უკან
არქივი
საზოგადოება
30 აგვისტო, 2018 11:35
ფუნიკულიორის ფერდობზე შესაძლოა, წარწერა - „თბილისი“ განთავსდეს
ფუნიკულიორის ფერდობზე შესაძლოა, წარწერა - „თბილისი“ განთავსდეს.
როგორც დედაქალაქის მთავრობის სხდომაზე მერმა კახა კალაძემ განაცხადა, ამ პროექტების განხილვა მერიასთან არსებულ კულტურული მემკვიდრეობის საბჭოზე მოხდება.
„ჩვენი თანამოქალაქე გვთავაზობს ფუნიკულიორის ფერდობზე განთავსდეს წარწერა - „თბილისი“ ქართულ-ინგლისური ასოებით. ვფიქრობ, ჩვენი ქალაქის ყველაზე მიმზიდველ ფონზე წარწერა „თბილისი“ იქნება თვალშისაცემი და მიიქცევს ტურისტების ყურადღებას.
ამ საკითხს განსახილველად გავიტანთ მერიასთან არსებულ ისტორიულ-კულტურულ მემკვიდრეობის საბჭოზე. მთაწმინდის მთა ისტორიულ-კულტურულ ზონაში მდებარეობს და გვინდა, რომ ვიკითხოთ რამდენად შესაძლებელია ამ პროექტის განხორციელება“, - განაცხადა კალაძემ.