უკან
რეგიონები
8 იანვარი, 2019 15:40
ფოთის ცენტრალურ კლინიკურ საავადმყოფოში კარანტინი გამოცხადდა
ფოთის ცენტრალურ კლინიკურ საავადმყოფოში კარანტინი გამოცხადდა. ინფორმაციას ამის შესახებ ფოთის საზოგადოებრივი ჯანდაცვის ცენტრი ადასტურებს.
მათი თქმით, გადაწყვეტილება ამის შესახებ მას შემდეგ მიიღეს, რაც კლინიკაში გარდაცვალების ფაქტი დაფიქსირდა. 41 წლის ქალი სავარაუდოდ H1 N1 ვირუსით გარდაიცვალა.
ფოთის საზოგადოებრივი ჯანდაცვის ცენტრის ინფორმაციით, ბოლო პერიოდში ფოთში სხვადასხვა სამედიცინო დაწესებულებებს ჯამში 1427 პაციენტმა გრიპის ვირუსის ჩივილებით მიმართა, აქედან 4 პაციენტის მდგომარეობა იყო რთული, მათგან ერთი კი გარდაიცვალა.
ფოთის ცენტრალურ კლინიკურ საავადმყოფოში ამჟამად რესპირატორული ინფექციის სიმპტომებით 11 პაციენტი გადის მკურნალობას. ექიმების ინფორმაციით, მათი მდგომარეობა სტაბილურია.