოკრატიული საქართველოს“ წევრი და ამავე პარტიის დამფუძნებელი ვტოვებ პარტიის რიგებს და მსურს თქვენთან ერთად, „ქართული ოცნების“ პარტიული მანდატის გარეშე, ჩავუდგე სათავეში ფოთის გადარჩენის უპრეცედენტო მაშტაბის კამპანიას, რომელიც დიდ გამარჯვებამდე მიგვიყვანს. ბრძოლის ამ ურთულეს ეტაპზე დარწმუნებული ვარ, რომ ბატონი ბიძინა ივანიშვილი არ დაუშვებს ვინმეს მხრიდან რაიმე სახის ზეწოლას ჩემს ოჯახსა და თანამებრძოლებზე.

და ბოლოს, ნებისმიერი ნაციონალური ტელეკომპანიის პირდაპირ ეთერში ვიწვევ დებატებზე კაკულიას ბ-ნ კურდღელიასთან ერთად! გმადლობთ ყურადღებისთვის!“,-დაწერა მაია ჩხარტიშვილმა.

მონიკა დავლიანიძე

ეს მებრძოლი ხალხი „ბოკერია-ბურჯანაძის“ პოლიტიკური გვამების გასაცოცხლებლად არ მოდის, არა - თაკო ჩარკვიანი

27 თებერვალი, 2021 , 12:39

ნუ აყენებთ ხალხს შეურაცხყოფას, ეს მებრძოლი ხალხი, „ბოკერია- ბურჯანაძის“ პოლიტიკური გვამების გასაცოცხლებლად არ მოდის არა! ახალგაზრდა, ჭკვიან ხალხს დაუთმეთ გზა ,– ამის შესახებ „კანონი და სამართლის&l

ლევან დავითაშვილი საქართველოში ნორვეგიის ელჩს ჰელენ სანდ ანდრესენს შეხვდა

27 თებერვალი, 2021 , 11:20

გარემოს დაცვისა და სოფლის მეურნეობის მინისტრი ლევან დავითაშვილი საქართველოში ნორვეგიის ელჩს ჰელენ სანდ ანდრესენს შეხვდა. გარემოს დაცვისა და სოფლის მეურნეობის სამინისტროს ინფორმაციით, გაცნობითი ხასიათის შეხვედრაზე, მხარეე

როგორია მომდევნო აქციების გეგმა

26 თებერვალი, 2021 , 15:50

პარლამენტის წინ, ოპოზიციის აქციაზე, "ერთიანი ნაციონალური მოძრაობის" წევრმა, ხატია დეკანოიძემ, მოსახლეობას მომდევნო აქციების გეგმა გააცნო. ოპოზიცია მარტის თვეში რამდენიმე აქციას, მათ შორის კანცელარიის პიკეტს და პარლამენტი

„ქართული ოცნების“ თავზე თავისუფალი სამყაროს პროტესტის ზვავია“ - აქციაზე ოპოზიციური პარტიების საერთო განცხადება წაიკითხეს

26 თებერვალი, 2021 , 15:50

ოპოზიციური პარტიების ორგანიზებით მიმდინარე „თავისუფლების მარშის“ აქციაზე „ლელოს“ ერთ-ერთმა ლიდერმა ბადრი ჯაფარიძემ საზოგადოებას ოპოზიციური პარტიების საერთო განცხადება გააცნო. როგორც განცხადებაშია

“ჩემგან მოითხოვეს ხარკი, თავისუფლების ქირა “ - ნიკა მელია მხარდამჭერებს ციხიდან წერილს უგზავნის

26 თებერვალი, 2021 , 15:17

პარლამენტთან მიმდინარე აქციაზე, ნიკა მელიას მიერ ციხიდან გამოგზავნილი წერილი წაიკითხეს. წერილი აქციის მონაწილეებს „ნაციონალური მოძრაობის“ ერთ-ერთმა ლიდერმა ხატია დეკანოიძემ გააცნო. „მოგესალმებით თანამებ

ყოფილი მსჯავრდებულის მიმართ სააპელაციო სასამართლომ გამამართლებელი განაჩენი დაადგინა - პროკურატურამ „ყინწვისის საქმეზე“ კიდევ 12 ყოფილი მსჯავრდებულის განაჩენის გადასინჯვის გადაწყვეტილება მიიღო - პროკურატურა

26 თებერვალი, 2021 , 14:30

პროკურატურის შუამდგომლობის საფუძველზე ყოფილი მსჯავრდებულის, ზვიად კვარაცხელიას მიმართ თბილისის სააპელაციო სასამართლომ გამამართლებელი განაჩენი დაადგინა. ამის შესახებ ინფორმაციას პროკურატურა ავრცელებს. მათივე ცნობით, ასევე