რეგიონები
ფოთის უფუნქციო სანაპირო ზოლზე ბიუჯეტიდან 10 მილიონი დაიხარჯა - ფლანგვის დეტექტორი
ფოთის მუნიციპალიტეტმა მალთაყვის სანაპირო ზოლის მშენებლობისთვის 18.5 მლნ ლარი გამოყო და 10 მლნ უკვე დახარჯა, თუმცა სანაპირო ზოლი დღემდე გამოუყენებლია და არ არსებობს მისი განვითარების კონცეფცია - ინფორმაციას "ფლანგვის დეტექტორი" ავრცელებს.
"სამუშაოს პირველი ეტაპზე ტენდერი 2015 წელს გამოცხადდა და ფოთმა ხელშეკრულება 2014 წელს დაფუძნებულ შპს პირამიდა ფ.რ.-ს გაუფორმა, რომელსაც დაგვიანებით და უხარისხოდ შესრულებულ სამუშაოში 4.1 მილიონ ლარზე მეტი გადაუხადეს. მეორე ეტაპის ტენდერში შპს ანტ სტროი ლტდ-მ 2-ლარიანი სხვაობით გაიმარჯვა, მაგრამ ცუდად შესრულებული სამუშაოს გამო მუნიციპალიტეტმა ხელშეკრულება ცალმხრივად შეწყვიტა, თუმცა კომპანიამ 2 მილიონ ლარზე მეტი მაინც მიიღო. ამის შემდეგ ფოთმა კიდევ ორი ტენდერი გამოაცხადა, საიდანაც ერთი ოცნების შემწირველის კომპანია Nეწ ღოად-მა მოიგო, მეორე კი შპს ზმ ჯგუფმა, რომელსაც სამუშაო 4 თვით ადრე უნდა დაესრულებინა", - წერს "ფლანგვის დეტექტორი".