რეგიონები

ფოთის ცენტრალურ კლინიკურ საავადმყოფოში დამწვარი ბაზრობის 3 მოვაჭრე მკურნალობს

ფოთის ცენტრალურ კლინიკურ საავადმყოფოში ფოთის ბაზრობის კიდევ ორი დაზარალებული მოვაჭრე გადაიყვანეს.

კლინიკის ხელმძღვანელის, ექიმის თეა მიგინეიშვილის ინფორმაციით, პაციენტებს შეყვანისას ჰიპერტონული კრიზი ჰქონდათ.

ექიმის თქმით, ამჟამად მათი მდგომარეობა სტაბილურია.

რაც შეეხება ქალბატონს, რომელმაც თვითდაზიანება მიიყენა, თეა გიგინეიშვილის განმარტებით, პაციენტი საავადმყოფოში ხელზე ნაკვეთი ჭრილობით შევიდა.

ექიმის ინფორმაციით, ქალბატონს წინა მხრის არეში შესაბამისი სამედიცინო დახმარება ჩაუტარდა.

ამჟამად მისი მდგომარეობა სტაბილურია.

ხანძარი ფოთის ბაზრობაზე დღეს დილით გაჩნდა. ცეცხლი დაახლოებით 2000 კვადრატულ მეტრ ფართობზე იყო გავრცელებული. ადგილზე განთავსებულია 50-მდე მაღაზია და 144-მდე დახლი.

მოვაჭრეების ნაწილი მიიჩნევს, რომ ხანძარი ხელოვნურად არის მოწყობილი.

სამეგრელო-ზემო სვანეთის გუბერნატორის ლევან შონიას განცხადებით, შეიქმნება ზარალის დამთვლელი კომისია.გუბერნატორის თქმით, მოხდება მოლაპარაკებები ბანკებთან.

არსებული ინფორმაციით, მოვაჭრეების ნაწილმა შეძლო საქონლის მცირე ნაწილის გადარჩენა, თუმცა მათი თქმით, საქონელი სარეალიზაციოდ აღარ გამოდგება.

ნინო ექვთიმიშვილი